SAMUEL AKINIU 15:23 - BAIBEL (BSI)

²³ David papemino cheve kemtsa timiqono ighono ighamuku. Akukau ye Kidron ghoki kathasu ikuve eno pawu timiqono pa papesu wu eno panongu kumtsu aqoshi aghasaqha kudau wuve.

Sumi Naga CL (Re-edited) Bible (BSI)

²³ Panongu no wuche kelo ayeghi kümtsü no ighaqa, eno akükau no Kidron ghokiti kathasü timi kümtsü no yenguyike-a küdau wuve.

SAMUEL AKINIU 15:23 ပူးပေါင်းရင်းမြစ်များ

SAMUEL AKINIU 15:22

David no khochile pi, “Aghile kuchou! Tishiaye kholou!” Tighenguno Ittai no pawu timiqo eno ititunu kumtsu sasu cheve.

SAMUEL AKINIU 15:28

Tishi akedolo niye aghoki katha ikukelo aghasalo olauno asutsa chilumoke kutolo okhe aghinia.”

SAMUEL AKINIU 16:2

Akukau David no pa vilo iniju, “Noye kushiniye tipaqo pu cheni kya?” Ziba no khochile, “Gadahaqoye no akijeu kibolomi pelo ikupeniyeke, ashopa ngo axathiqoye timiqo pelo chupeniyeke eno ajino kughou panonguno aghalo itsuchekelo akulho shive nikeno shopeniye xapusu ighi anike.”

KUKAMI ATUGHIU 15:13

Pano pa puza Maaka khuu kukaliu shi akeno tipau ghi hapheve, kughengu lino axuthi lhouliu Ashera kiqi lono li mllakeu shipe. Asa no asu-atu julho lhou kumtsu kubopiniyiveno Kidron khila lono pitivetsu.

KUKAMI ATUGHIU 2:37

Tsala nono Kidron hechesu khila khilaumu wuve aye tipa tsalanino noye thive nani eno akipimiye olikhi nono chunani.”

YEKIKITHI AKINIU 29:16

Achinemiqo shikimtheni ke Achineki alou ilove eno panongu no achinepu lo mithemo kepu jeli kumtsu achineki khalalo pesu ipeghive. Tilauno Levimino tipaqo pesu aphughi lono ashou Kidron Khila lo pewuve.

JEREMIYA 31:40

Akhila kumtsu khilehi kithimi qho cheni eno tubatuzu pele cheni eno Kidron ghokiti ahuu kudau aluqa akeqo kumtsu kipelau Khurshi Khagho kutolo ilau akimthe shipe qhi nani. Aphughi huye itaghi khilemu hepho piniyivemo momu kutsalevemo nanike”

MATTHEW 3:1

Tipa ghulokilo Johan Baptist no Judia lo timi kughunamokeu qhalo ighi eno asheshu ae.

MATTHEW 3:3

Isaya tungkupuno puzuuno ishi pipuakeu huye Johan vehu pipuanike: “Khukelano timi kughunamo keu-a lono ishi asheshu anie, ‘Ampeu laghi kutope qhilo, pano wuniye akeu laghi mzuchoyi shitsulo.’ ”

Luke 1:80

Anuye aphimpi eno aghungulo mutotoi thuwuve, paye Israilmi gizulo pephepiye moke tsala kutolo yenguyelei keu-alo xuache.

John 18:1

Jisu no atsa hipaqo pivekethiu paye pa khopemi sasu cheve eno Kidron ghokiti kathasu wuve. Tilehi aghutu lakhi ake Jisu no pa khopemi sasu tilau ilo.

Rommi 12:15

Alovi aghikemi gholo alovilo, qa-mlo aghikemi gholo qa-mlolo.