RUTH 2:19 - BAIBEL (BSI)

¹⁹ Tile Naomi no li vilo iniju, “Noye ishi khile athilu akya? Eno khuno lulo mla akya? Timi khuno oheju keno AMPEU pelo pa kumgha tsupeni!” Rut no lini vilo pikeuno “Ishi niye Boaz ipikeu no lulo mla ake” ipive.

Sumi Naga CL (Re-edited) Bible (BSI)

¹⁹ Li pani no pi, “No ye khilau athi luwu kea? Eno no ye khile mla akea? Timi khuu no o ju michilu keno mügha peniu.” Ikehu li no ani vilo li no khunoqo gholo mla akeno pi, “I no ishi khuu lulo mla keno pa je ye Boaz ke.”

RUTH 2:19 ပူးပေါင်းရင်းမြစ်များ

KUKAMI ATUGHIU 7:21

Huram no alazayi tsukucho hi kuma pesu akumllaki ilocheke lalo lakhino ajeu qhi eno tipau je pesu Jakin kutsu eno piyiu lakhi qhi no tipau pesu Boaz kutsuke.

LESHELE 41:1

Khunono kumlhomi jukuto kugho cheni keno tipano lokivipue; kughou pano shilusani keno AMPEU no pa xaphelu nani.

LESHELE 41:2

AMPEU no susholu nani eno pa kuxu puxupe qhicheni; pano akeu yeghilo alokivipu timi ipi kuniae; AMPEU no pa ghumi gho apuloulo pa phesuvemo nani.

LESHELE 44:1

Nilikhi nikinino chiluvae, O Alhou, eno nipu asuqono nivilo pivae, Panongu ghulokilo nono akumzapu kumla shikeu hu:

RUTH 2:10

Tile Rut no itsaiqi puzu Boaz vilo pi. “Niye inalimi keghi kiu lono olopu shilu puzuno ishi ikimiye anikya?”