SAMUEL AKINIU 14:19 - BAIBEL (BSI)

¹⁹ Pano livilo iniju, “Hiye Joab no okipe keu lono keshea?” Lino khochile, “Kiu akimthe keno tipau je lono ino tushoqhi ani, Akukau Akijeu, nono iniju akeu kiu lonomu potsughuve kulupu shighi okhochile mono amlavae. Iyei, owu kijemi Joab no ivilo hipaqo kumtsu kishi kepu eno kiu pimasakeno kishekulu mijetsue.

Sumi Naga CL (Re-edited) Bible (BSI)

¹⁹ Akükau no pi, “Hi kümtsü Joab no kughuphe kekumo?” Topumi huno khochile, “I mpeu akükau hi xü anike, khunomu I mpeu akükau no pivekeu lono piyiu momu ajeu tsüghü wuve mlae. O qeu Joab no azah I tsüe; atsa hi kümtsü pa no o qeliu kichi lo sütsüe.

SAMUEL AKINIU 14:19 ပူးပေါင်းရင်းမြစ်များ

SAMUEL AKINIU 11:11

Tileno Uriya no khochile, “Israilmi eno Judami kumtsu aghushiqalo ani eno Puloshoqhi Bohu ghi panongu gholo ani; iwu zahtsuu Joab ngo pa gholo kijemi kumtsu aluzaqalo aghazu shino ngo ani. Tishiaye niye kishino akilo wopuzu chu-sho eno inipu sasu zu alepikya? Akimthe jeli hupaqo kumtsu jeku ghi ino tushoqhi anike, niye khilemu tipaqo tishi mla amlae!”

SAMUEL AKINIU 14:18

Akukauno khochile, “Ino ovilo thime lakhi inijunike, noye amikucho lono ivilo pitsulo.” Lino khochile, “Kiu kiumu ivilo inijulo, akukau akijeu”

SAMUEL AKINIU 14:3

Tishi puzu akukau lau wuno pa vilo ino ovilo kiu pilepini keno tipau tho pesu pilo.” Tishino Joab no li pelono kiu pipeni keno kishekulu pivetsu.

SAMUEL AKINIU 18:13

Ikemu tsala ino akukau gholumono Absalom heqhive aye, akukauno tipau chilukelo—paye thwokha kumtsu chilu anikeke—tilehi noye ighenguno puthugho tsuni chemoe.”

SAMUEL AKINIU 3:27

Kughou Abner no Hebron lo ighilu keno Joab no khagho lono pa vilo kiwana tuqhou tsa pinike toi pa kupunu susu ighino tipa alono apo lono pa jiqhi pithive. Hitoi shi no Abner heqhi pithive kughengu pano Joab thikuzuu Asahel heqhi pithi puakehu.

SAMUEL AKINIU 3:29

Tighenguno hipau ngusu ye Joab eno pa kibolomi shou ikughi peniu! Tiqheli kumtsulo pa laghami gholo timi khami aphighu lo akusu ipeghi peniu momu apugha piyi pupeniu momu totimi kumlapu likhi mlalupeniu momu aghushiqa lono yivepeniu momu chukepu lukumkha shipemoniu!”

SAMUEL AKINIU 3:34

Pa-uye tshupe puamoe, Pa pukhu qoye tsughape puamoe; Paye lhoksakughami kithi toi shi khualano pa pithivae Eno timiqono itaghi pa ghenguno mloqa.”

KUKAMI AKINIU 2:2

wucheke lono Elija no Elisha vilo pi, “Hilehi ngo aghilo; kughengu AMPEU no ivilo Bethel lo wulepi ahza itsu ani.” Ikemu Elisha no khochile, “Ino xukuau AMPEU, khuu ino huthu cheni keno paje lono pi anike niye khilemu ophemoe.” Tileno pama kumtsa Bethel lo wunikeu shive.

IPEKULU 4:15

Noye pa putsalu nani eno kiu pikepukela pavilo pilo. Okujo pelo pipe nike ino okujo kuphu nani eno kiu shikepu keno ino okujo vilo pinanike.

AHOLE 25:2

Alhou no kiu kusupuani keno tipaqo ghenguno ninguno pa gihu cheni; ikemu tipaqo phujukeuno kukami jekipipue.

AHOLE 4:27

Alhoksa muxu velo eno azuu muzuchoi chechelo, Kupkah lakhimu ala kumolo wukevilo.

AKIKIHI 20:17

Kishimoa ningu pelo noghakhu vechesu katha wulupelo. Ningu na nitsu-aqu pinamu alaghi nguno kutaulo wumoke momu noluqa momu atsailulo wutsumo ke eno ninguye nongu zukikhe zumu yetsumo nanike. Ninguno noghakhu vechevemoke kutolo ninguye alaghila likhi pula nanike.”

Luke 21:15

kughengu noghumi lakhi nomu nonguno pikeulo puthugho mla momu lamla kepu tsa eno alokutsu ino nongu tsu nani.

ZAKINIU 28:14

Ikemu nonguno kiu kiu lo namu khilemu tipaqo hebide kevilo momu kutau lhouqo mlla eno qekevilo.”

ZAKINIU 5:32

“Israilmi, AMPEU nongu Lhou no ahza nongu tsuvekeu thwokha kumtsu shinikeu mutsuqhei shilulo. Pa yezah lakhimu ghobide kevilo.

JOSHUA 1:7

Qeti mtotoilo amlo kuloghilo eno iqeu Muse no ayezah tsukeqo kuchopu mtsuqhei shi aghokulushi pelo, tipau lono ajeu momu piyiu idewo kevilo tishi keuno nono khilau wu ni keno kuchopulo tokuluu shinani.

SAMUEL ATUGHIU 1:26

Hanna no pa vilo pi, “Akijeu, ikipimi qhitsulo. Noye ikumsulu aphima? Ino hilehi puthughono AMPEU lau inikhu ake lono nono ithulu keu totimi huke.

SAMUEL ATUGHIU 17:55

David no Goliat sasu aghu shiniye wuchekeu Saul no ithulu puzu pano pawu ghushimi shou akijeu shi akeu Abner vilo hishi iniju, “Abner, David ye khu nu kya?” Abner no khochile, “Akijeu, niye kumu mthae.”

SAMUEL ATUGHIU 20:3

Ikemu David no khochile, “Nono kiutoi iju alo chenikeno opuno akivishi ithi ani eno pano kiu kughu anikeno opelo ithi pemonikeu shi kughakutha shipuani, kughengu nono ithive aye noye ighono omlo ghuzave niae. Ino Alhou jelono ovilo tushoqhi pi anike niye akithi lono kupkado lakhimu kumovae!”

SAMUEL ATUGHIU 25:26

Oghumi lau amkhu lunikeu eno heqhinikeu lono oshokhalu keuye AMPEU noke. Ino xukuau AMPEU jelono tushoqhi anike oghumi eno oghime nishi akeqo kumtsu lau Nabal ghime ketoi shilo.