SAMUEL AKINIU 2:5 - BAIBEL (BSI)

⁵ pano timi khami hapuwuno asutsa hipau pesu piwu; “Nonguno sukumsa akukau lau akeu vechewono pa kumo shiqho tsukeu ghenguno AMPEU pelo nongu kumgha tsupeniu.

Sumi Naga CL (Re-edited) Bible (BSI)

⁵ David no aghinimi Jabesh-gilead lo puwu no panoqo vilo pi, “Ampeu pelo nongu kümghatsü peniu, kughengu nongu no ithamo keu sakuphu nongu mpeu Saul lau piye eno pa shiqhove ke.

SAMUEL AKINIU 2:5 ပူးပေါင်းရင်းမြစ်များ

BOTHUBO 14:19

Pano Abram kumghatsu ghi pi: “Atsutsu ngo ayeghi lhokeu Akiqheu Lhou pelo Abram kumghatsu peniu!

BOTHUBO 14:22

Ikemu Abram no ishi khochile, “AMPEU, Ighono Akiqheu Lhou, atsutsu ngo ayeghi kipighiu zulono ino i-u peqhe ghi tushoqhi ani,

SAMUEL AKINIU 15:20

Nonguye hilehi ado ikhonhei likhi kughuna aphi tighenguno niye nongu pelo igholo kupokichemi shiche penishi amoe. Kughengu nighi khilau wuni keno kumu mtha aphie. Idewo khavelo eno no ghakhumi ogholo sasu chevelo eno AMPEU pelo olau kimiyekeu eno olau kuchoushi alupeniu.”

SAMUEL AKINIU 21:12

pano wupuzuno Saul ngo panu Jonathan saghi ishi Jabesh-Gilead lo kuamiqo launo khuluve. (Panonguno Bath Shan ipikeu alo khile timiqo kuhokumqo chekeno tileno pukasuwo pua, tiye Filistiyamino Gilboa tolono Saul heqhike tsalani lono tishi akumo pufuqhi puake.)

LESHELE 115:15

AMPEU pelo nongu kumghatsu pelo, pano kungugha ngo ayeghi lhoke!

JOSHUA 2:14

Timi pamano li khochile,” Nino pikeu toi shimove aye Alhou pelo nikuxu luvetsu peni. Nino kiu shi ani keno nono hipatsa khuvilomu pima aye nino ozulo tushoqhi ani, kughono AMPEU no hipa yeghi nitsuveni keno nino akivishi nongu tuchoni.”

XAKUTHAMI 21:8

Kughou panonguno kighinikile jukeno tilehi Israil lagha dolo Gilead yeghilo Jabes lagha ye khuunomu Mizpa lo kuhokelo wumo keu phupheluve.

RUTH 1:8

Ikemu Naomi no amukishiu pama vilo pi, “ Nokujo ye idewovelo, eno pututa puaza kilo wovelo. Nokujo no akithiunoqo heju eno iheju ke hutoi AMPEU pelo nokujo hejupeni.

RUTH 2:20

Naomi no pi, “AMPEU pelo pa kumghatsu peni! Kuxumi lau pina kithimi lau pimu AMPEU ye pano piqhive keu khilemu peve chemoe.” Naomi no li vilo highi pi, “Timi tipau ye ni sholokumi ke eno pano ningu valu kuzupu shi anike.”

RUTH 3:10

Tile Boaz no pi, “AMPEU pelo okumgha tsupeni, ninga! Apumi kumlhomi na momu kinimi namu nono pape wumokeu hiye atughulo ani hejukeu nguno ashekha launo abolomi ivuila keu piye anikena hio!

SAMUEL ATUGHIU 11:1

Aqhi lakhi thiu Amunmi kukau Nahas no pawu ghushimi Gilead lughilo akeu Jabes taun lenike ighi. Jabes lo kuamino Nahas vilo pi, “Ni sasu vishoshi velo, tishiaye nino noye ningu yehkipeu ipi ikhiluni.”

SAMUEL ATUGHIU 11:9

Panonguno Jabes lono ighikemi aghini kishimiqo vilo ishi pi, “Thoghiu puchouno nongu kuqhophelu nani.” Kughou Jabes lo kuamino asutsa hipau chilukeno, panonguye ighono alovi sheveno

SAMUEL ATUGHIU 15:13

Samuel no cheiqhoghino Saul sholu kelo Saul no petha pa tsughi ishi pi, “Samuel, AMPEU no okumgha tsupeniu! Niye AMPEU zah kutsu gholuvae.”

SAMUEL ATUGHIU 23:21

Saul no khochile, “Nonguno ikimiye keu piyeke ghenguno AMPEU pelo nongu kumghatsu peniu!

SAMUEL ATUGHIU 24:19

Timi lakhiye ghuthu khijehilo pa ghumi kughaluno pa ghimemono phepuwovelu kulupu kya? Nono ishi ilau kiu mlavetsu keno tipau ghenguno AMPEU no okumgha tsu apeni!