SAMUEL AKINIU 12:9 - BAIBEL (BSI)

⁹ Tishi aye kushiye noye izahkutsuqo gholumove kya? Noye kushiye akumla lhoksa hipau mlave kya? Nono amqushino aghushiqa lono Uriya pithivepe nikeu shive, ikehu Amunmi pelono pa heqhi pithivepe no nono pa nipu luvetsue!

Sumi Naga CL (Re-edited) Bible (BSI)

⁹ Kushiye no ye Ampeu zülo kiu küsakügha shiniye Pa tsa jukümghaleve kea? Nono azütakikihi pesü Hittimi Uriah ghiqhive no pa nipu pesü o nipu shiniye luve tsüae eno nono Ammonmi zütakikihi pesü pa pithivae.

SAMUEL AKINIU 12:9 ပူးပေါင်းရင်းမြစ်များ

SAMUEL AKINIU 11:4

David no aghinimiqo pelono li saghipenike hapuwu; ike panonguno pa lau li saghitsu eno pano li shipusave.(Tipa ghulokilo liye aqhilo shikimitheve chekeu do shiveno ngoae). Tishive kethiu liye akilo idewove.

SAMUEL AKINIU 12:10

Tighenguno hinguno tiqheli kumtsulo opolo kughuko khamiye akithi kijiksa shipeniae kughengu nono ihebideveno Uriya nipu suxaluveke.

SAMUEL AKINIU 16:7

Shimei no pa ghushoqhi ghi pi, “Chevelo! Chevelo! Ghikiqhiu! Akumla lhoksa kishiu!

KUKAMI ATUGHIU 15:5

AMPEU no hi shikeuye David no pa pulou shitsu khilemu pa zahkutsuqo hebidemoe Uriya Hatimi lau thono.

KUKAMI ATUGHIU 21:19

Pa vilo, ni AMPEU no ishi pi anipilo, ‘Timi ghiqhiveno noye pawu tinhemgha suxaluve anikesha?’ Pa vilo ino hi pi ani pilo: ‘Atsuqono Nabot ji mine ake alono panonguno oji ghi mine nani!’ ”

YEKIKITHI AKINIU 33:6

Pano panuqo pesu akipti kumllagho shi Hinom Khila lo agha shi heqhike. Pano saqhisali ngo kuduu pepimhe, auye kujumi pichekemi eno tumumi sasu kusholu che. Pano AMPEU shou ighono axine shike eno pa loghu shikighide ke.

LESHELE 51:14

Timi pithivekeu kipimi launo ixaphelulo, O Alhou nono ixakulupu Lhou, nono ixaphelukeu ino vekipighi asheshutsu nani.

LESHELE 51:16

Noye aghakishi lunishi chemo kethono niye tipau pe omllani cheke. Noye lhoxu piti pesu omllakeulo aloqilu chemoe.

LESHELE 51:4

Kutami kumono oshou likhi ino axine shivae eno ozulo alhoksa ipichekeu ino shivae. ike noye ishou kughatha nikeulo achipi shianike; ikughape akumou kepi pinikeu noye achipike.

LESHELE 90:8

Nono ni xine pesu ozulo qhipua cheni, niwu tuqho tughou xine hu nono ithukulupualo qhicheni.

AHOLE 14:2

Kuchou shilo eno tino noye AMPEU gholu anikepi piye anike; kuchou kumo shikeuno noye AMPEU gholu chemokeu piye anike.

ISAIAH 5:24

Tighenguno amilo aghiji teni pitive keshi eno ami mililo atsuni kithi piti hailove keshi nongu kuhu aghuye tsumunave nani eno nongu kupu puakeu ye amukhu shiveno fupewuve nani; kughengu nonguno Aqokitikhi MPEU, Israilmi Lhou akimtheuno nongu shikakeu miliveke.

JEREMIYA 18:10

ikemu ashiayeh tipauno ihebide alhoksa shiwuve aye, niye ino shiniepi pivekeu shimove nani.

AMUS 2:4

AMPEU no pi, “Juda lo kuamiye anguno anguno axine shi acheni eno tipau ghenguno niye mutsuqheyino panoqo ghimeqhi nani. Panonguno ino kutsupiyekeu jukunathake eno ino ahza tsukeu pechemoke. Panoqo puasuno qechekeu kichile lhouqo huno tipatho shi panoqo sabideveke.

SAMUEL ATUGHIU 15:19

Tishi aye noye kughiye hakholukeu nhemgha suxachuve kya, eno tishi keu lono AMPEU loshipusuve tsu kya?”

SAMUEL ATUGHIU 15:23

Pa ghobide keuye atumu sasu aphiphie, eno amlo kumka huye ajulho mllakeu xine sasu aphiphie. Kughengu nono AMPEU zahkutsu milive kehu pa ghi okuka kishi milivae.”

SAMUEL ATUGHIU 15:26

Samuel no khochileve, “Niye osasu idewomlae, kughengu nono AMPEU zahkutsu milive kehu pa ghi noye Israilmi shou akukau shi akeu lono omilivae.”