SAMUEL AKINIU 23:17 - BAIBEL (BSI)

¹⁷ no pi, “AMPEU. niye khilemu hipau yemlae! kughengu ino hipau yenikeuye timi hipaqo ji tsuye aketoi niae, panonguye akuxu papu kupumono hitoi sughi tsuke!” Tishi pino paye tipau zu yemove. Ike akumla tipaqo shilukeuye ajekipimi ghushimi pano kuthuno amlo kuloghi kumla shilukeu ke.

Sumi Naga CL (Re-edited) Bible (BSI)

¹⁷ eno pi, “Ni ye khilemu hi yemlae, O Ampeu. Timiqo no pano küxü ji tsüno süghi keu ni ye yeni keshea?” Tighenguno pa no yemove. Hi ye aghükivimi pano küthü no shike.

SAMUEL AKINIU 23:17 ပူးပေါင်းရင်းမြစ်များ

BOTHUBO 44:17

Josef no pi, “Tishi pemla thono niye kishi puzu tishinike. Khuuno ajukhu pucheghi keno pa likhino iqemi shipe nani. Nongu kutamiqoye ithupuzu alokiqi shi nongu papu lau wolo.”

BOTHUBO 9:4

Ikemu akuxu akeu shi, tiye tile aji apulaghi nonguno chukevilo.

SAMUEL AKINIU 20:20

Joab no khochile, “Khilemu kumoe. Niye khilemu nophughi hipau puhavetsu momu shipsave tsuniye shi amoe!

KUKAMI ATUGHIU 21:3

“Niye atsailu hipau isunoqo launo amheghi ighilue,” ipi Nabot no khochileve. “Hipau otsuve nikeuye AMPEU pulou kumoe!”

YEKIKITHI ATUGHIU 11:19

hitoi pi, “Niye hipau zu khilemu shomoe! Hiye timi khunoqo panongu kuxu kupumono sughi keno panongu jih ye akeu paphi shivae!” Tighenguno paye tipau shomono tuchileve. Akumla hipaqono aghutomi ghushimi kuthu qono shikeuke.

LESHELE 72:14

Nedaqodakeu eno heqhi buqhi keu lono pano panoqo xaphelu cheni; Panongu kuxuye pa zulo amekushoke.

ACHINE 17:10

Israilmi na aqoaholo inaghami xu achekemi namu timi khuuno ashilo ahji a-ghi chuni keno AMPEU no pa junishimove nani eno paye pawu timi kepi kihisumove nani.

MATTHEW 26:28

kughengu hiye ihji, Alhou wu puloshoqhi mekhakeu ke; hiye timi kutomo ghenguno axine pevetsu nike ihji pelekeu ke.

Mark 14:24

Jisu no panoqo vilo pi, “Hiye timi kutomo ghenguno peletsukeu ihjike, Alhou wu puloshoqhi kimetsukeu ihji ke.

1 Kor. 15:30

Tishimoaye, kushiye ninguye atuqhudo kumtsulo akumsapu sasu kusho ani kya?

XAKUTHAMI 5:18

Ikemu Zebulun ngo Naftali laghaye aghushiqa lo panongu kuxu vekusa shie.

SAMUEL ATUGHIU 2:30

Ni, AMPEU Israil Lhou no wovekeulo olagha eno okibolomi pelono alhokuthu iwu achinemi shiche peni pi tushoqhi puae. Ikemu itehiye ino pi ani—niye nongu avehupu shimae. Tipau zuqhulo timi khunono igihu sumsa cheni keno nighi tipaqo gihu nani, eno khunono ikutha kughashi cheni keno nighi tipaqo milive nani.

SAMUEL ATUGHIU 26:11

AMPEU no khuu pesu akukau shivetsu akeno tipau shou ino au benikeu momu ghime keuye AMPEU pulou kumoe! Tighenguno nikujo pa ngupa ngo pa zubohu likhi pesu wuveni shilo.”