SAMUEL AKINIU 15:25 - BAIBEL (BSI)

²⁵ Tishive kethiu akukauno Zadok vilo pi, “Puloshoqhi Bohu pechile pesu aphughilo suwuvelo. Tsala AMPEU no ipulo aghiaye ghulo lakhi loye ipelo ide ighino Puloshoqhi Bohu ngo tipau qhikeu ithulu peni aphie.

Sumi Naga CL (Re-edited) Bible (BSI)

²⁵ Tishino akükau no Zadok vilo pi, “Mishighüna lo Alhouw puloshoqhi bohu xapu ilove lo. Tsala Ampeu nhethe lo I kimiyelu kepu aghi aye, Pa no I sachile ighi no I pelo tipa kungo-a ithulupe nani.

SAMUEL AKINIU 15:25 ပူးပေါင်းရင်းမြစ်များ

SAMUEL AKINIU 6:17

Panonguno Abohu pesu ighino aphiki David no shipe puakeu lo pa-a lo qhive. Tishino pano aghakishi ngo kuposhukulu kumlla pesu AMPEU lau tsulu.

SAMUEL AKINIU 7:2

Tileno akukauno tungkupu Nathan vilo pi, “Niye kedar taktano shikeu kilo ngo ani, ikemu Alhou wu Puloshoqhi Bohu ye aphino shikeu kilo aphie!”

LESHELE 122:1

Kughono panonguno ivilo, “Ningu AMPEU kilo wuni nolo,” ipikeno niye alovive.

LESHELE 122:9

NiLhou AMPEU ki ghenguno niye opelo kinikulu shilupe nike khuini ani.

LESHELE 26:8

O AMPEU, nono ngochekeu ki eno okimthe jukuvu achekeu-a ilokutu cheni.

LESHELE 84:10

Ochinekilo ghulo lakhi akeuye kutau khilela ghulo 1,000 akeu nguno akiviuke; Kixikilami kilo xu anikepuye iLhouki hukikhalo puthugho akeu pavi.

IPEKULU 15:13

Oshoqhilo amikuchoke, nono xaphelukemiqo nono sawuke; okumto pesu okimthe yeghilo panoqo kiche piye sawuke.

IPEKULU 33:12

Muse no AMPEU vilo pike, “Timi hipaqo sasu hupau yeghilo sawulopi nono ivilo pikeuye kuchouke ikemu noye khuu pelo igholo wupeni keno pitsumoe. Nono pikeuno nono akivishi ni ithi ani eno ijupe amlo qi ani pike.

IPEKULU 33:13

Kuchouno noye tishi ani aye okupughu ivilo pitsulo, tishianguno ashiayeh hipaqo pesu owu shinike kishelukeu ghi kumsululo.”

ISAIAH 38:22

Tileno akukauno iniju, “Niye Achinekilo wulukepu shinani ke ipikeu michi kiu itsu ani kya?”

JEREMIYA 25:30

“No Jeremiya ye ino pivekeu kumtsu pesu asheshu masa. Noye timi hipaqo vilo ishi pilo, ‘AMPEU no kungugha kudauno ighamuku ani eno kungugha kuchuqu lono tsutsu su nani. Pano pawu timiqo shou ighapuku nani; paye timi lakhi atsayithi qole akelo toi ighamuku nani. Ayeghi shou akemi kumtsu tipau chilu nani.

JEREMIYA 7:4

Pishiqhikeu tsa hipaqo pulu kevilo, ‘Ninguye kiumu shimo nanike! Hiye AMPEU chinekike, hiye AMPEU chinekike, hiye AMPEU chinekike!’