SAMUEL AKINIU 7:10 - BAIBEL (BSI)

^10-11 Ino iwu timi Israilmi ghenguno a-a lakhi kisheluveno panongu pelo tipaulo ngolupe. Khipa alo khuunomu panongu ghimemono ngokulupu keno tipa alo. Panonguno hipa yeghilo iloghi kelo angukami axekusumino panongu le ache, ikemu itehiye hikithipu shimae. Nongu ghumi launo ino nongu susho luvenike tushoqhi ani eno alagha kughuko tsuni.

Sumi Naga CL (Re-edited) Bible (BSI)

¹⁰ I no Iw timi Israelmi ghenguno a-a lakhi kishe tsüno tile panoqo shosüni, tishianguno panongu ye aküpüna shimove no pano-a lo ngouve nani.

SAMUEL AKINIU 7:10 ပူးပေါင်းရင်းမြစ်များ

KUKAMI AKINIU 21:8

Tsala Israilmino Izahkutsuqo eno ino iqeu Muse tsukeu yezah kumtsu pelu aye ino panongu puasu tsukeu yeghi lono panongu hapheve pemo nani.”

YEKIKITHI ATUGHIU 17:9

Ino iwu timi Israilmi ghenguno a-a kishepuani eno khunomu panongu ghimekeu shipemoni. Panonguno tipa yeghilo ighike kutolo kutamino panongu ghime che, ikemu titoi keu khilemu shimoae. Ino nongu ghumi kumtsu halevetsuni eno tipa yeghi nongu kughukomi tsuveni pi ino piqhi ani.

YEKIKITHI AKINIU 33:8

Israilmi no aghokulu shi ino ahza tsukeu pelu eno iqeu Muse no panoqo tsukeu Ayezah kumtsu pelu aye tithiu no ino panoqo puasu tsukeu yeghi lono panoqo haphevemo kepu shi nani ke.”

LESHELE 44:2

No ampino ashiayeh kutami haleve puzu panoqo yeghilo owu timiqo sawo suke; Nono ashiayeh kutami ghimeqhi ikemu owu timiqo pelo ililayi xulupeke.

LESHELE 44:4

Nono ikukau eno iLhou ke nono Jakob laghami ghenguno tokulupu tsuke,

LESHELE 80:8

Nono Ijip lono atsaibo lakhi suipe ghike; nono ashiayeh kutami hapupo veno tipaqo yeghilo tipau tsaibo shosuke.

LESHELE 80:9

Tipau pelo thuwu penike nono a-a lakhi shikimthe, tipau kuhu thonhei quilove eno tiye ayeghi kumtsulo nhakhaluve.

IPEKULU 1:22

Ashekhashi akukauno pawu timiqo kumtsu lau ahza hipau tsuke: “Ibrimi anga kiptimi anileshi punukeu kumtsu ikhipesu Nayil ghokilo vesuvelo, ikemu anga totimiqo pelo xulupelo.”

IPEKULU 15:17

Nono owu timiqo saghi no owu naghutolo panoqo shosuke, tiye okungo a shinike nono kishelukeu alo, Achineki, No ampino shiqhi tsukeu-alo.

ISAIAH 5:2

Pano ayeghi hole eno tipaulo atu kicheve; pano atsayibo akiviu pesu shosu. Tipau mtalo jukutokhe kepu aqo lakhi shipesu qhi, eno atsaithi shephonikeu aqoh lakhu chu. Atsaithi ni-ipeghinikeu pano khe juache, ikemu atsaithi kumtsu qhimboi keu shiaghive.

ISAIAH 5:7

Israil ye Aqokitikhi shou AMPEU wu atsayiluke; Juda lo akemiqoye pano shosukeu tsayiboke. Panoqoye akivipu shipenike paye lajuake ikemu tipa zuqhulo pano nguye timi ghikiqhimi shive. Panoqoye achipiu shipe nike paye lajuake ikemu panoqono ghiqhi vekeqono amikucho xakutha khu ghi ighamukuke.

ISAIAH 60:18

Ghiqhi heqhikeu sutsa chilu kithe move nani; Shikupsaye noyeghi kubole kithe mo nani. Ino aliwo lakhi toi nongu putu eno nongu susholu nani; Ino nongu xalukeu ghenguno nonguye isheqhe nani.”

ISAIAH 60:21

Nowu timi kumtsuno kiuno achipikeno tipau shi nani, eno alhokupujulo ayeghi pighiluve nani. Ino panoqo shosuke, ino panoqo lhoke, timi kumtsu vilo ikughushu piyeniyeke.

JEREMIYA 18:9

Ashiayeh lakhi momu akukaqha lakhi ino shosu momu xaqheniye ani,

JEREMIYA 24:6

Ino panoqo jukutope khe anani eno hipau ghakhulo panoqo sachile saghi nani. Ino panoqo shiqhepuku nani eno panoqo suthapiniyivemo nani; ino panoqo shosu nani eno panoqoye nhuvemo nani.

EZEKEL 28:24

AMPEU no pike, “Acheaxulo ashiayeh kutami akeqo khunoqono Israil thaigha acheni keno tipaqoye itehiye khilemu koghesahu eno ashuyesahu toi itaghi Israil qhuqhimove nani. Panonguno niye Akughushu MPEU kepi ithi nani.”

HOSIYA 2:18

Tipa ghulokilo ino tughashi ngo aghau kumtsu sasu puloshoqhi lakhi shi nani, tishianguno panonguno iwu timiqo shipusamo nani. Ino aghakhu lono aghushi nanu, azutakihi asuzu ikhivetsu nani eno iwu timiqo pelo alokughuno eno ighukepu kuhano xulupe nani.

AMUS 9:15

Ino ayeghi iwu timiqo tsukeulo panoqo shosu nani, eno panonguye itaghi nhuvemo nani.” AMPEU nongu Lhou no piqhivae.

Piyeküsü 21:4

Panoqo nhethi lono anhezu kumtsu pano isuvetsu nani. Akithi khilemu kuhave nani, amlo imekeu, akuqa momu aghime hauve nani. Aqau thimeqoye wokhavae.”

XAKUTHAMI 4:3

Jabin ye ayino shikeu khurkulu 900 kutolo acheke, pano Israilmi shou ampe muku kutolo ayikusa eno kiyimto keu lono ayehpeche. Tishike lono Israilmino AMPEU lau akukuphu ghenguno igha khu.

SAMUEL ATUGHIU 13:17

Filistiyami ghushimi aloji kuthu shipuzu pano ghazu lono ipeghino aghulawu: aloji lakhino Shuwal lughi lono Ofra kudau wuve,