SAMUEL AKINIU 3:21 - BAIBEL (BSI)

²¹ Abner no David vilo pi, “Ino itehi wuno Israilmi kumtsu zupesu okudau suvetsuni. Panonguno opelo akukau ipi oikhilu nani, tishi aye nono kiu lunishi anikeno tipau shilu nani eno nono aghakhu kuchopu shou ayehpeluve nani.” David no sukusho pesu Abner tsuno pa lalo phepuwove.

Sumi Naga CL (Re-edited) Bible (BSI)

²¹ Abner no David vilo pi, “I no wuno Israelmi kümtsü I mpeu, akükau lau hekütsü peni, tishino panongu pelo o sasü puloshoqhi shipeni, eno nono kümsü aketoi panongu shou ayepelu peni.” Ikehu David no Abner puwuve, eno pa ye aloinoqhiyi wuve.

SAMUEL AKINIU 3:21 ပူးပေါင်းရင်းမြစ်များ

SAMUEL AKINIU 2:9

Tishino Abner no Ishboshet pelono Gilead, Asher, Jezril, Efraim, Benjamin eno Israil lughiqha kumtsu shou akukau shiluvepe.

SAMUEL AKINIU 3:12

Tile Abner no asutsa lakhi Hebron lo David lau inijupuwu, “Khuuno hipa ghakhu shou ayehpeni cheni kya? Isasu kughakutha shi aye ino pa kuphu tsuno pa pelono Israilmi kumtsu shou toluveno pa kudau suluve penie.”

SAMUEL AKINIU 3:20

Kughou Abner no pa gholo timi muku sasu Hebron lo David lau ighikeno, David no panongu ghenguno aghulhu lakhi kutotsu.

SAMUEL AKINIU 5:3

Tighenguno Israil lo kukami kumtsu Hebron lo akukau David lau ighi. Pano panoqo sasu tuqhou kutshukime anikeu shive, panonguno pa kishephelu, ikehu paye Israil lo akukau shiluve.

KUKAMI ATUGHIU 11:37

Jeroboam, no Israil lagha shou akukau shitsuni, opelo nono lunishike thaqhu alughi kumtsu shou ayeh pelu nani.

LESHELE 20:4

Nono kiu kumsu pulo anikeno pano otsupeni eno okupughu kumtsulo shikupulu peni.

FILIPIAMI 2:21

Kughengu kumtsuno Jisu Khristo pulou kumono pututano pulokeu kumlalo likhi amlo tsuani.