SAMUEL AKINIU 7:23 - BAIBEL (BSI)

²³ Ayeghiqhalo khuno shiayehmu Israilmi toike kuha. Owu timi shiniye nono aquaxe lono panongu khaqhipheluve. Nono panongu ghenguno kije eno akumzapu mlatsu keu huno ayeghiqha kumtsulo ojekipi kughakuchho wove. Nono shiyeh kutami eno panongu lhouqo owu timiqono ighikithishi halevetsu, Ijipmi kughu lono owu shiniye panongu khaqhiphevetsu.

Sumi Naga CL (Re-edited) Bible (BSI)

²³ Eno khunono Ow timi Israelmi toi kea? Ayeghi lo shiye lakhi Alhou no Paw timi shipeni ye qhüchilelu, Pa je ghenguno akümzapu kije shino panoqo zülono ashiaye haphe, shiye lakhi Egypt, eno tipau lhouqo launo Nono O salashi qhüchilelu ke.

SAMUEL AKINIU 7:23 ပူးပေါင်းရင်းမြစ်များ

SAMUEL AKINIU 7:24

Nono Israil pesu alhokupuju owu timi shiluve eno no AMPEU no panongu Lhou shiluve.

YEKIKITHI ATUGHIU 17:21

Israil shiyeh toi keu kutau hipa yeghilo kuhae, khuu nono aqemi shi akelono xapheluno panongu pesu owu timiqo shiluve keno. Nono ighono akumzapu kutomo panongu ghenguno mlakeu ghenguno ojekipi ayeghiqha kumtsulo pikulhae. Nono owu timiqo Ijipmi ulono kuqhophe eno Shiyeh kutami panongu zuuno nono haphevetsu.

NEHEMIA 1:10

“O AMPEU, panonguye oqemiqo ke, owu timike. Okuka kije eno okumtono panongu xapheluke.

LESHELE 106:22

Paye kiutoi akumzapu kumla tilau shikela! Akuhu Zughi lo akichiqhipu kishi shikela!

LESHELE 111:9

Pano pawu timiqo khaqhiphe eno panoqo sasu lhokta pulo shoqhi shike. Paye akimthe eno akughushuu ke!

LESHELE 145:6

Nono akughushu kumla shikeu timino piche nani, niye nono kishi kije keno asheshu nani.

LESHELE 147:20

Paye ashiayeh kutami ghenguye hipau shipuamoe; panoqoye pa yezah mthake. AMPEU sheqhelo!

LESHELE 40:5

O AMPEU iLhou, okumzapu kumla eno okukumsu nilau tsukeu ghili khunomu pikha mlae. Osasu kimghi akepu khumu kuhae. Ino tipaqo pikulha eno asheshu anamu tiye kihikhaluni chemoe.

LESHELE 44:3

Owu timiqoye pano ghunanu pesu ayeghi hu leluke kumoe; momu pano kumto pesu toluke kumoe; ikemu okuka, okumto eno nono panoqo gholo akeu lonoke; tiye panoqo lau nono okikimiye piyekehue.

LESHELE 65:5

Nono tokulu nitsukeu lono nikighini khochile tsuke, eno nixalu niye nono akumzapu kumla shike. Ayeghiqhalo eno azughi kachewo timi akemi kumtsuno opukhu cheni.

LESHELE 66:3

Alhou vilo ishipilo “Nono mlaqhi keuye kiutoi akumzapu kela! Okukaye shishe kije kehu oghumiye akumsa launo ozulo pishiqho ke.

IPEKULU 12:12

Tipaji, niye Ijip yeghi qhalo wunani, timi na lhoxu pinamu kiptimi anoghiu heqhini cheni eno Ijip lo alhouqo kumtsu ghimeqhi ni cheni. Niye AMPEU ke.

IPEKULU 33:16

Nono ningu gholo wumo aye noye owu timiqo lau eno ilau amlo qi anikepi khuuno ithini kya? Nono nigholo achekeu ayeghilo timi kutami akeqo launo nikutashi kimchilu nikeu anike.”

IPEKULU 6:7

Ino nongu pesu iwu timi shini eno niye nongu Lhou shini. Ijip lo nonguno aqemi shi akeulo kughono ino nongu kuqho pheveni keno tileno niye nongu Lhou AMPEU kepi nonguno ithi nani.

IPEKULU 9:15

Ino iu peqhe puzu kusukini pesu no eno owu timiqo heke napiaye nonguye qhoyi kutsaveni cheke.

IPEKULU 9:16

Ikemu ikuka opiyenike ino opelo xuaghi anipeke tishianguno ijekipiye ayeghiqha kuchopulo vekuphawo peniyeke.

JEREMIYA 32:20

Kha-ghi nono Ijip lo akumzapu eno amichipu kumla mlaqhi puani, ishi tsala kutolo Israil lo ngo ashiayeh kutami gholo nono tipaqo shi acheni, tishianguno itehiye aqha kumtsulo no ithi anipeke.

JEREMIYA 32:21

Akumzapu eno amichipu kumla peitha puzu nighumi shikumsake, nono okuka ngo okumto peitha puzu Ijip lono owu timi Israil saipeghike.

EZEKEL 20:9

Ikemu niye tipau tishimoveke ino tishive keaye ije kusapu shiveni cheke kughengu panonguno timi khunoqo gholo xuache keno tipaqo zulono ino Israil vilo niye Ijip lono panoqo sasu ipeveni cheni kepi asheshuveke.

AKIKIHI 6:27

AMPEU no pi, “Panonguno ije pesu Israilmi shou kumghatsu aye ino panongu kumghatsu nani.”

Ephesiami 1:6

hiye pawu kupukini kimthe jukuvupu khikhi pano Kimiyekicheu gholono kumsano ningu tsukeu sheqhepe niyeke.

ZAKINIU 10:21

Pa sheqhelo, paye nongu Lhou ke, pano nongu ghenguno akichiqhi kepu kije shitsu keu no likhi no nhethino ithuluve ake.

ZAKINIU 15:15

Nonguye Ijip lo aqemi shi ache kelono AMPEU no nongu khaqhiphe kepi kumsululo tighenguno ino itehino ahza hipau nongu tsu anike.

ZAKINIU 33:29

Israil, noye kiu toi alokivipu kela Otoikemi milakhimu kuhae AMPEU no xalukeu shiayeh lakhie. AMPEU ampino ozuto eno ozuta, osusho eno tokulu otsunikeue. Oghumi qono kimiyekutu tsulopi oqhuiniju ighi nani, nono panoqo nedaqoda nani.

ZAKINIU 9:26

Ino ishi inikhu, ‘Akughushu MPEU, owu timiqo, nono okuka kumto kije pesu Ijip lono xaphelu kemiqo kutsale kevilo.

Titus 2:14

Pano ni ghenguno pa mpi pesu tsuveke, tiye alhoksapu jeli kumtsu launo ningu xapheluniyeke eno pa laumi mithemitheikemi shitsuniyeke eno akivipu shinikeulo azukini shipeniyeke.

JOSHUA 7:9

Kananmi eno ayeghiqhalo kuamiqono ti chilunia. Panonguno ni botha luveno ni pithivenia, noye oje kipipu ghenguno ni lau kiu shinia?”

1 Peter 2:9

Ikemu nonguye kishekiphe lagha, Akukau chinemi, akimthe shiayeh, Alhou timike, tiye akuzu lono pawu akichiqhipu kuvu kudau nongu kulukeu Alhou kumzapu kumlaqo pesu asheshupe niyeke.

Piyeküsü 5:9

Panonguno alekithe lakhi ishi phea, “Nono likuzu kaku ikhilu puzu mekhakeu xukhonikeu akuzupuke; Kughengu oghiqhiveke eno okithi vechewo ashiayeh, atsajeli, timi kututa muqo gholono Alhou timi shi lupenikeu qhuluke.