SAMUEL AKINIU 17:14 - BAIBEL (BSI)

¹⁴ Absalom eno Israilmi kumtsuno pi, “Hushai kukutsuye Ahitofel kukutsu nguno akiviue.” AMPEU no Ahitofel kukutsu kivi ikhilu pemo nikeu shitsu. Absalom lau shikupsa ikughi penikeu shivetsu.

Sumi Naga CL (Re-edited) Bible (BSI)

¹⁴ Ikelo Absalom eno Israelmi kümtsü no pi, “Arkhimi Hushai kükümsü no Ahithophel kükümsü nguno akiviu shi ani.” Kughengu Ampeu no Ahithophel kükümsü kivi theqhive peniye kughuve ke, tishianguno Ampeu no Absalom shou aghimepu süghi niye ke.

SAMUEL AKINIU 17:14 ပူးပေါင်းရင်းမြစ်များ

BOTHUBO 32:28

Timi huno pi, “Hinguno hilauye oje Jakob ipi moni, ikemu Israil ipini. Kughengu nono Alhou sasu eno timi sasu kukhakulue eno okhaqhilu pemoe.”

SAMUEL AKINIU 15:31

Kughou Ahitofel no Absalom hekibide gholo sukuqhavae pikeu David vilo pithi keno pano inikhu. “AMPEU, kimiyeno Ahitofel no kutsumije piyekeu aghuzu-anikha shivetsulo!”

SAMUEL AKINIU 15:34

Ikemu noye aphughilo idewono Absalom vilo ishi pilo, ‘O akukau, niye oqemi shinie; ino wovekeulo opu qemi shicheketoi itehiye niye oqemi shinie’ ipilo. Ahitofel no kiukiu kukutsu tsupimu tipau hebidelo.

SAMUEL AKINIU 16:23

Tipa ghulokilo Ahitofel no kiukiu kukutsu tsa pikeno tiye Alhou tsa kiqi shi ikhiluche: David ghi Absalom ghi ishi tipau pape cheke.

YEKIKITHI AKINIU 10:15

Hiye AMPEU Alhou pulou ke, pano Shilo lo Ahija tungkupu vechewo Nebat nu Jeroboam vilo pipuakeu shikupuni yeke. Tighenguno akukauye timiqo shou kiumu kumsu kutoju moe.

YEKIKITHI AKINIU 10:8

Ikemu pano muchomiqono akukumsu tsukeu kukuthave eno lhothemi pa qheshoqo anileshi akukumsu pa tsu akemiqo lau wuve.

YEKIKITHI AKINIU 25:16

Amazia no ishi ghechile, “Kughono ningu ye opelo akukau kukutsuu shiveape kya? Atsa pikevelo, ti kumoaye ino opithive nani ke!” Tungkupuu no atsa pimove ikemu tipau zuuno hipatsa pitsu, “Ino itehiye ithive ake Alhou ye okutsaveni keu shi xathavae kughengu nono hipaqo kumtsu shiveke eno ino kutsu keu tsa kukuthave tsuke.”

YEKIKITHI AKINIU 25:20

Ikemu Amazia no initsumoe Amazia leluve peni keuno Alhou pulou shi ake kughengu pano Edommi julho mllawuve ke.

NEHEMIA 4:15

Nighumiqoye ninguno pano muqu ithiva pi chiluve eno Alhou no panongu kukughuqo hexave tsuapi ithive. Tithiu ningu kumtsu akupuwu hu mlakithe nike idesu wuve.

JOB 12:17

Pano shitsami ayehkipemi lokutsu kutsavetsu cheni eno sakiphemi pelo mbomzumi toivepe cheni.

LESHELE 9:15

Ashiayeh kutamiye panono aqoh chhukeulo ilulovae; pano-likhi pano-lichhe lono kitimeluvae.

LESHELE 9:16

AMPEU no amikucho shi kughakutha shikeu lono pa likhi pa pephe piyevae, kusakughamiye pano likhi pano kumlano meluve cheni.

IPEKULU 9:16

Ikemu ikuka opiyenike ino opelo xuaghi anipeke tishianguno ijekipiye ayeghiqha kuchopulo vekuphawo peniyeke.

AHOLE 19:21

Timino thwokha jeli kughu aghiluvi ikemu AMPEU pulou lono shini aphike.

AHOLE 21:30

Tsala AMPEU no ogholo ngomove aye alokutsu, tsughaminhe keu eno jupili kuluye okuphuluni chemoe.

ISAIAH 8:10

Nonguno kughuchope qhilo! Ikemu tipaqoye adou shive nani. Nonguno pinishi ke thaqhu pilo! Ikemu tiye kiumu shimla nani, kughengu Alhou ye nigholo ani!

AKUMLO 3:37

Tsala AMPEU no ahza tsumo keloye khuuno tishi kulupu kya?

AMUS 9:3

Panonguno Karmel Toghilo itshuluve namu ino panoqo kughaluve nani. Panonguno imusaye azughi polalo itshuluve namu ino azughi ghahwu ahza tsupuzu panoqo mikiqhi penani.

Luke 16:8

Amikucho kumou peithakutsuu hipauno amqukini hitoi shikeu ghenguno pa mpiuno pa sheqheke sha? Kughengu ayeghilo kuxu likhi phukichemiye pano kumlapu saje peithani keulo akuvulo auvekemiqo nguno alau amuqukiniue.”

1 Kor. 3:19

Kughengu hipa yeghilomino kiu pesu asuqe kighithi kepi picheni keno Alhou zulo tiye mbomzuke. Tiye kuchoyesulo ishi yepuake toi, “Alhou no alokutsumiqo panoqo muqukini lono meluve cheni”

ZAKINIU 2:30

“Ikemu Akukau Sihon ye ningu pelo pa ghakhu kathasu wupemoke. AMPEU nongu Lhou no pa pelo kuthovivepe eno hebidevepe ikehu ninguno pa leluve eno pa ghakhu lukepu shiveke, tipauye itehi kutolo ninguno qhasupe anike.

JOSHUA 11:20

AMPEU no panongu pelo Israilmi sasu tsaqui aghu shinike kutope, tishianguno kimiyekini panongu shou kuhano pithi khaveni keu shive. Tiye AMPEU no Muse lau ahza tsuve keuke.