SAMUEL AKINIU 20:22 - BAIBEL (BSI)

²² Tishino liye aphughilo timiqo lau wuno li kupughu pesu pithi eno panonguno Sheba kutsu michetha pesu akuptu veche Joab lau vepipevetsu. Tileno pano afuko ighasuno pawu timiqo vilo aphughi qhivelo pikeu michipu shitsu, tishino panonguye akilo idewove. Ipuzu Joab ye Jerusalem lo akukau lau idewove.

Sumi Naga CL (Re-edited) Bible (BSI)

²² Tishino topumi huno li lokütsü lono timi kümtsü lau wu. Panongu no Bikhri nu Sheba kütsü michepe Joab lau vepiqi tsü. Ikehu Joab no afuko küigha no mishighüna lono apanagha kümtsü pütüta kilo wove. Joab ghi Jerusalem lo akükau lau idewove.

SAMUEL AKINIU 20:22 ပူးပေါင်းရင်းမြစ်များ

SAMUEL AKINIU 18:16

Tishive kethiu aghukishi tavepenike ghenguno Joab no afuko igha, tileno pawu ghushimiye Israilmi hachekeu lono ide chile ighive.

SAMUEL AKINIU 18:17

Panonguno Absalom sukumo pesu aghasulo aqoh thonhei keulo vesuveno atu kutomo kichepewo tipau veqape qhive. Israilmiye kumtsu pututa sheamzulo pututa ki phususu pokhave.

SAMUEL AKINIU 2:28

Tishino Joab no afuko ighasusu pawu timiqo pelono Israilmi hakuqo movepeniye shike; ikehu tileno aghu shimove.

SAMUEL AKINIU 20:1

Tishi ake lono ighono aghili suqe avehu kuha mithe kemi Gilgal lono ighikeu Bikri nu Sheba, Benjamin lagha lono iko ighikeuno tipa alo aghi. Pano afukolo ighasuno pi, “David ikhi qhivelo! Ninguye pa papemoe! Israilmiqo, ningu akilo woveni kholo!”

SAMUEL AKINIU 20:16

Tishi akelono alokutsu topumi lakhi aphughi tipaulo akeuno akuptu lono ighamuku pi, “Inijulo! Inijulo! Joab vilo hilau ighilo pilo; niye pa sasu kuptsa nishi ani pilo.”

YETSAPIU 7:19

Alokutsuno timi lakhi pelo ayehkipemi chighino aphughi lakhi ghenguno mlalu akeu nguno akiviu shi mlalupe cheni.

YETSAPIU 8:11

Kushiye timino papashi heqhi buqhi cheni kya? Kughengu heqhi buqhi puaghikeulo mutazu shikighime keu kuhake.