SAMUEL AKINIU 18:24 - BAIBEL (BSI)

²⁴ David ye aphughi khagho alou ngo khalacheu kuma dolo a-a akeulo iqa ngo aghi. Aghukhu akeuno akupuwu tupikiye tsuqolo khagho laghi kudau puthughono jupuwo kelauye timi lakhi posusu chekeu pishipuwo ithulu.

Sumi Naga CL (Re-edited) Bible (BSI)

²⁴ David ye khagho kini dolo iqa aghi, eno aghukheu no khagho kütsüqa lo ikuno pishipuwo jukelo, timi lakhi pocheghi keu ithulu.

SAMUEL AKINIU 18:24 ပူးပေါင်းရင်းမြစ်များ

SAMUEL AKINIU 13:34

Tishivekethiu Absalom ye pove. Tileno ghushimi aghukhe pe akeuno Horonaim kudauno aqo kithikhi kumzapushi ato lono alaghi kudau iqi chekeu pishipuwo ithulu. Pano wupuzu pano kiu ithulu keno tipau ghili pesu akukau vilo pi.

SAMUEL AKINIU 18:23

Ahimaaz no tamono pi, “Kiu kiu papu shive aghinamu niye wunishi anie.” Joab no pive, “Tishi aye wulo.” Ikehu Ahimaaz ye posusu Jordan khila laghilo vetha ipeghiluno aqeu Sudanmi zuthasu pove.

SAMUEL AKINIU 18:25

Pano pishipiqi akukau kutughuno pithi, tileno akukauno pi, “Tsalatsa pa likhi cheghi aye, paye sutsa kivi pesu cheghi nani.” Pochekeu huno posu aphivilo kupunu ighiluve.

SAMUEL AKINIU 18:4

Akukauno khochile,”Tishiaye nonguno kiuno akiviu ipi kumsu anikeno ino tipau shitsuni.” Tishino pano khagho phivilo puthugho ngotsuno pawu timino qhethonhe loji, aqhe loji jino ajo ajo shi pa hechesu khalacheu cheipe.

SAMUEL AKINIU 19:8

Tileno akukau ghi ithughive eno wuno aphughi khagho phivilo iqave. Pawu timiqono paye tilehi ngo ani pikeu chiluno kumtsuno pa suhomxape pa jue. Tishi ake dolono Israilmi kumtsu pututa kilo pokhave.

SAMUEL ATUGHIU 4:13

Pano ighike ghulokilo Eli ye alaghi phivilo iqa no jukutoa kughengu paye AMPEU wu Puloshoqhi Bohu ghenguno pa mlo ime ae. Ike kughou timi huno aphughilo iloghi puzu sutsa kithe pesu pikulha keno, aphughi kumtsuno msake launo ighamuku khave.