SAMUEL AKINIU 12:13 - BAIBEL (BSI)

¹³ David no pi, “Ino AMPEU zulo axine mlavae,” Nathan no khochile pi, “AMPEU no oxine pevetsu ani; noye thimo nani.

Sumi Naga CL (Re-edited) Bible (BSI)

¹³ David no Nathan vilo pi, “Ampeu zülo I no axine shivae.” Nathan no pa vilo pi, “Ampeu no o xine peve tsüae; no ye thimo nani.

SAMUEL AKINIU 12:13 ပူးပေါင်းရင်းမြစ်များ

BOTHUBO 39:9

Aki hipaulo inguno akijeu khumu kuhae eno paye kiu thime mu ilauno kusupe puamoe, olikhi kumoaye, kughengu nono pa nipu kehu. Imaye niye kishi puzu lhoksakugha hikithipu shi puzu Alhou zulo axine shini kya?”

SAMUEL AKINIU 24:10

Ikemu David ye timi lhoxu kihi tavekethiu, pa lolo alokughuno kuhave, tileno pano AMPEU vilo pi, “Ino hishi mlavekeu huno axine lhoksa kije mla kuquvae! Ikimiyeno ikipimi qhivetsulo. Niye aghuzu anikha kumla mlavae.”

SAMUEL AKINIU 24:17

David no kungumi khuno timiqo heqhi pithi akeno tipau ithulu puzu AMPEU vilo pi, “Kuquvekeu inoke, mla itha pimivekeu huye nike. Ikemu timi hipaqoye kiu shivetsu kya? Noye ni eno isholokumiqou ghime masake.”

KUKAMI ATUGHIU 13:4

Kughou akukau Jeroboam no hi chilukeno, pawu chhopuwo, “Timi tipau kughaluvelo!” ipi ahza tsu. Ikemu akukau ye pawu chhopuwo keu hu pisheche mlano ngove.

KUKAMI ATUGHIU 21:20

Kughou Ahab no Elija ithulukeno pano ishipi, “Ighumi, noye iphuluvea nala!” “Iyei, ino okughaluvae,” ipi Elija no khochileve. “AMPEU zulo kiuno achipi kumokeno noye tipaulo ighono amlo tsushe auvae.

KUKAMI ATUGHIU 22:8

Ahab no khochile, “Milakhi aphie, tiye Imla nu Mikaiya aphie. Ikemu niye paju ilochemoe, kughengu paye khilemu ighenguno akivi tungkuptsa pitsu moe; ikemu alhokuthu alhoksa likhi picheni.” “Noye khilemu tishi pikepu kumoe!” pi Jehosafat no pa khochile.

KUKAMI AKINIU 1:9

Tileno pano kijemi lakhi gholo timi lhopungu kuto tsuno Elija saghi lopi pipuwuve. Kuchono akijeu huno Elija ye ato lakhilo iqa aghikeu phuluno ishi pa vilo pi, “Alhou wu timio, akukauno ovilo hilau iqighilopi ahza otsu ani.”

YEKIKITHI ATUGHIU 21:8

David no Alhou vilo pi, “Ino hi shikeu lono kumsapu xine shivae! Kimiyeno ikipimi shitsu kevilo. Ino aghuzu anikha kumla shivae.”

YEKIKITHI AKINIU 16:10

Hipatsa no Asa pelo tungkupu shou amlo idevepe ike pa kughape ayikighi no tshupe qhivepe. Hipa ghuloki lono huthu puzu Asa no timi khami kijipusa thuve.

YEKIKITHI AKINIU 25:16

Amazia no ishi ghechile, “Kughono ningu ye opelo akukau kukutsuu shiveape kya? Atsa pikevelo, ti kumoaye ino opithive nani ke!” Tungkupuu no atsa pimove ikemu tipau zuuno hipatsa pitsu, “Ino itehiye ithive ake Alhou ye okutsaveni keu shi xathavae kughengu nono hipaqo kumtsu shiveke eno ino kutsu keu tsa kukuthave tsuke.”

JOB 33:27

Pano aqo gholo ishi pi nani; “Niye axine shiveke, eno akumzu pesu akughuho shivetsu ake, tiye ila heshekepu shimlae.

LESHELE 103:12

Kipelauno kulolau sasu putosupe ake toi pano ni xine nilauno titohi ikhipe wuvetsue.

LESHELE 51:16

Noye aghakishi lunishi chemo kethono niye tipau pe omllani cheke. Noye lhoxu piti pesu omllakeulo aloqilu chemoe.

LESHELE 51:4

Kutami kumono oshou likhi ino axine shivae eno ozulo alhoksa ipichekeu ino shivae. ike noye ishou kughatha nikeulo achipi shianike; ikughape akumou kepi pinikeu noye achipike.

LESHELE 51:6

Noye akikhi eno kuchou avehupushi anike, tighenguno olokutsu pesu imlo tuqhou shika piye tsulo.

IPEKULU 9:27

Akukau no Muse ngo Aron kupuwu eno pi, “Ishiu loye ino axine shivae; AMPEU no achipiuke eno iwu timiqo ngo ino achipikumoke.

AHOLE 25:12

Pujushijuve kemino ghutu keu tsa pesu ininishikemi tsukeuye shunano shikeu amekusho anguthi momu shuna aghileu pesu achila mla puakeu nguno akiviuke.

AHOLE 28:13

Nono oxine pekusu cheaye noye akuxulo khilemu tokulupu shimo nani. Tipaqo piphevelo eno phevelo tishiaye Alhou no oshou kimiye qhiyikeu anani.

ISAIAH 38:17

Ikukhu kimji ye alokiqipu shive nani. Akuighupu kumtsu launo nono ikuxu xaluke; Nono ixine kumtsu pevetsuke.

ISAIAH 43:24

Nonguye ighenguno piti kumna kepu qhukeu shimphie momu nowu lhoxu tha pesu ighapiqi puamoe. Tipa zuqhulo nongu xine pesu iqa qhike; nonguno akumou shikeuno ingaqhi puanike.

ISAIAH 44:22

Khungkusu toi ino oxine jolevetsu nani. Ilau ideghilo; oxaluchekeu huye nike.”

AKUMLO 3:32

Pano nishou amlokusapu sughiluvi ikemu pano nikimiye chekeuye mutsuqheino mutotoi ani.

ACHINE 20:10

Timi lakhino akusami Israilmi lakhi nipu sazuvetsu aye, pa ghi eno atotiu ghi kinikujo pithivelo.

ACHINE 24:17

“Timi khuuno kutami ghiqhi heqhiveni keno pa pithivelo,

ZEKHARIA 3:4

Kungumino kungughalomi jukutotsu chekemi vilo pi, “Timi hipauno niqhunilai keu phimini uakeu ikhipewuvelo.” Tishieno pano Joshua vilo pi, “Ino oxine ikhi pewuvetsuake eno aphimini kithe pepupe nike otsu nani.”

MATTHEW 14:10

Ikehu pano akughukilo timi hapuwu puzu Johan kutsu luvepe.

Luke 15:21

Anuno pi: ‘Apuo, niye Alhou zulo eno ogizulo axine shivae, hinguno hilaye niye onu ipi ku kuzu kumoae.’

Luke 18:13

Ikemu zahme kuqhauye putou puthugho puzu pa gi ghi atsutsu kudau mu peqhemo, ikemu amlo ghimeshi pa mla khukhu ghi pi. ‘O Alhou, ikimiye tsulo niye axinemi lakhi!’ ”

Apostolmi 2:37

Kughou timiqono ti chilu keno panongu mlo itapiniyive puzu Pitor ngo apostolmi kutamiqo vilo pi, “Athikuzumiqo, ninguye kiu shikepu kya?”

IBRIMI 9:26

tishike aye ayeghi lhophe kemtsa lono paye ghuthu kutomo aghime shive nicheke. Ikemu tilehiye tiqheli kumtsu kishekhaveni chekelau pano pulhapuju ghenguno ghuthu khavino ipeghivae, tiye pa likhi pa pesu aghashi thikeu vechewo axine pevetsu niyeke.

1 John 1:7

Ikemu pano akuvulo ake toi ninguno akuvulo checheni aye, ninguye lakhino lakhi sasu kuposhulu ani eno PaNu Jisu jino axine kumtsu launo ningu shikimthe tsu ani.

Piyeküsü 1:5

eno Jisu Khristo no amikuchoshi ashepe shichekeu, kithimi gholono xuputhu tughiu, ayeghilo kukami shou ayehkipeu launo kupukini eno aloinokeu nongu wu shilupeniu. Khuno ningu kimiye eno pa jih vechewo axine lono ningu xaphelu,

SAMUEL ATUGHIU 15:20

Saul no ghechile pi, “Niye AMPEU gholuvae, pano ivilo piketoi wue eno akukau Agag sachile saghi eno Amalekmi kumtsu pithivetsuae.

SAMUEL ATUGHIU 15:30

Saul no pi, “Niye axine shivae, ikemu iwu timi sakiphemi eno Israilmi kumtsu zulo sukumsa ipiye tsulo. Ipuzu isasu idewono ipelo AMPEU oLhou mllalu pelo.”