SAMUEL AKINIU 6:14 - BAIBEL (BSI)

¹⁴ David no akuuphi no achita khapuveno AMPEU gihuniye pa kuka kumto kumtsu ikhiphe ilhe.

Sumi Naga CL (Re-edited) Bible (BSI)

¹⁴ David no pa kumto kümtsü süno ilhe.

SAMUEL AKINIU 6:14 ပူးပေါင်းရင်းမြစ်များ

SAMUEL AKINIU 6:15

Hitoi shino pa eno Israilmi kumtsuno Puloshoqhi Bohu pesu alokivishi asheshu eno afuko igha susu Jerusalem lo pe ighilu.

SAMUEL AKINIU 6:20

Tipathiu David ye pa kibolomi kushoniye ighikelo Mikhal no ipeghino pa sasu kusholu. Li no pi,”Israil kukauye ishi pa likhi pa kugha pesu aje kije shivae! pa qholo akemi aqelimi zulono pa ghuzunikha pephe piyevae!”

YEKIKITHI ATUGHIU 15:27

David ye phephei phino shikeu chijebobo uae, titoi alekiphemi, panongu sakipheu Khenania, Levimi Abohu pechekeqo kumtsuno chijebobo phi ue. David ye ephod phi ghi ue.

LESHELE 149:3

Ilheghi paje sheqhelo; pa sheqhe keushi bombo ngo aki ghilebo ighalo.

LESHELE 150:4

Bombo pesu eno ilhekeu lono pa sheqhelo. Akighilebo ngo fulili pesu pa sheqhelo.

LESHELE 30:11

Nono imloksa pesu alokivishi ilhekeu shivetsue; nono imlo ghime xaqhivetsu puzu alokivi pesu ipu-uke.

LESHELE 87:7

Timi tipaqono ishi alephe ilheni, “Zion no niwu kukumgha khuki ke.”

IPEKULU 15:20

Aron chepu Miriam tungkupliuno amqulebo ikhilu eno totimi kumtsuno li papesu amqulebo kuigha eno ilheke.

IPEKULU 15:21

Panoqo ghenguno Miriam no hipaule phe: “AMPEU shipililo, pano ajekipishi tokulu lakhi shiluvae; pano khurshi ngo tipau sachekemiqo azughi lo vesuve ke.”

IPEKULU 19:6

ilau likhi ikhiphe tsuvekemi eno nonguye achinemi shi iqelu nani.”

YETSAPIU 9:10

Kiu kiu namu nono mlakeulo shishe mlalo, kughengu kithimi yeghiloye mla itha keu kuha, kumsukeu kuha, akighithi kuha, alokutsu kuhake eno noye tilehi wuchenike.

EZEKEL 46:10

Akukapuuye timiqono iloghi kelono pa ghi iloghini eno panonguno ipeve kelo pa ghi ipeveni.

Luke 15:25

“Hipa ghulokilo anu akichiuye alulo huve. Pano aki kupunulo ighikelo alekiphe eno ilhekeu sutsa chilu.

ZAKINIU 6:5

Omlo kuchopu,ongulho kuchopu, eno okumto kuchopu pesu AMPEU nongu Lhou qhuivulo.

Kolosiami 3:23

Okumlapuno kiukiu shiaghi namu timi qeamono Ampeu qeakeshi amlo qiqhiyi mlaithalo.

XAKUTHAMI 11:34

Kughou Jeftha no idechile susu paki Mizpa lo ighikeno pa nga no aulo tur tur lebo pesu ilhe ghi pa sasu kushonike khalacheu ipeghi. Jeftha ye anga ti likhi acheke.

XAKUTHAMI 21:21

eno chheju alo. Kughou Shilo limiqono apinye ghulokilo ilhenike khalacheu ipeghini keno, nongu ghi atsaili lono khalacheu ipeghilo. Nongu lakhi khino ilimi lakhi khi anguka lono nongu nipu shikepushi tsuqu luvelo eno li sasu nongu gholono Benjamin ghakhulo sawuvelo.

SAMUEL ATUGHIU 2:18

Tipa ghulokilo Samuel ye akimthe phino papo khapuno AMPEU hukuthu kumla shiche.

SAMUEL ATUGHIU 2:28

Israil lo ashiayehqo dolono ino pa lagha kishepheluno iwu achinemi shipenike, akumlla khache alo huthu penike, axokutsungu piti kutsungu penike eno pakutakeu phimini pepuno isasu kuptsa penike ghenguno kishelue. Eno aghakishi kumllagho sughikeulo panongu saje ghi ighilupe nike ghenguno ahza tsue.

SAMUEL ATUGHIU 22:18

Tileno Saul no Doeg vilo pi, “Nono panoqo ghiqhi pithivelo!” ike Doeg no panongu kumtsu ghiqhi pithive. Tipatsalani pano achinemi khunoqo amchi mlakuxa phi ukuzu keno pano lhotache pungu ghiqhi pithive.