SAMUEL AKINIU 24:13 - BAIBEL (BSI)

¹³ Gad no pa lau ighino pa vilo AMPEU no kiu pilopi pikeno tipau pesu pi, eno pa vilo khikhiu shinikya pi iniju?” Oyeghilo ampe kuthu puqumiye keu keo moaye noye aqhi kuthu oghumi launo povenikeo, ikeo atsala kuthu kutolo oghakhulo pusa kusu lhoksa ipeghi penikya? Tighenguno itehi hipano kuthu khikhiu lunishi anikeno tsaqui kumsujuno ivilo pilo AMPEU vilo pithinike ghenguno khochilelo.”

Sumi Naga CL (Re-edited) Bible (BSI)

¹³ Gad no David lau ighi no pi, “O ghakhu lo ampe küthü püqümiye ighi peni keo? Moaye aqhi küthü o ghümi no haqhi no panoqo zülono poni keo? Ikeo atsala küthü o ghakhu lo püsa ighi peni kea? Kümsüju no ni ye I puwu keu vilo kiu khokichile tsüni keno xathalo.”

SAMUEL AKINIU 24:13 ပူးပေါင်းရင်းမြစ်များ

SAMUEL AKINIU 21:1

David no kaluve kethiu ampe kuthu ishokibe ighono puqumiyeve. Tighenguno David no tipau vehu AMPEU vilo iniju eno AMPEU no pi. “Saul ngo pa laghaqoye hekiqhi kumla shipe pu ani; pano Gibeon lo kuami pithikhave.”

KUKAMI AKINIU 8:1

Tipathiu Elisha no Shunem lo kuau atopuu khuu nu pano xuputhuve tsukeno tipau vilo pi, “Osholokumi sasu khile khilemu ado kitila ghenguno ngove kepushi chevelo, kughengu AMPEU no hipa ghakhulo ampe tsuni puqumiye puwuni cheni.

YEKIKITHI ATUGHIU 21:12

Ampe kuthu puqumiye keu keo? momu oghumi ghushimi zulo aqhi kuthu poveni keo? momu atsala kuthu dolo AMPEU no pa zuta oyeghi shou pukuno Israilmi yeghiqha kumtsulo paw kungumino akithi sughino kusakusho shive peni kya? Niye khokichile khikhiu pesu AMPEU lau tsuni kya?”

LESHELE 91:6

Momu putholo pusa kusuno ohekelo ighumo nani momu akuvulo alhoksano heqhi pithikeu musa kepu kuhae.

IPEKULU 7:25

AMPEU no aghokilo ghadakeu atsala tsuni tove.

EZEKEL 14:13

“Thinikuau timio, aghakhu lakhino axine shive puzu ilau amikucho shimove aye, ino iu chhopuwu puzu tipaulo achuqupu sughichekeu laghi shipusavetsu nani. Ino puqumiye keu puwu puzu timi ghi pichepighi ghi pithive nanike.

ACHINE 26:20

Nonguno akuaveshi mlakeu kumtsu adou shive nani kughengu noghakhuno axabo ipeghimo nani eno asuboqono axathi pithimo nani.

ACHINE 26:25

Ningu puloshoqhi shikeu hexavekeu ghenguno nongu ghimeqhinike ino nongu shou aghukishi sughi nani eno susholunike nophughilo nonguno kumqo aye, shipivi mlakeu kusukini ino nongu gholo puwu nani eno nonguye aghumi lau qhoi phesuve masa putsakeu shivepe nani.

Luke 4:25

“Ikemu kuchouno ino nongu vilo pinikeuye, Elija ghulokilo Israil lo topuchimemi kutomo ache kelo ampe kuthu aqhi tsugho ghumove kehu eno ayeghi kumtsulo puqumiye kije ave;

ZAKINIU 28:22

AMPEU no kitixe kusu, ingughuikeu eno aghakimki pesu nongu ghimeqhi nani, pano akulu eno pughaqhikeu mulhu pesu nowu tuxatini kutsaleve tsu nani. Kutsakungokeu hipaqoye nonguno thimoke kutolo tishi ananike.

ZAKINIU 28:25

“AMPEU no noghumiqo pelo noshou tokulupu shive penani. Nonguno aqha lakhi kudauno panoqo leighi nani ikemu nonguye panoqo launo apanagha kuhapove nani, eno nongu shou kiu shi ani kela tipau ithulu pesu ayeghilo timi kumtsu no thughuive nani.

ZAKINIU 28:27

AMPEU no nongu shou amishe puwu nani tiye Ijipmi shou pano puwu keu toi. Pano nongu phimpilo apiyi qeqeshi piyipe nani. Nongu phimpiye apiyino nhaluve nani eno muthomuzai nani ikemu tipau shipivi mla nani.

ZAKINIU 28:35

AMPEU no akusu eno vimlakeu piyi pesu nongu pukhulo ikughipe nani; amisheno nokutsu lono apukhu kutolo nhaluve nani.

ZAKINIU 28:52

Panonguno AMPEU Alhou no nongu tsuakeu yeghilo taun akeqo kumtsu leighi nani eno nonguno pukhupe akeu aliwo qhemghai putu puakeqo kumtsu ikiqive nani.

SAMUEL ATUGHIU 25:17

Tighenguno tipau ghili kumsuluno kiu shimasa keno kughakutha shilulo. Kughengu shikupusa ningu mpeu eno pa laghaqo kumtsu shou ighiniye kuto ani. Paye pa gho kumoaye kutami tsa ini nichemoe!”