SAMUEL AKINIU 10:6 - BAIBEL (BSI)

⁶ Amunmiye David pe panongu ghumi kughulhovea pi kumsu chilelu, ikehu panonguye Bethrehob eno Zoba lono Siriyami ghushimi 20,000 piqe sughi, Tob lono timi 12,000 eno akukau Maaka kudauno 1,000 ishi piqe sughi.

Sumi Naga CL (Re-edited) Bible (BSI)

⁶ Kughou Ammonmi no panongu ye David zülo kumthu kümna shivae pi ithi keno, panongu no Beth-rehob eno Zobah lo Syriami ghüshimi qhethonhe muku, akükau Maacah timi 1,000 eno Tobmi kiptimi qhethonhe chighikini piqeve.

SAMUEL AKINIU 10:6 ပူးပေါင်းရင်းမြစ်များ

BOTHUBO 34:30

Jakob no Simon ngo Levi pama vilo pi, “Nokujono ishou akupuna sughivetsuae. Kananmi ngo Perizimi hipa yeghilo kuami gholo ije kusapu nokujono shivetsuae. Igholo timi kutomo kuhake, panonguno hekutsu kumqo puzu ishou ighi aye ighiqhiveniae, nibolomi kumtsu pughavetsunia.”

SAMUEL AKINIU 10:5

Ikehu panonguye akilo idewonikeu ighono kujove. Kughou panongu lau kiu shivekeno David no chilu kemtsa panongu vilo akichimhi ipeghi khamphi loye Jerikho lo ngo aghilepi asutsa tsupuwuve.

SAMUEL AKINIU 10:7

David no tipau sutsa chiluno tipaqo lepenike ghenguno Joab gholono ghushimi kumtsu hapuwu.

SAMUEL AKINIU 16:21

Ahitofel no khochile, “wulo eno opu nipu amishiuqo khunoqo pano akukaki khe aghipeniye qhipuani keno tipaqo sazuvetsulo. Tishive kethiu ye Israil lo kumtsuno opuye okugha pesu pa ghumi kuchou shivae pi ithi nani eno opapemiqoye alau amlo muto kithelu nani.”

SAMUEL AKINIU 8:12

ashiayehqo ye hipaqoke: Edom, Muab, Ammun, Filistiya, Amalek eno pano Hadadezer launo hakholukeu thimeqo ghi ke.

SAMUEL AKINIU 8:3

Tipashelo itaghi pano Siriya ghakhulo Zoba ipikeu leluve. Rehob nu Hadadezer no Eufrati ghoki ahuu qhasu pe achekeu xaqhe kitheniye wuche.

SAMUEL AKINIU 8:5

Tileno Damaska lo akemi Siriyamino akukau Hadadezer kuphuniye ghushimi amqo lakhi hapuwu. David no tipaqo leno timi 22,000 kutolo pithivetsu.

KUKAMI ATUGHIU 11:24

paye athiuye hekibidemiqo shou saphetou shiluve. (Hiye David no Hadadezer eno pa gholo su akemi Siriyami theqhi luve kethiunoke.) Rezon ngo pawu timiqoye Damaska lo wuno tile ache eno pawu timino pa pesu Siriya kukau shitsu.

KUKAMI AKINIU 7:6

Kughengu AMPEU no Siriyami pelo ghushimi kutomono khurshi ngo khurkulu sasu chekeu ghugha toi chiluvepe eno Siriyamino kumsuvekeuno Israil kukauno Hatimi ngo Ijipmi kukamiqo eno panongu wu ghushimi sasu ighino leniye chea kughashi kumsuluve.

LESHELE 48:4

Kukamiqono kuhokumqono Zion toghi leniye ighi.

IPEKULU 5:21

Timiqono Muse ngo Aron pama vilo pi, “Nonguno kiu shivetsu keno AMPEU no ithuluveake eno akukau ngo pawu kijemiqo pelo nijumithi pekeu ghenguno nongu ghimeqhi nanike. Ni heqhive peniaye nonguno panoqo pelo jekukivi shivepeke.”

AHOLE 25:8

Nono kiuala ithuluke ghenguno paikhavino kughakutha alo wu kevilo. Thopimi kutami lakhino athiuno ighipuzu nono piakeuye achipi kumoke ipiaye noye kishive niye kya?

JEREMIYA 40:8

Ikehu Nathaniya nu Ishmael, Kareya nu Johanan, Tanhumet nu Seraiya eno Netofa lo Efayi nuliqo eno Maaka lo Jezaniya ishino panoqo wu timi sasu Mizpa lo Gedaliya lau wu.

JEREMIYA 46:21

Lino piqe sughikemi ghushimi thotsu ghi amshiti toi kiumu shimlave. Panonguye puthughope kumjomoveke; panoqo kumtsu tsughuchile puzu pove. Panoqo puhave nikeu tsala ighive, panoqo kutsaleve nikeu do ighive.

ZAKINIU 3:14

Manase laghamino Jair no Argob tokujoqha luveke, Bashan ye Geshur ngo Maka lughi kutolo ke. Pano aphu tipauqo pesu paje kuvetsuke eno itehi kutolo Jair phuqo ipi ithi achenike.)

XAKUTHAMI 11:3

Ikehu Jeftha ye pa thikuzumi launo poveno Tob yeghilo acheuve. Tilehi acheke lono paye timi ame kuhamithekeqo sasu kukusuluno panonguno pa suhomxa pesu checheuve.

XAKUTHAMI 11:5

Tishike lono Gilead lo sakiphemino Tob yeghi lono Jeftha sachile saghi nikeu shino wuve.

SAMUEL ATUGHIU 13:4

Israilmi kumtsu vilo Saul no Filistiya ghushimi shou ahzakutsuu heqhive keu eno Filistiyami no panongu ju kuchhube chekeu pikulhapua. Tighenguno ku akeu sutsa timiqo no chiluno Gilgal lono Saul gholo hekutsupe ngolu.

SAMUEL ATUGHIU 27:12

Akis ye David pukhubeche eno ishi kumsuche, “Pawu timi Israilmino pa jukuchhube acheni; tighenguno paye alhokuthu iqu axemi shi cheniala,” ipi.