SAMUEL AKINIU 24:25 - BAIBEL (BSI)

²⁵ Tishivekethiu pano AMPEU kumlla kiptia lakhi ghepukulu eno piti mllakeu gho eno kuposhukeu kumllagho shipesu AMPEU tsulu. AMPEU no pa kighini khochiletsu ipuzu Israil lo pusa hu lakhavestu.

Sumi Naga CL (Re-edited) Bible (BSI)

²⁵ Eno David no tile Ampeu lau akümlla-khache shiqhe no akipti kümllagho ngo külakishi kümllagho pesü mlla. Ikehu aghakhu züqhushi qhüiniju keu Ampeu no khochile tsüno Israel lo püsa kishekhave tsü.

SAMUEL AKINIU 24:25 ပူးပေါင်းရင်းမြစ်များ

BOTHUBO 12:7

Tile AMPEU no Abram lau peghino pa vilo pi, “Ino otikughuko tsuniye akeu ghakhu hu hike.” Ikehu tipa-alo Abram no AMPEU khuuno pa lau ipeghi keno tipau lau akumllagho kiptia lakhi shipe qhie.

BOTHUBO 22:9

Alhou no kichetsu puakeu-alo pama no wo-tolu kelo, Abraham no tile akumllagho kipti-a lakhi mlae eno tipa shou asu kithikiyi qhie. Pano pa nu Isak aphi au phevetsu eno akumllagho kiptia lo asu shou beve.

BOTHUBO 8:20

Noha no akumllagho kiptia lakhi AMPEU lau shitsue. Pano tughashi mithemighe keu ngo tikishi eno aghau kimthe jeli gholono lakhi khi sawo akiptia lono akuchopu pitikhavekeu kumllagho shitsue.

SAMUEL AKINIU 21:14

Tishino Saul ngo Jonathan pama saghiye suwo Saul papu Kish kumokilo qhove, tiye Benjamin lughi phivilo Zela aloke; eno panonguno akukau zah kutsu kiqi lono kumtsu tishi mlavetsuke. Tishive kethiuno Alhou no panongu no aghakhu ghenguno inikhu akeu khochiletsu.

SAMUEL AKINIU 24:14

David no khochile pi, “Niye ighono aveksa dolo ngovae! Ikemu niye timi pelono aghime itsu penishi amoe. Tighenguno AMPEU pelouno ningu ghimekeu shipelo, kughengu paye kupukiniuke.”

KUKAMI ATUGHIU 1:1

Akukau David ye ighono kitemi shive eno pa qemino akulu phi pa puu kemu paye luvuyi mlave.

EZEKEL 16:42

Tipathiu iloghu tave nani eno niye iquneive nani. Niye khilemu aloghu idemove eno anheshumove nani.

AKIKIHI 17:13

Timi khuu khuumu Aphiki kupunu ighikeuye thi masake, tipau kiqiye ningu kumtsu thiveke kumlho shivae!”

XAKUTHAMI 21:4

Thoghiu inaqhe itheno timiqoye akipti kumlla-a lakhi shino tipau shou kuposhukeu ghakishi kumlla ngo akuchopu piti kumllavekeu ghakishi shipesu tsulu.

XAKUTHAMI 6:24

Gideon no akumlla kiptia lakhi tipa alo AMPEU ghenguno shitsu eno tipau aje pesu “AMPEU ye alokughunou.” (Hiye ishikutolo Ofra lo puthugho aphi eno tiye Abiezer limi wu ke).

SAMUEL ATUGHIU 13:9

tishi kelono pano panongu vilo pi, “Pitikumlla ghakishi ngo kuposhukulu ghakishi kuma ilau sughilo.” Pano pitikumlla ghakishi tsukeu taveni kiche launo,

SAMUEL ATUGHIU 14:35

Saul no AMPEU lau akumlla khache hino atughiu shi shiqhilue.

SAMUEL ATUGHIU 7:17

Tishiveno paye pa-a Rama lo ide woveche, tipa aloghi paye xakuthau kumla shicheke. Rama lo AMPEU mlla nike ghenguno pano akumlla khache lakhi ghelu.

SAMUEL ATUGHIU 7:9

Tileno Samuel no bheriti lakhi heqhino kumtsu pesu aghakishi kumlla kiqi lono AMPEU tsughi pitive. Tishipuzu pano AMPEU lau Israilmi kuphutsulopi inikhutsu eno kuchouno AMPEU no pa kighini khochiletsu.