SAMUEL AKINIU 21:16 - BAIBEL (BSI)

¹⁶ Ighono subosughimi lakhi paje Ishbibenob ache, pangupaye ahushikelo akimshi kilogram kuthu tuxa eno paye azutakihi akithe puche, pano kumsukeuno David heqhinikeu shiae.

Sumi Naga CL (Re-edited) Bible (BSI)

¹⁶ Sübosüghimi kughukomi lakhi Ishbi-benob, khuu ngupa alazayi ahu küthü tüxa no shi, eno khuu azütakikihi kithe peche keno, pa no David pithive niye shie.

SAMUEL AKINIU 21:16 ပူးပေါင်းရင်းမြစ်များ

BOTHUBO 14:5

Ike ampe chighi abidiu loye Khedarlaomer no kukami pagholo kuqhape akeqo sasu ighi puzu panonguno hipaqo leve: Ashterot-Karnaim lo Refaim akeqo, Ham lo Zuzimiqo, Kirithaim qalo Emimqo,

BOTHUBO 6:4

Tipau ghulokilo ghi tipathiu ghi ayeghi shou timi kuloghiqo acheke, panonguye Alhou nunoqono timiqo nga sasu zuke lono punuke nuliqoke, kha-ghilo panonguye aghutomi eno aje kipimi ke.

SAMUEL AKINIU 21:18

Tipathiu itaghi Filistiyami sasu Gob lono aghushi, tipau ghushi lono Husha lono ighikeu Sibekai no Filistiyami kuloghi Sap ipikeu heqhi pithilu.

SAMUEL AKINIU 21:20

Tipathiu itaghi Gat lono aghukishi lakhi shilu, hipau ghushi lono timi kuloghi lakhi ighono aghu shinishi kemi lakhi ae. Paye apukhuloti ghi auloti ghi putoputo tsugho-gho pukemike.

SAMUEL AKINIU 21:22

Ike timi subosughi kuloghi hipano bidiye Gat lono iko ighikeqoke, panongu kumtsu David ngo pawu timiqono heqhi pithikhave.

SAMUEL AKINIU 5:18

Filistiyamino Refayim khilalo ighino tipau pukhaluve.

AKIKIHI 13:22

Atughushi panonguno ayeghi apeu kudau wuke eno Hebron lo ighi, khilehi subosughi Anakim ipi chekeu lono ikoighikemi Ahiman, Sheshai eno Talmai limi xu achekeu alo ighike. (Hebron ye Ijip lo Zoan nguno ampe tsunino azuu shighi aphu shive ake,)

AKIKIHI 13:28

Ikemu timi tile kughuna akeqoye akumto kutsasake eno panoqo phughi ye kijejeke eno akivishi aliwo putukha pesu ani. Tinguno akusauno suboghimi tile akeu ninguno ithuluke.

ZAKINIU 1:28

Ninguye kushiepi tilau wuni kya? Ninguye musa anike. Ninguno puwukemiqo no ningu vilo pikeuno tilau timi akeqoye ningu nguno akuchuquu eno akumtou kepi pike eno panonguye aphughi putukeuno atsutsu tonikeshi akeulo kughuna acheni. Panonguno timi subosughi tilau akeu ithuluke!’

ZAKINIU 2:10

(Akughushu subosughi shiayeh Emim ipi kemiqono Ar lo acheke. Panonguye subosughi shiayeh kutami lakhi Anakim ipikeqo toi chuqhumghaike.

ZAKINIU 2:11

Anakim kimihi lono panongu pesu Refaim ghi picheke; ikemu Muabmino panoqo pesu Emim kutsuke.

ZAKINIU 2:21

Panonguye Anakim toi chuqumghaike. Panongu kumzapu ake eno akughushu laghake. Ikemu AMPEU no panoqo kutsaleve tighenguno Amunmino panoqo yeghi luveno tile ngoluveke.

ZAKINIU 3:11

(Akukau Og ye Refaim gholo ashekhauke. Pa kumobo ye atuno shike, tiye aqhalo akimighi peitha chekeu kiqiloye akushulau miter bidi eno akijelau miter kini pahi shike. Tiye itehi ghi Amunmi phughi Raba lo ithulu chephi ke.)

ZAKINIU 9:2

Timiqo ghi chuqumghai eno akumtoke; panonguye subosughike eno khunomu panoqo mujomla kepi pikeu nonguno chiluvae.

JOSHUA 11:22

Israil yeghilo Anakimmi qhoi kuhave ikemu Gaza, Gat eno Ashdod lo aghuloshi qhive.

JOSHUA 15:14

Kaleb no Anak polo kiqiqo aphughi lono hapheve panonguye Shesai Ahinan eno Talmai laghake.

SAMUEL ATUGHIU 17:7

Pa ngupaye aghuqasu pahi shishoike eno tiye akimishi kilogram tsunike. Ghushimi lakhino pa zuuno pa zuto xakupuu shike.