SAMUEL AKINIU 5:23 - BAIBEL (BSI)

²³ Itaghi David no AMPEU vilo iniju kelo hitoi khochiletsu, “Hilehiye panongu lekevilo, ikemu alaghi kutau, Balsam suboqo phivi lono panongu botha luveno lelo.

Sumi Naga CL (Re-edited) Bible (BSI)

²³ Kughou David no Ampeu vilo ighiju keno, Pa no pi, “No ye iqho kevino panongu thiu no homxa wulo, eno Balsam süboqo ghüngü lono panongu lelo.

SAMUEL AKINIU 5:23 ပူးပေါင်းရင်းမြစ်များ

SAMUEL AKINIU 2:1

Tipathiu, David no AMPEU iniju, “Niye Juda lo taunqo gholo lakhilo wuno tipau qhasuluve nike kishi nia?” AMPEU no khochile. “Alou.” “Khikhiu kya?” pi David no iniju. “Hebron qhasuluvelo” pi AMPEU no pi.

SAMUEL AKINIU 5:19

David no AMPEU vilo iniju. “Tsala ino Filistiyami le aye noye tokulu itsunima?” AMPEU no khochile, “Iyei, panongu lelo, ino tokulu otsu nani.”

YEKIKITHI ATUGHIU 14:14

Ghuthu akiniu David no Alhou sasu kuptsa, Alhou no ishi pa khochile, “Hipa aloye panongu halewu kevilo, ikemu poqhopoqi vehoju no tuxauno panongu haleuni keu shi kutokughoi shilo eno tiye chenabo phivi lono wulo.

JOSHUA 8:2

Nonguye Jerikho lau kiu toi shikeno Ai lau shinani, ikemu ishiye nonguno tile anhemgha eno lhoxuqo lulu nani. Ai phughi tipau zuleno azupouno lenike kutolo.”

JOSHUA 8:7

Tishi kelono nongu kughutshua lono ipeghino aphughi bothaluvelo kughengu AMPEU no ti nongu tsuve nani.

SAMUEL ATUGHIU 22:15

Iyei, niye pa ghenguno Alhou putsa tsu, eno tiye ishino atughiu kumoe. Opithiveniye amuqu phu ani pikeuye akijeuno kimiyeno inguku tsukevilo momu nikibolo khumu nguku kepukumoe. Kughengu tipaqo ghili niye kitilamu mthae!”

SAMUEL ATUGHIU 23:2

Tighenguno pano AMPEU vilo iniju, “Ipelo wuno Filistiyami lewu pemokesha?” AMPEU no khochile, “Iyei, wuno panongu lelo eno Keila susholu tsulo”