RUTH 4:14 - BAIBEL (BSI)

¹⁴ Totimiqo no Naomi vilo pi, “AMPEU shelo! Ishi tsala lono oheju kulupu pano qhitsu anie. Anu pelo Israil lo aje kughushu shilu peni!

Sumi Naga CL (Re-edited) Bible (BSI)

¹⁴ Ikehu totimiqo no Naomi vilo pi, “AMPEU je sheqhelo, ishi tsala lo Pa ye o qhivemo no o xachileni kemi aghipe ke, pa je ye Israel lo akighiche shipelo!

RUTH 4:14 ပူးပေါင်းရင်းမြစ်များ

BOTHUBO 12:2

Ino otikughuko pesu shiyeh kije shitsunie. Ino okumghatsu puzu oje pipi tsunie, tishianguno noye kutami kumgha kutsuu shipeni.

BOTHUBO 24:27

Pano pi, “Impeu Abraham Lhou AMPEU sheqhelo. Pano pawu kupukini piqhipuakeu eno kuchou suwuve mphie. Ino alalo chekelo AMPEU no ikichepiye sasu impeu no sholokumi kilo sue.”

BOTHUBO 29:35

Lino itaghi mishiluve eno anu lakhi punue. Lino pi, “Itehi ye ino AMPEU sheqheni.” Tighenguno lino pa je Juda kutsue. Tishieno liye atianuli punumove.

Luke 1:58

Li kisughumi eno asholokumino Ampeu no akumzapu kivi li lau piyekeu chiluno panongu kumtsuno li gholo alovi kuqhae.

Rommi 12:15

Alovi aghikemi gholo alovilo, qa-mlo aghikemi gholo qa-mlolo.

1 Kor. 12:26

Aphiau gholo lakhino ime aye, kumtsuno tipau gholo imekuqha cheni; aphiau gholo lakhino sheqhekepu shiaye kutau kumtsuno tipau gholo alovikuqha cheni.

1 Thes. 5:18

kiukiu sholu aghinamu shikimthi alo, kughengu nonguno Jisu Khristo lono xuchekeulo Alhou pulouye nongu ghenguno hipauke.

2 Thes. 1:3

Athikuzumiqo, ninguye nongu ghenguno pulhapuju Alhou shikimthi aniputsake! Ninguno titoi shikeuye achipike, kughengu nongu kupuluye ihulokeu shi thuwulu ani eno nongu lakhino lakhi kimiyekile keulo thuwu anike.