SAMUEL AKINIU 5:3 - BAIBEL (BSI)

³ Tighenguno Israil lo kukami kumtsu Hebron lo akukau David lau ighi. Pano panoqo sasu tuqhou kutshukime anikeu shive, panonguno pa kishephelu, ikehu paye Israil lo akukau shiluve.

Sumi Naga CL (Re-edited) Bible (BSI)

³ Tighenguno Israel lo layemi kümtsü Hebron lo akükau lau ighi, eno David no Ampeu zülono panongu sasü puloshoqhi lakhi Hebron lono shi, eno panongu no Israel kükau shi David nukishe luve.

SAMUEL AKINIU 5:3 ပူးပေါင်းရင်းမြစ်များ

SAMUEL AKINIU 2:4

Tishino Juda lo kuamino Hebron lo ighino David kishe pesu akukau shive. Kughou Gilead lo akeu Jabesmino Saul kumo shiqhove pikeu David no chilukeno

SAMUEL AKINIU 2:7

Akumto shilo eno amlo vilo; Juda lo timiqono ipelo panongu kukau shi ikisheluvae.”

SAMUEL AKINIU 3:21

Abner no David vilo pi, “Ino itehi wuno Israilmi kumtsu zupesu okudau suvetsuni. Panonguno opelo akukau ipi oikhilu nani, tishi aye nono kiu lunishi anikeno tipau shilu nani eno nono aghakhu kuchopu shou ayehpeluve nani.” David no sukusho pesu Abner tsuno pa lalo phepuwove.

KUKAMI ATUGHIU 1:34

tileno Zadok achineu eno Nathan tungkupuu pama pelo teli pe nu tsuno Israilmi kumtsu shou akukau shipenikeu shipelo; afuko ighano ishi pilo, ‘Solomon akukau axupushulu pelo!’

KUKAMI AKINIU 11:17

Achineu Jehoiada no akukau Joas eno timiqo pelono AMPEU lau puloshoqhi lakhi shipe, tiye panonguye AMPEU wu timi shinie pikeu shoqhi ke.

YEKIKITHI ATUGHIU 11:1

Israilmi kumtsu Hebron lo David lau wuno pa vilo pi, “Ninguye oshi-oji shivae.

YEKIKITHI ATUGHIU 11:3

Ike Israilmi sakiphemi kumtsu Hebron lo Akukau David lau wue. Pano panongu sasu akimthe shoqhi shie, panonguno teli pe pa nukisheluno paye Israilmi kukau shive, tiye Samuel vechewo AMPEU no tushoqhi puakehu toi ke.

YEKIKITHI ATUGHIU 28:4

AMPEU, Israilmi Lhou no ikisheluvae eno ikughukoqo no Israilmi shou alhokuthu ayehpeni ae. Pano Juda lagha pelo sakiphemi shipenike kishelue eno Juda lagha lono pano ipu kibolomi kishelue. Tipaqo gholono pano ilau alokiqi apuzu ipelo Israilmi kumtsu shou akukau shipeke.

YEKIKITHI AKINIU 23:16

Achineu Jehoiada no Akukau Joas ngo timiqo pelo pa gholo sukuqhano panonguye AMPEU wu timiqo shinikeu puloshoqhi lakhi shi.

NEHEMIA 9:38

Hipaqo kumtsu ghenguno Israilmino mutsumishei keu puloshoqhi hi yehpe qhilu ani, eno niwu sakiphemi, Levimi eno achinemino jemchi chishipuku ani.

IPEKULU 3:16

Wulo eno Israilmi sakiphemi hekutsu kumqolo eno panoqo vilo panoqo pu asu Lhou ni AMPEU, Abraham, Isak eno Jakob Lhou no olau ipeghi ke pi pilo. Niye panoqo lau ighi ani eno Ijipmino panoqo shou kiu shi ani keno ino ithuluve akepi pilo.

JOSHUA 10:36

Tithiu Joshua ngo pawu ghushimi Eglon lono Hebron tolo ighieno leve.

XAKUTHAMI 11:11

Tileno Jeftha no Gilead lo sakiphemi sasu wunikeu pulove, eno timiqono pa pesu panongu shou ayehkipeu shiluvepeke. Jeftha no Mizpa lo AMPEU nhekithe lono pa kupughu kumiji pithilu.

SAMUEL ATUGHIU 11:15

Ikehu panonguye Gilgal lo wu, eno tipa-a akimthe alono panonguye Saul ye akukau ipi shuphelu. Tishino panonguno kuposhukulu ghakishi shipesu tsulu eno Saul ngo Israilmi kumtsuno alokivi kije shilu.

SAMUEL ATUGHIU 16:13

Tileno Samuel no oliv teli ikhipheno pamunoqo kua lono David nukisheluve. Paikhavi lono AMPEU ghunguno David shou ikughive puzu tipa tsalanino pa sasu ngouve. Tishiveno Samuel ye Rama lo idewove.

SAMUEL ATUGHIU 23:18

Tishino pamaye lakhino lakhi sasu akusapau kuchou shi anikeushi AMPEU zulono tushoqhikileve. David ye Hores lo ngove eno Jonathan no akilo idewove.