SAMUEL AKINIU 5:2 - BAIBEL (BSI)

² Wovekeu lo Saul no ningu kukau shi akelo ghi nono Israilmi ghushiqa lo saphe tsue eno AMPEU no nono pawu timiqo saphe eno panongu shou ayehkipeu shipeni keu olau tushoqhi tsue.”

Sumi Naga CL (Re-edited) Bible (BSI)

² Wovekeu lo, Saul no ningu shou akükau shi akelo ghi, nono Israel ghüshiqo lo saphe ighike. Eno Ampeu no o vilo pi, ‘Nono Iw timi Israelmi kheu shi nani, eno nono panongu yepeu shi nani.’”

SAMUEL AKINIU 5:2 ပူးပေါင်းရင်းမြစ်များ

BOTHUBO 49:24

Ikemu panongu suzuye pighechhe piniyive tsue, panongu u shipa sulavetsue, tiye Jakob wu Akughushu Lhou kuka no ke, tiye Akheu, Israil Tuqu huno ke,

SAMUEL AKINIU 6:21

David no khochile, “Niye AMPEU akishe tsunike ghenguno ilhe ae, pano opu eno pa lagha zuqhulo ikisheluve, ipelono pawu timi Israilmi sakipheu shipenike ikishelue. Niye AMPEU agigihu tsu anike ghenguno ilhe ani aphie,

SAMUEL AKINIU 7:7

Niye Israilmi sasu izuche kedolo ino sakiphemi khuu vilomu kedar taktano shikeu chineki shitsulopi iniju mphie.’

SAMUEL AKINIU 7:8

“Tighenguno iqeu David vilo ni AMPEU Akughushuu no pa vilo pi ani pilo, ‘Aluzalo bheri khechekeu lono ino pa ikhipheluno iwu timi Israilmi shou okughape ayekipeu shilue.

KUKAMI AKINIU 20:5

Hezekiya lau idewolo pi, paye AMPEU timiqo shou ayehkipeuke eno pa vilo ishi pilo, “Ni, AMPEU osu David Lhou no okighini chiluvae eno onhezu kipiji ithuluvae. Ino oshipivive tsuni eno noye atsala kuthu dolono Achinekilo wulu nani.

YEKIKITHI ATUGHIU 11:2

Khaghi wovekeulo, Saul no ni kukau shi aphilo thotsu, nono aghukishilo Israilmi saphe eno AMPEU oLhou no olau piqhi puakeu toi nono paw timi saphe eno panongu shou ayeh pe nani.”

YEKIKITHI AKINIU 1:10

Tighenguno alokutsu eno akighithi itsulo panongu shou ayeh penike ino avehupu shi anie. Tikumo aye niye kishi owu timi hijejehi shou ayeh peluni kya?”

ISAIAH 40:11

Bherikheu lakhi toi pano pawu alojimi heju nani; pano bheritiqo hekutsu pesu pa ulono khapeni; pano mukhano tipaqo paza sawuni.

ISAIAH 55:4

Ino pa pelo ashiayehqo shou saki pheu eno ahza kutsuu shipeke, eno ino pa vechewo ikuka panoqo piyeke.

EZEKEL 34:23

Panoqo shou akheu lakhi shipe nike ino iqeu David toikemi akukau lakhi panoqo tsu nani eno panoqo tuchohiju nani.

MICAH 5:4

Kughou ayehkipeuno ighini keno AMPEU launo ighikeu kumto ngo AMPEU Alhou je kuloghi pesu pano pawu timiqo shou ayehpe nani. Pawu timiqo sushokululo anani kughengu ayeghilo akemi kumtsu paje kuloghi ithikuthulu nani.

AKIKIHI 27:17

eno aghushilo panongu shou ahza tsukeu shipelo tishianguno owu aqoaho ye bheri loji akheu kuhakeu toimo nanike.”

MATTHEW 2:6

‘Judia ghakhulo O Bethlehem, Judia lo ayehkipe phughi gholo noye aghulou ye kumoe; kughengu olau no ayekipemi lakhi ipeghi nani, pano iwu Israilmi saphe nani.’ ”

John 10:11

Niye akheu akiviue. Akheu akiviuye bheriqo ghenguno pa kuxu pephetsuve cheni.

IBRIMI 2:10

Alhou no thwokha lhophe eno heju acheni, pano Jisu pelo aghimeshi keu vechewo kupukulu shipe keu tiye achipike, tishianguno anu kutomo saghi puzu pa kimthe jekipi kusaje peniyeke. Kughengu Jisu likhino xakulupu kudau panoqo sawutughiuke.

SAMUEL ATUGHIU 13:14

Ikemu oyehkipeye pekibe wolumae. Kughengu nono pa hebidevae tighenguno AMPEU ye pano lunishi akeu timi kisheluniae eno pa pelono pawu timiqo shou ayehkipeu shilu peniae.”

SAMUEL ATUGHIU 16:1

AMPEU no Samuel vilo pi, “Noye khitohilo Saul ghenguno amlo iju aniye kya? Niye pa pelono Israilmi shou akukau shipemo nikeu shi milivae. Tighenguno noye oliv teli pesu Bethlehem lo timi lakhi paje Jese lau wulo, kughengu ino pa nuli gholo milakhi kishepesu akukau shipeni keu shivae.”

SAMUEL ATUGHIU 18:13

Tighenguno Saul no pa hapuwuno timi 1,000 shou ahzakutsuu shipeni keu shive. David no pawu timiqo sasu aghushiqalo ilo

SAMUEL ATUGHIU 18:16

Ikemu Israil eno Juda yeghiqha kumtsuno David kimiyeuve kughengu paye ighono tokulu eno sakiphe kivike.

SAMUEL ATUGHIU 18:5

David ye Saul no aghini pa pulu puwukeu kumla kumtsulo tokulu shilu, tilehino Saul no pa pesu pawu ghushimi gholo kijemi lakhi shiluvepe. Tishi shikeu lono Saul qholo kijemi eno timi kumtsu alaushi alovi kitheluve.

SAMUEL ATUGHIU 25:28

Akijeu, kimiyeno ino mlaitha pimi puaghiaye akipimi qhivetsulo. AMPEU no opesu akukau shive nani eno olaghaqo ghi kalu nani, kughengu nono pa ghushiqalo kichighitsu ani; eno nono akuxu ake thaqhulo kumu alhoksa mlamo nani.

SAMUEL ATUGHIU 25:30

AMPEU no olau akivi kumtsu mlatsue eno opesu Israilmi kukau shitsue.

SAMUEL ATUGHIU 9:16

“Thoghiu hipa ghuloki toike lono ino Benjamin lagha lono ighikemi timi lakhi olau puwu nani; tileno pa pelo Israilmi shou ayehkipeu shikepushi nukishe tsulo eno pano Filistiyami ulono Israilmi xaphelu nani. Ino iwu timiqo ghime ithuluva eno panonguno akukuphu tsulepi igha khu akeu chiluvae.”