SAMUEL AKINIU 3:16 - BAIBEL (BSI)

¹⁶ Ikehu Paltiel ye li papesu Bahurim taun kutolo qa ghi wue. Ikemu kughou Abner no pa vilo “akilo idewovelo” pikeno paye idewove.

Sumi Naga CL (Re-edited) Bible (BSI)

¹⁶ Ikemu li kimi no qasü Bahurim kutolo li papewu. Tithiu Abner no pi, “Idewove lo.” Eno pa ye idewove.

SAMUEL AKINIU 3:16 ပူးပေါင်းရင်းမြစ်များ

SAMUEL AKINIU 16:5

Kughou Akukau David no Bahurim lo ighikeno Saul bolomi lakhi Gera nu Shimei no khalacheu ipeghino pa sasu kusholu, pa ghushoqhi ghi tile ighi.

SAMUEL AKINIU 17:18

Ikemu ghulo lakhiye itimi lakhino pama ithuluve eno itimi huno pama ghili Absalom vilo pivetsu; tileno pamaye mighi susu Bahurim lo timi lakhi kilo poilo itshu wuve. Paye paki phivilo azukikhe lakhi ache, ikehu pama ye tipaulo poilove.

SAMUEL AKINIU 19:16

Tishike mtsa lono Benjamin lagha lono ighikeu Gera nu Shimei khuu Bahurim lono ighikeno pano Akukau David sasu kushoniye Jordan lo pohughi.

SAMUEL AKINIU 19:17

Pa gholo timi 1,000 Benjamin lagha lono ighikeqo ae. Ziba khuu puzuu Saul kibolomi qeu shiche keno pa ghi pa gholo anuli chighi pungu eno aqemi muku ishi sasu ighi, panongu kumtsu akukau no Jordan tolumphi lono azuuno ighikhave.

SAMUEL AKINIU 3:15

Tighenguno Ishboshet no Mikhal kimi Paltiel khuu Lais nukeno pa launo li sasu wuve.

KUKAMI ATUGHIU 2:8

Itaghi Gera nu Shimei Bahurim phughi Benjamin lagha lono ighi keuno ino Mahanaim lo wucheke tsalanino aloqhi ighusho ikemu pano Jordan lono isasu kusholukelo ino AMPEU jelono niye pa heqhimo nanipi tushoqhie.

JEREMIYA 41:6

Ikelauye Ishmael no panoqo sasu kushoniye Mizpa lo ipe eno paye qasusu wuke. Panoqo lau ighi puzu pano pi, “Kishimoake iloghi puzu Gedaliya julo.”