SAMUEL AKINIU 16:1 - BAIBEL (BSI)

¹ Kughou David no ato mqa kitila hechesu wu chekelo paye Mefiboshet qeu Ziba no gadaha kini lono ashopa 200 atsayithi kipki amqo 100 eno anile xathi amqo 100 eno ashiyiko lono aji chhitoi pilisu puveno pa sasu kushoniye cheghikeu sholu.

Sumi Naga CL (Re-edited) Bible (BSI)

¹ Kughou David no ato mqa kitila heche wu keno, Mephibosheth qeu Ziba no asho 200, atsaikipki pho 100, tsülü tusho xathi 100, eno aji ahughi lakhi, ishi khurha kini xapipe no pa sasü kusho.

SAMUEL AKINIU 16:1 ပူးပေါင်းရင်းမြစ်များ

SAMUEL AKINIU 15:30

David ye Oliv naghuto lo qa-ghi iqhove, pa pukhu kumsa eno amlo kusa michishi pa kutsu kuzu puveno cheve. Pa papechekemi ghi kumtsuno panongu kutsu kuzupuveno qa susu wue.

SAMUEL AKINIU 15:32

Kughou David no iqho naghuto toghi tolukeno, tipa alo mllakepu-a lakhi ae, pano pukhube chekeu pa shou Hushai Arkhimi huno pa phi suxuve eno pa kutsulo ayeghi epukuno pa sasu kusholu.

SAMUEL AKINIU 19:17

Pa gholo timi 1,000 Benjamin lagha lono ighikeqo ae. Ziba khuu puzuu Saul kibolomi qeu shiche keno pa ghi pa gholo anuli chighi pungu eno aqemi muku ishi sasu ighi, panongu kumtsu akukau no Jordan tolumphi lono azuuno ighikhave.

SAMUEL AKINIU 19:32

Barzillai ye ighono kitemi shivekemi, apunu mpe lhotache shiae. Paye ighono kinimi kehu akukauno Mahanaim lo ake ghulokilo pano achuqupu kumtsu akukau tsucheke.

YEKIKITHI ATUGHIU 12:40

Ahuu shiyeh Isakhar, Zebulun eno Naftali kutolono gadaha, kemel, gadahaqu eno amshitsu qo lono achuqupu jeli - barli, khughuthi, atsayithi kipki, atsayiji eno oliv teli hipaqo xapusu ighi. Tinguno alauno panonguno amshi ngo bheri heqhi chunike ghenguno ha sasu ighi. Hi shikeqo kumtsu pano ghakhu kumtsulo alokivi shikeu michipu pephe piyeke.

AHOLE 18:16

Noye timi akhotomi sasu kushonishi ani kesha? Aghochhe pa lau pewu aye pai kusholuve nani.

JEREMIYA 40:10

Ni ampino Mizpa lo ache nani eno Babilonmi tilau ighi aye ino nongu zuqhushi puthughotsu nanike. Ikemu nonguye atsayiji ngo axathi eno oliv teli pekutsu pesu kikelu nani eno nonguno akeu phulo xualu nani.”

JEREMIYA 40:12

Ikehu panonguno khipa yeghilo apanagha povekeno tilauno idechile susu Juda lo ighi. Panonguno Mizpa lo Gedaliya lau ighi eno tile panonguye atsayiji ngo axathi kumzapu pekutsuluke.

AMUS 8:1

AMPEU Alhou no kungunhetsu kutau lakhi ipiye. Tipaulo axathi ashoghi lakhi akeu ino ithulu.

MICAH 7:1

Niye ahakusapuke! Niye muzuthi kemi lakhino asubolo axathi kuhave aghikeu eno atsayibolo atsayithi kuhave aghikeu sholu akeu toike. Atsayithi kumtsu eno khughuthi chukivi kumtsu xoluve aghikeu sholu akeshike.

SAMUEL ATUGHIU 10:3

Tishino noye chekithethu shi wulo eno Tabor lo chinichekeu subo ake alo ighilu nani, tilehi timi kuthu Bethel lo Alhou mlla nike ghenguno wucheghi keu kusholu nani. Panongu gholo milakhino ane kuthu hasasu chekeu, milakhino ashopa kuthu pecheghi keu eno timi akuthuuno ashiyikono shikeu bohu lono aji chhitoi pucheghi keu ishi sholu nani.

SAMUEL ATUGHIU 16:20

Jese no gadaha lakhi pelono asho chhitoi xapupe, aneti lakhi eno ashiyiko bohu lono aji chhitoi pilisu tsuno David pelo Saul lau wupeke.

SAMUEL ATUGHIU 25:18

Tileno Abigail no paikhavi lono ashopa 200 ashiyiko hughi kini lono aji pilisuve, bheri pungu akuchopu no kusavekeu, kumpakeu thi kilogram chighitsuni, atsai kipki apho 100 eno pikivekeu khughuthino shikeu shopa 200 ishi kumtsu amqo shino gadaha xapipe.