SAMUEL AKINIU 12:31 - BAIBEL (BSI)

³¹ Aphughilo aghikeqo sawo khamino asu kukuxumi shivepe, eno ayikuphu ngo amughu peno ita-tu mlapenikeu shivetsu. Hitoi shi Amunmi taun kutau lono ighikemi ghi tishi mlape. Tishive kethiu David eno pawu timiqoye Jerusalem lo idewove.

Sumi Naga CL (Re-edited) Bible (BSI)

³¹ Pa no tile timi akeqo saipeghive no panoqo pelo asüküküxümi, ayikhumu eno amüghü kipe kümla shipe, eno pititu kümla-a lo ime mlape. Hitoi pa no Ammonmi phughi kümtsü lo tishive. Tithiu David eno paw timi kümtsü Jerusalem lo idewove.

SAMUEL AKINIU 12:31 ပူးပေါင်းရင်းမြစ်များ

SAMUEL AKINIU 8:2

Tipathiu pano Muabmi ghi theqhi luve, pano akughumi ayeghilo ihozupe eno panongu kuthu thu dolo kini niye pithive tsu. Ikehu Muabmiye pawu timi shilukhave eno zahme pa tsuuve.

YEKIKITHI ATUGHIU 20:2

Amunmi lhou Milkom ye shuna kutsukuqho kilogram shighi bidi a. Tipau loye achiku ala lakhia, khikhi David no pewo pa kutsukuqholo suvekeno. Tinguno alau aphughi lono anhemgha kutomo suxapesu wove.

YEKIKITHI ATUGHIU 20:3

Pano aphughilo timiqo sawo khamino asu kuxu pe, khami akuphu iqipe, khami amughu iqi ishi pe. Pano Amunmi taun kutaulo akeqoghi sawo akumla hipaqo shipeke. Tishiveno paye pawu timiqo sasu Jerusalem lo ide wove.

JEREMIYA 43:9

“Atuqu hami suwo hilau aphughilo yehpeka kikuloghi hukikha zulo atumuno pesu qhapuakeulo qhope qhilo eno Israilmi khami pelo nono tipau shiakeu ithulu pelo.

AMUS 1:13

AMPEU no pi, “Amun lo kuamiye anguno anguno axine shi acheni eno tipau ghenguno niye mutsuqheino panoqo ghimeqhi nani. Panonguno alughi alau ikowoniaye aghu shikeulo panonguye Gilead lo totimi mishipu aghikemi po ghilevetsuke.

AMUS 1:14

Tighenguno Rabba phughi kuptu shou ino ami suvetsu nani eno tipau liwo qogheqo pitilevetsu nani. Tile aghushi ake tsalalo yeyeshi igha nani eno aghukishiye pasapagha toi muqhumzayi nani.

AMUS 1:3

AMPEU no pi, “Damaska lo kuamiye anguno anguno axine shi acheni eno tipau ghenguno niye mutsuqheyino panoqo ghimeqhi nani. Panonguno ayikusu pesu Gilead lo kuamiqo peithake.

IBRIMI 11:37

Atu pesu panongu veqhike, panongu xaphokini shiveke, panongu ghiqhi pithike; panonguye bheriyiko aneyiko pepusu iqhoiqike, aquaghake, shikighime qhike eno peitha pusake,

JOSHUA 10:15

Tithiu Joshua ngo paw ghushimino Gilgal ghazulo idewove.