SAMUEL AKINIU 20:21 - BAIBEL (BSI)

²¹ Tiye ni kukumsu lo kuhae. Timi lakhi paje Bikri nu Sheba paye Efraim ghakhu to lono ighikeu huno Akukau David hebide mujochile ani. Ike timi tipau likhi niulo phesuvetsulo tishi aye nophughi lono idechile wove nani.” Lino pi, “Ninguno pa kutsu akuptu veche vepipeve tsunie,”

Sumi Naga CL (Re-edited) Bible (BSI)

²¹ Ti ye kuchou kumoe. Ikemu Ephraim ato yeghi lono milakhi Bikhri nu Sheba huno akükau hebide ithughi anie. Pa likhi ikhiphe tsüvelo, eno I no mishighüna lono idechile woveni.” Topumi huno Joab vilo pi, “Julo, aliwo lono pa kütsü vepiqi o tsüni.”

SAMUEL AKINIU 20:21 ပူးပေါင်းရင်းမြစ်များ

SAMUEL AKINIU 20:1

Tishi ake lono ighono aghili suqe avehu kuha mithe kemi Gilgal lono ighikeu Bikri nu Sheba, Benjamin lagha lono iko ighikeuno tipa alo aghi. Pano afukolo ighasuno pi, “David ikhi qhivelo! Ninguye pa papemoe! Israilmiqo, ningu akilo woveni kholo!”

SAMUEL AKINIU 20:2

Tileno Israilmiye David qhiveno Sheba lau su eno pa papesu Jordan lono Jerusalem kutolo ighilu.

SAMUEL AKINIU 20:20

Joab no khochile, “Khilemu kumoe. Niye khilemu nophughi hipau puhavetsu momu shipsave tsuniye shi amoe!

SAMUEL AKINIU 23:18

Joab thikuzuu Abishai no (pama pazaye Zeruia ke) “Ajekipimi Shighi” shou sakipheuke. Paye pangu pesuno timi 300 sasu kichighi eno panoqo heqhi pithi khave eno “Shighi” shou ajekipiu shiluve.

KUKAMI ATUGHIU 11:26

Kutami lakhi akukau Solomon mithi ithughipe keuye pa qholo kijemi lakhi Nebat nu Jeroboam, Efraim lo akeu Jereda lono ighikemike. Pa zaye achimeu Zerua ke.

KUKAMI AKINIU 10:7

Kughou Jehu yesu ithulukeno Samaria lo sakiphemino Ahab laghami pano lhotsuni kutsu miche pesu ashoghi lakhilo suno Jezril lo Jehu lau tsupuwu.

KUKAMI AKINIU 5:22

Gehazi no pi, “Kumu kumoe. Ikemu impeu no ihapuwuno ovilo hi pitsulopike, itehino tungkupumi kini Efraim toghi kudauno ighi ani ikehu paye opelono tsandiyi 3,000 aphi aloke atuna kini ishi tsupenishi anie.”

JEREMIYA 4:15

Dan phughi ngo Efraim lo naghuto akeqo kudauno asutsa kipemino alomokeu sutsa pikulha ani.

JEREMIYA 50:19

Ino Israil lo akemiqo pano yeghilo sachile sawo qhi nani. panonguno Karmel toghilo ipeghikeu chuqupu chu nani eno panonguye chu nishike thaqhu Efraim ngo Gilead lono axa ipeghi keu chu nani.

JOSHUA 24:33

Aron nu Eleazer thive eno Efraim yeghiqha tolo Gibea taun khikhi panu Fineha tsuvekeno tipa yeghilo qhove.

XAKUTHAMI 2:9

Paye Gaash naghuto ahuu Efraim ghakhu lo Timnat Sera pa saje shitsukeu yeghilo qhove.

XAKUTHAMI 7:24

Gideon no aghinimi hapesu Efraim ghakhu toghi kumtsu lo puwuno ishi piwupe, “Iqighino Midiyami sasu aghushilo. Jordan eno aghokiti lono Bethbara kutolo Midiyami pelono veche wukhavepe kepushi ngokheluvelo.” Efraim lo kuamino hekutsu pesu ngo puzu Jordan aghokiti lono Bethbara kutolo bothaluve.

XAKUTHAMI 9:55

Kughou Israilmino Abimelek thivae pikeu chilukeno panongu kuchopu akilo idewokhave.

SAMUEL ATUGHIU 24:6

pano pawu timiqo vilo pi, “AMPEU no kishepe akukau shi akeu impeu lau niye kumu au loqhimoni. Niye pa ghime moni kughengu paye AMPEU no kisheno akukau shi anipeke!”

SAMUEL ATUGHIU 26:9

Ikemu David no pi, “Noye pa ghimekepu kumoe! Kughengu AMPEU no khuu khuumu pano kishevekeu akukau ghimekeuye aghime tsuni putsae.