SAMUEL AKINIU 4:8 - BAIBEL (BSI)

⁸ Pamano akutsu pesu Hebron lo ighino akukau David agho tsu eno pa vilo hitoi pi, “Hiye Ishboshet kutsuke, paye oghumi shichekeu Saul nuke, khuu oheqhiveniye pukaputsa chekeno. Ishino AMPEU no ni kijeu pelono Saul eno pa lagha shou amkhu lupeniye ado kophetsuke.”

Sumi Naga CL (Re-edited) Bible (BSI)

⁸ eno Ish-bosheth kütsü pesü Hebron lo David lau ighi. Pama no akükau vilo pi, “O küxü phuche keu, o ghümi, Saul nu Ish-bosheth kütsü hi anie. Ishi tsala lono Ampeu no I mpeu akükau ghenguno Saul eno pa tikughuko shou amkhü luve tsüae.”

SAMUEL AKINIU 4:8 ပူးပေါင်းရင်းမြစ်များ

SAMUEL AKINIU 18:19

Tileno Zadok nu Ahimaaz no Joab vilo pi, “Ino wupuzu AMPEU no pa ghumi ulono pa xapheluve keu sutsa kivi pesu akukau vilo piwunie.”

SAMUEL AKINIU 18:31

Tipashelo Sudanmi aqeu hu ighive eno pano akukau vilo pi, “Akijeu, niye oghenguno asutsa kivi sughi ani! Ishino AMPEU no ohebide chekemiqo kumtsu shou tokulu otsuvae!”

SAMUEL AKINIU 2:8

Saul ghushimi shou zahtsuu Ner nu Abner ye Saul nu Ishboshet sasu Jordan kathasu Mahanayim lo pove.

SAMUEL AKINIU 22:48

Ighumiqo shou pano tokulu itsu; iqholo akeqo shiyeh pano ghasutsue

LESHELE 71:24

Omikucho kukuphu atsala kupujulo ino lhenike, kughengu ighuzaniye pukaputsa akeqo hu nono halevetsu eno kujomzavepeke.

MATTHEW 2:20

“Ithulo, anu ngo aza pama sasu Israilmi yeghilo idewovelo, kughengu anu kuxu phu achekemi ye thiveake.”

Piyeküsü 18:20

O kungugha! li kutsapiniyive keu ghenguno alovilo! Akimthemi eno apostolmi ngo tungkupumiqo alokivi shilo! Kughengu lino nongu lau kiu shikeno tipau ghenguno Alhou no li shou kughathabevae!

Piyeküsü 6:10

Panonguno asutsa kuloghi lono ishi igha, “Akughushu Mpeu, akimthe eno kuchou, ayeghilo akemino nighiqhi pithivekeu ghenguno panongu shou ado khitohi lono nimukhu lutsuni cheni kya?”

SAMUEL ATUGHIU 18:11

“Ino angu pesu atozulo pa chheda kuqhani,” pi Saul ye pa mlo kutouno kumsu pua, ikehu ghuthu kini angu pa lau chhepuwo; ikemu David no ghuthu kini kujolo tsughuluve.

SAMUEL ATUGHIU 19:1

Saul no panu Jonathan ngo pa qholo kijemi vilo paye David pithiveni keu kuchughu akeu pesu pithi tsu, ikemu Jonathan ye ighono David ju pa loche

SAMUEL ATUGHIU 19:15

Ikemu Saul no itaghi pano qo hachile pesu panongu ampino David phusaghilo pi ahza tsu, “Pa zua lono pa kuhopesu hile ighilo eno ino pa heqhi pithiveni.”

SAMUEL ATUGHIU 20:1

Tipathiu David ye Rama lo Naiot lono pove eno Jonathan lau wuve. “Niye kiu mlave kya?” pi pano iniju. “Niye kiu lhoksa kumla shive kya? Niye kiu kipimi kumla shivekeno opuye ipithiveni shi kutu anikya?”

SAMUEL ATUGHIU 23:15

David ye Saul no pa kuxu phuchekeu ithuluno ighono msa ae. David ye Zip phivilo aghasaqha Hores ipikeulo ngoae.

SAMUEL ATUGHIU 24:4

Panonguno pa vilo pi, “Hiye oghenguno ado kivishi ani! AMPEU no oghumi kughapesu oulo suvetsu nani pipuakeu hu, tighenguno nono pa lau kiu shinishi anikeno shiluvelo.” Tileno David no mkhano ipusu ipepuzu Saul phikuzu chijeboboikeu ashe ghothaluvetsu eno Saul ye tipau kitilamu mthae.

SAMUEL ATUGHIU 25:29

Tsala khuualano oheqhiveniye ole ighi namu AMPEU oLhou no osusholuve nani, timi lakhino akughupu nhemgha khe akeshi nani. Ikemu oghumiqo ghenguye kiu kiu shinamu timi lakhino hevula kighi lono atu vepuwuve ketoi pano panoqo peve nani.