SAMUEL AKINIU 16:21 - BAIBEL (BSI)

²¹ Ahitofel no khochile, “wulo eno opu nipu amishiuqo khunoqo pano akukaki khe aghipeniye qhipuani keno tipaqo sazuvetsulo. Tishive kethiu ye Israil lo kumtsuno opuye okugha pesu pa ghumi kuchou shivae pi ithi nani eno opapemiqoye alau amlo muto kithelu nani.”

Sumi Naga CL (Re-edited) Bible (BSI)

²¹ Ahithophel no pi, “O pu nipu amishimi khunoqo aki jukütsü penike qhive keno panoqo lau wulo, eno Israelmi kümtsü no no ye o pu lau aphikümqhüpu shivae pi chiluve nani, tileno o gholo akemi kümtsü amlo shikumtolu nani.”

SAMUEL AKINIU 16:21 ပူးပေါင်းရင်းမြစ်များ

BOTHUBO 34:30

Jakob no Simon ngo Levi pama vilo pi, “Nokujono ishou akupuna sughivetsuae. Kananmi ngo Perizimi hipa yeghilo kuami gholo ije kusapu nokujono shivetsuae. Igholo timi kutomo kuhake, panonguno hekutsu kumqo puzu ishou ighi aye ighiqhiveniae, nibolomi kumtsu pughavetsunia.”

BOTHUBO 35:22

Israil no tipa ghakhulo kughuna akelo Ruben no papu nipuqo dolo Bilha ipikeu sasu zuve. Israil no tipau chiluve eno pa gizulo alomoqhiyi ithulu auve. Jakob ye anu chighikini ache.

BOTHUBO 38:16

Pano ala phelo li lau tsughu ighi no pi, “Hila ighilo, ino osasu zunie.” Kughengu liye pa mukishiu kepi paye mtha. Tile lino mopi, “Noye kiu itsuni keno isasu zuniepi ani kya?”.

BOTHUBO 6:4

Tipau ghulokilo ghi tipathiu ghi ayeghi shou timi kuloghiqo acheke, panonguye Alhou nunoqono timiqo nga sasu zuke lono punuke nuliqoke, kha-ghilo panonguye aghutomi eno aje kipimi ke.

SAMUEL AKINIU 10:6

Amunmiye David pe panongu ghumi kughulhovea pi kumsu chilelu, ikehu panonguye Bethrehob eno Zoba lono Siriyami ghushimi 20,000 piqe sughi, Tob lono timi 12,000 eno akukau Maaka kudauno 1,000 ishi piqe sughi.

SAMUEL AKINIU 12:11

Ino tushoqhi pi anike olikhi okibo dolono ino khami xukuthono oshou akupuna sughi tsupeni. Nono tileno ithi nani kughou ino onipuqo olauno ikhipesu timi kutami tsuve eno timi huno pucho mughu lono onipuqo sazuve penanike.

SAMUEL AKINIU 13:5

Jonadab no pa vilo pi, “Tishiaye noye su aniepi azualo zuvelo. Ipuzu kughou opuno oputsa ighini keno tileno pa vilo ishi pilo, ‘Kimiye puzu ichepu Tamar pelo ighino ilojitsupelo. Niye li pelo ino pa ithukulupu alo ngono chuqu kusho mlatsu penishi ani eno hileno li pelono ilojitsu penishi anie.’ ”

SAMUEL AKINIU 15:16

Tighenguno akukau kibolomi eno pawu kijemi kumtsu pokhave, ikemu pa nipu amishiu pano chighi ye akukaki hejukutsu aghipenike ghenguno tipa alo qhiveno cheve.

SAMUEL AKINIU 16:20

Tileno Absalom no ide ighino Ahitofel vilo pi, “Tishiaye ninguye hilehi ngoniae, ike noye kiu kukutsu pesu ningu tsuni kya?”

SAMUEL AKINIU 17:7

Hushai no khochile, “Ahitofel no ishiulo akukutsu nongu tsuakeuye akivipu kumoe.

SAMUEL AKINIU 2:7

Akumto shilo eno amlo vilo; Juda lo timiqono ipelo panongu kukau shi ikisheluvae.”

SAMUEL AKINIU 20:3

David no Jerusalem pa kilo ide ighi eno akukauno pa nipu chighi aki jukuto peniye puakeqo salu eno akheu pesu panongu khepe. Pano panoqono avehupu shi akeu kumtsu tsu, ikemu panongu sasuye azua lakhi shimoe. Panonguye akuxu tivilo chimemi hutoi panongu likhi tishi acheuvepe.

KUKAMI ATUGHIU 11:25

Solomon kuxu tivilo paye Israilmi ghumi lakhi shi acheke.

KUKAMI ATUGHIU 2:17

Pano khochile, “Ino ithi anike paye omilimo nani ike akukau Solomon vilo ipelono Shunem lono ighikeu ailiu Abishag pesu inipu shipeni keu tsa pitsulo.”

KUKAMI ATUGHIU 2:22

“Noye kushiye ivilo Abishag pesu pa tsuvelopi ani kya?” ipi akukau no iniju. “Noye ipelono akuka ghi pa tsuve penike iniju kepu shi ae. Ta atsa pi-amu paye imuke eno pa kudau Abiathar achineu eno Joab Zeriua nu ishi ani!”

ACHINE 18:8

Noye apu nipu kutami sazu keu lono opu shiputha kevilo.

ACHINE 20:11

Timi lakhino papu nipu gholo milakhi sazuvetsu aye papu shiputha anike pama kinikujo heqhi pithivelo. Pama kithiye pama makhoke.

ZEKHARIA 8:13

Juda ngo Israil lo akemiqo! Wovekeu tsalalo inaghamino lakhino lakhi ghusho keulo, ‘Juda ngo Israil kuma shou kutsakungo keu ikughikeu tho oshou ikughi peniu!’ ipi picheke. Ikemu ino nongu xalu nani eno tileno inaghami hupaqoye lakhino lakhi vilo, ‘Juda ngo Israil kuma shou kukumgha ighike tho opelo ithulu peniu!’ ipi pinani. Tighenguno amlo kumtoshilo eno msa ichi kevilo.”

1 Kor. 5:1

Mtsuqheyino nongu gholo kipti toti dolo mithemovekeu pi-ighivae, eno tikithipuye Alhou mthakemi gholo ghi khilemu shichemokeu ghilike: tiye timi lakhino papuh nipu sasu kughuna akeu ivilo pivae!

SAMUEL ATUGHIU 13:4

Israilmi kumtsu vilo Saul no Filistiya ghushimi shou ahzakutsuu heqhive keu eno Filistiyami no panongu ju kuchhube chekeu pikulhapua. Tighenguno ku akeu sutsa timiqo no chiluno Gilgal lono Saul gholo hekutsupe ngolu.

SAMUEL ATUGHIU 27:12

Akis ye David pukhubeche eno ishi kumsuche, “Pawu timi Israilmino pa jukuchhube acheni; tighenguno paye alhokuthu iqu axemi shi cheniala,” ipi.