SAMUEL AKINIU 7:22 - BAIBEL (BSI)

²² Noye kiutoi kije kya? Akughushu MPEU otoi keu khuumu kuhae; ninguno alhokupuju lono olikhino Alhou kepi ithi acheni.

Sumi Naga CL (Re-edited) Bible (BSI)

²² Tighenguno No ye kije ke, O Ampeu Alhou. Ni kini lono chilu keu kiqilo O toi keu khumu kühae, eno O nguno alau ye Alhou kütau kühae.

SAMUEL AKINIU 7:22 ပူးပေါင်းရင်းမြစ်များ

SAMUEL AKINIU 22:32

AMPEU likhino Alhou ke; Alhou likhino ningu sukushouke,

KUKAMI ATUGHIU 8:23

hitoi inikhu, “Israil Lhou AMPEU, tsutsu qholo eno yeghi shou khumu otoikeu Lhou kuhae! Nono owu timiqono amlo kuchopu ikhiphe pesu aghokulu shi ake thaqhulo owu timiqo sasu puloshoqhi shino okikimiye panongu lau pephe piye.

YEKIKITHI ATUGHIU 16:25

AMPEU ye kije eno ighono pa sheqhe she akepue; alhouqo kumtsu nguno alau pa sumsa akepue.

YEKIKITHI AKINIU 2:5

Ino achineki kije lakhi shinike kumsu anie, kughengu niLhou ye kutami lhou nguno akijeu.

LESHELE 135:5

Ni MPEU ye kije kepi ino ithi ani. Paye alhou kutau kumtsu nguno akijeu.

LESHELE 145:3

AMPEU ye kije eno akiqheu lono pa sheqhe kepue; paye kishi kijekeno phukulupu kumoe.

LESHELE 44:1

Nilikhi nikinino chiluvae, O Alhou, eno nipu asuqono nivilo pivae, Panongu ghulokilo nono akumzapu kumla shikeu hu:

LESHELE 48:1

AMPEU ye kije eno niLhou phughilo shishe pa sheqhe kepuke!

LESHELE 86:10

Noye akughushuuke eno akumzapu kumla shicheni; olikhino Alhou ke.

LESHELE 86:8

O AMPEU, khumu otoikeu lhou kutau kuhae, nono kiu mlakeno khunomu ti shilu puamoe.

LESHELE 89:6

Kungughalo otoikemi lakhimu kuhae, O AMPEU; kungughami khumu oqhemi kuhae.

LESHELE 89:8

AMPEU Alhou Akughushuu, khumu otoi akughushu kuhae; thwokha thimelo noye amikuchoke O AMPEU.

LESHELE 96:4

AMPEU ye kijeke eno akiqheu lono sheqhe kepuke; alhou kutauqo nguno alau pa gihu kepu.

IPEKULU 10:2

Tishi anguno nonguno ngongu nuli eno notilimiqo vilo ino kishi Ijipmiqo qokughuzu eno panoqo gholo kiu akumzapu michi shikeno tipaqo vilo pipeniyeke. Tishianguno niye AMPEU kepi nonguno ithi peniyeke.”

IPEKULU 15:11

“AMPEU, alhouqo gholo otoikeu khuu ani kya? Akimtheno akumzapu ke, omihikeu khuu ani kya? Khuuno nono shikeu toi akumzapu kumla eno amichipu shiluni kya?

IPEKULU 8:10

Ikelo akukauno pi, “Ighenguno thoghiu inikhu tsulo.” Muse no ishi pi, “Nono khu akeu toi ino tishi tsuni, tileno nono ithi nanike niLhou AMPEU toi kemi alhou kutau kuhae.

IPEKULU 8:6

Ikehu Aron no azu kumtsu shou pa kusu peqhe eno achuyiqono ipeghi puzu ayeghi nhalu veke.

IPEKULU 9:14

Ishiuloye owu kijemi ngo owu timiqo likhi kumono noghi ghimeqhinike, tishi anguno ayeghiqhalo itoikeu milakhimu kuhakeu nono ithi penike.

ISAIAH 40:18

Kiuno Alhou sasu kimghi kulupu kya? Paye kiutoi kela kishi lhekulupu kya?

ISAIAH 40:25

Khuuno akimthe Alhou sasu kimghi kulupu kya? pa toikeu kutau khuu ani kya?

ISAIAH 45:18

AMPEU no kungughaqo lhopheke, Alhou ipichekeu huye pake! Pano ayeghi kughu eno lhopheke, pano hipau mutotoi shike eno pepushu niyeke. Paye hipau pesu munamghai lhoke kumoe, ikemu timi pelo kughunache peniyeke. Hipau pikeu huye panoke, “Ino AMPEU ke, alhou kutau kuhake.

ISAIAH 45:22

“Ilau xaideghilo eno xaluve pelo, ayeghiqhalo timi akeqo! Ilikhino Alhou ke, kutami kuhae.

ISAIAH 45:5

‘Niye AMPEU ke; alhou kutau kuhake. Noye ni ithimono aghi pinamu nono akumto avehupu shiakeu ino otsu nani.

EZEKEL 36:22

“Tighenguno, ni Akughushu MPEU no Israilmi ghenguno atsape kiu ani keno tipau pesu panoqo tsulo: Ino kiu shini cheni keno tiye nongu Israilmi je ghenguno kumoe ikemu ije kimthepu ghenguno shinike, nonguno wupuakeu ghakhu kumtsulo aje tipau pipusaveke.

EZEKEL 36:32

Israilmi nongu pelo hi ithipe nishi anike niye nongu je ghenguno hipaqo shitsuni chenike kumoe. Nonguno kiu shiani keno tipaulo niye nongu pelo akukujo kumza keu ithilu penishi. Ni, Akughushu MPEU no pivae.”

DANIEL 2:45

Atuqu lakhi kiu nomu bumono pakutoshi ijo ipeghi keu eno tipauno ajulho lakhi ayi alazayi, aghani, tsandiyi eno shunano shikeu kusuphove tsukeu ghi nono ithuluvae. Akiqheu Alhou no ighinikeu dolo kiu shive nani keno tipau olau piye sutsuke. Nono kiu pumo lukeno atho ovilo pivea eno tipau kiqi kuchou ghi ovilo pivae.”

MICAH 7:18

O AMPEU, otoi keu lhou kutau kuhae; nono owu timi, puxupe puaghitsu kemiqo xine peivetsuke. Noye alhokupujulo aloghu ideauve chemoke ikemu nilau owu lhokta kikimiye piye nikeulo ozukuvu shi achenike.

ZAKINIU 3:24

‘O Akuka akumto Lhou, ino ithi anike, nono akumzapu kumla shiniye kuto akeu hukuthu likhi ipiye anike. Kungughalo na ayeghilo namu nono akughushu kumla shivekeu kiu lhou nomu tipau shimlake!

ZAKINIU 32:39

“Ni eno ilikhino Alhou; kutau lhouye kuchou kumoe. Ino pithive cheni eno ino puxu luve cheni, ino ghuzano shipivi cheni, ino kiu shini keno milakhinomu mujochile mlae.

ZAKINIU 4:35

AMPEU no hipau nongu piyekeuye pa likhino Alhou eno kutami kuhakeu michive tsuniyeke.

ZAKINIU 4:39

ishi tsala kumsululo eno khilemu hi kumsuma kevilo: AMPEU ye kungughalo eno ayeghilo Alhou ke. Alhou kutami kuhake.

SAMUEL ATUGHIU 2:2

‘Khunomu AMPEU toi akimthe kuhae; khumu pa toikeu kuhae, ningu Lhou toi sushokuluu kuhae.’