SAMUEL AKINIU 15:10 - BAIBEL (BSI)

¹⁰ Ikemu paye Israil lo ashiayeh kumtsu lau asutsa kiyeve ghi pi, “Nonguno kughou afuko ghugha eno ashekushu sutsa chiluni keno Absalom no Hebron lo akukau shiluvae ipi asheshulo!”

Sumi Naga CL (Re-edited) Bible (BSI)

¹⁰ Ikemu Absalom no Israel lo ashiaye kümtsü lau tuqhou tsapemi puwu no pi, “Nongu no afuko ghügha chilu kemtsa pilo, ‘Absalom no Hebron lo akükaue!’”

SAMUEL AKINIU 15:10 ပူးပေါင်းရင်းမြစ်များ

SAMUEL AKINIU 13:28

eno pano pa qemi vilo hitoi mijepua: “Amnon no ighono shomzu akeu jukuto pualo eno ino kughono ahza tsuni keno tileno pa ghiqhivelo. Khilemu msakevilo. Amlo kuloghi shilo kumu avehu izu akevilo!”

SAMUEL AKINIU 14:30

Tighenguno Absalom no pa qemi vilo pi, “Julo, Joab luye ilu phivilo ani ike tile asho thi ipeghi akhani. Wuno tipaulo ami su pitive tsulo.” Kuchono panonguno wuno alu tipau pitivetsu.

SAMUEL AKINIU 15:9

Akukauno pi, “Akivishi wulo.” Ikehu Absalom ye Hebron lo wuve.

SAMUEL AKINIU 19:10

Ninguno Absalom pesu ningu kukau shiniaye kishelu, ikemu paye aghushiqa lono ghiqhi pithivae. Tighenguno khamino Akukau David sachile saghini keu pukaputsa kepue!”

SAMUEL AKINIU 2:1

Tipathiu, David no AMPEU iniju, “Niye Juda lo taunqo gholo lakhilo wuno tipau qhasuluve nike kishi nia?” AMPEU no khochile. “Alou.” “Khikhiu kya?” pi David no iniju. “Hebron qhasuluvelo” pi AMPEU no pi.

SAMUEL AKINIU 2:11

paye Hebron ngo Juda yeghiqha shou ampe tsuni no tuxa ayeh pelu.

SAMUEL AKINIU 5:5

Paye Hebron lo ngono Juda ghakhu shou ampe tsunino tuxa ayeh pelu eno Jerusalem lo ngono Israilmi kumtsu shou eno Juda ghakhu shou ampe shighi kuthu ayeh pelu.

KUKAMI ATUGHIU 1:11

Tileno Nathan no Solomon paza Bathsheba lau wuno li iniju, “Haggit nu Adonija no pa likhi pa pesu akukau shive akeu noye chimla aphi kesha? Akukau David ye hipau ghili kumu mtha aphie!

KUKAMI ATUGHIU 1:34

tileno Zadok achineu eno Nathan tungkupuu pama pelo teli pe nu tsuno Israilmi kumtsu shou akukau shipenikeu shipelo; afuko ighano ishi pilo, ‘Solomon akukau axupushulu pelo!’

KUKAMI AKINIU 9:13

Paikhavi lono Jehu kusapami kijemi qono panongu phikuzu xapesu apukhu nepalo qhatsuno Jehu pelono tipau shou puthughope eno afuko igha eno asheshu pi, “Jehu ye akukau shivae!”

YEKIKITHI ATUGHIU 11:3

Ike Israilmi sakiphemi kumtsu Hebron lo Akukau David lau wue. Pano panongu sasu akimthe shoqhi shie, panonguno teli pe pa nukisheluno paye Israilmi kukau shive, tiye Samuel vechewo AMPEU no tushoqhi puakehu toi ke.

YEKIKITHI ATUGHIU 12:23

Kughou David no Hebron lo akeno ghushimi qokiphe luvekemi kutomono pa gholo kuqhaluveno pa kuphu puzu Saul zuqhulo pa pelo akukau shilupe, tiye AMPEU no piqhi puakeu kiqi lono ke. Panongu kikihiqo: Juda: 6,800 aghunanu kupukulai pukemiqo, azuto eno angu kipeqo; Simon: 7,100 aghunanu kupukulai pukemi; Levi: timi 4,600; Jehoiada papemi Aron kughukomi lo 3,700; Zadok sholokumi, aghulo atomi alhothe sakiphemi timi muku kini; Benjamin (Saul laghami): timi 3,000 (Benjaminmi akichiu no Saul gihu eno pa gholo ache); Efraim: timi 20,800 pano bolo ajekipimi; Kulolau Manasse: 18,000 no David pelo akukau shipenike pa gholo auve; Isakhar: sakiphemi 200, panongu kukauno ahza kutsu lono kuqhano shie (Israilmi no kiu shimaye sakeno eno kiu dolono shimaye sakeno sakiphemi hipaqono ithiae); Zebulun: 50,000 pukhube kulupu eno aghushi nikeulo kutokughoi, aghunanu jeli kumtsu peithathi nikeu qokiphe lunikemi; Naftali: Sakiphemi 1,000 eno azuta angu kipemi 37,000; Dan: qokiphe luvekemi timi 28,600; Asher: Aghulo wunikeu kutokugho luvekemi 40,000; Jordan kipelau shiayeh - Ruben, Gad eno kipelau Manasse: timi 120,000 aghunanu jeli kumtsu peitha thikeu qokiphe luvekemi.

YEKIKITHI ATUGHIU 12:38

Ghushimi hipaqo kumtsu aghulo wunikeu kutokugho luvekemi, panonguno Hebron lo wuno David pelo Israilmi kumtsu kukau shipeni keu shi kughue. Israilmi kumtsuno akukumsu aphiphi lono kuqhape wuke.