Rommi 9:4 - BAIBEL (BSI)

⁴ Panonguye Alhou no kisheluvekemi Israilmi ke. Pano panoqo pelo pa nuliqo shilupe, panoqo pelo pa jukuvu kusajepe, panoqo sasu pawu puloshoqhi shi eno Ayezah panoqo tsue. Panongu gholo kuchou shi Alhou mllakeu ani, panonguno Alhou no piqhikeu ithulu.

Sümi Tiqhelimi Bible

⁴ Israelmiqo ye Alhou no saputhu pesü anukishimi shilu pe ke; panongu pelo pa kimthe juküvü küsaje pe ke, pa no panongu sasü puloshoqhiqo shi eno ayeza pesü tsüke. Pa no panoqo pelo kuchou shi pa chineki lo mülá lupe eno panoqo sasü pikiqhi shike.

Sumi Naga CL (Re-edited) Bible (BSI)

⁴ Panongu ye Israelmi, eno hi kümtsü panoqo saje shitsüe: Alhou nuli shi saluve keu; ajuküvüpu; puloshoqhi; Ayezah; akümlla; eno pikiqhitsa.

Rommi 9:4 ပူးပေါင်းရင်းမြစ်များ

BOTHUBO 15:18

Tipani no AMPEU no Abram sasu puloshoqhi lakhi shi ghi pi, “Ino hipau yeghi olagha tsunikeu shi anie, ti Ijipmi ghoki lono aghoki akijeu Eufrati kuto

BOTHUBO 17:10

No eno oti anuli qono ni eno nongu dolo iwu puloshoqhi hipau pulokuqha pelulo: nongu phighu yiko ghalo eno tino ni eno nongu dolo puloshoqhi michipu lakhi shiveniae.

BOTHUBO 17:2

nikujo dolo iwu puloshoqhi ino tsunike eno kumzapu shi oti kughuko tsunie.”

BOTHUBO 17:7

I-u puloshoqhi lakhi nikujo dolo eno opolo kughuko chekemi tiqhelino tiqheli kutolo shini tiye ipelo olhou shipeni eno panoqo Lhou shipeni keu puloshoqhi ke.

BOTHUBO 32:28

Timi huno pi, “Hinguno hilauye oje Jakob ipi moni, ikemu Israil ipini. Kughengu nono Alhou sasu eno timi sasu kukhakulue eno okhaqhilu pemoe.”

KUKAMI ATUGHIU 8:11

ike achinemiye khungkusuno zumoi nhaluve kehu chini mlave; kughengu AMPEU jukuvuno AMPEU kumllaki nhapholuve ke.

NEHEMIA 13:29

O Alhou, timi tipaqoye kiu toi achine kumla shikeu eno nono achinemi ngo Levimi sasu puloshoqhi shikeu shikuchhubeve tsu keno nono jupuku tsulo.

LESHELE 147:19

Pano pawu timi lau pa sutsa tsu, pa kukutsu eno ayezahqo Israil lau tsuke.

LESHELE 63:2

Ikehu nono ngochekeu alo olau jupuku; okuka eno okimthe jekipi lo jupukuluke.

LESHELE 73:1

Alhou ye kuchou no Israilmi lau akivipu shike, amlo kimthe puakemiqo lau akivipu shike.

LESHELE 78:61

Pano Puloshoqhi Bohu pa kimthe jukuvu eno pa kuka hu, nighumi ulo phesuvetsu.

LESHELE 89:3

Nono pivae, “Niye timi ino kishelu keu sasu puloshoqhi lakhi shivae; Ino iqeu David vilo tushoqhikeuno,

LESHELE 89:34

Niye pa sasu iwu puloshoqhi shikeu hephomo nani momu ikichi lono piqhivekeu tsa kilivemo nani.

LESHELE 90:16

Ningu, oqemi pelo nono akughushu kumla shikeu ithulupelo; nitianuli pelo owu akughushu jekipi ithulupelo.

IPEKULU 12:25

Kughou nonguno AMPEU no nongu tsunikeu shi tushoqhi puakeu yeghilo iloluni keno nonguye hipau chine khuayeh shiche masake.

IPEKULU 34:27

AMPEU no Muse vilo , “Atsa hipaqo yepesu qhilo,kughengu atsa hipaqo pesu aboqha shipuzu ino Israilmi ngo osasu puloshoqhi shi anike.”

IPEKULU 4:22

Tileno noye pa vilo pilo, ike ni, AMPEU no pi anike, ‘Israil ye inu anoghiuke.

IPEKULU 40:34

Tipathiu khungkusuno Aphiki kuzupholuveno AMPEU no achekeu kuvu saghu saghui keuno tipau chhitoive.

ISAIAH 41:8

‘Ikemu no, Israil iqeu, noye ino kisheluvekemi timiqoke, ishou Abraham laghamike.

ISAIAH 46:3

‘Jakob laghamiqo, itsa inilo, nongu iwu timiqo gholono ghupe puaghikeqo. Nongu punuqhike lono ino nongu tuchohiju cheke.

ISAIAH 5:2

Pano ayeghi hole eno tipaulo atu kicheve; pano atsayibo akiviu pesu shosu. Tipau mtalo jukutokhe kepu aqo lakhi shipesu qhi, eno atsaithi shephonikeu aqoh lakhu chu. Atsaithi ni-ipeghinikeu pano khe juache, ikemu atsaithi kumtsu qhimboi keu shiaghive.

ISAIAH 60:19

“Puchou khilemu tsukinheno nongu kuvu shimo nani. Momu putholo aqhiye nongu kuvu shimo nani. Ni AMPEU no alhokupujulo nongu kuvu shi nani; Ikimthe jekipi kuvuno nongu shou yepuvu nani.

JEREMIYA 31:20

“Israil noye inu ino qhuchekeuke, ino kumtsu nguno kimiyekeu nuke. Kughokughomu ino oje ku kelo, kimiyeqhiyi okumsuluke. Imloye okudau acheni; niye okupuqhiyi nani.

JEREMIYA 31:33

Puloshoqhi akitheu ino Israil lo timiqo sasu shinikeu huye hike: Ino iyezah pesu panoqo lolo suvetsu nani eno panoqo mlolo yepuku nani. Ino panongu Lhou shive nani eno panonguye iwu timi shive nani.

JEREMIYA 31:9

Iwu timiqoye qasusu ideighi nani, ino panoqo sachile wochekelo inikhu ghi ighi nani. Aghokiti kudau ino panoqo kichepiye nani, panoqo pelo kupuxalumo kepu alaghi kumdulo sawu nani. Niye Israil lau apuh lakhi toike, eno Efraim ye inu akichiuke.”

EZEKEL 1:28

Ikehu milisu vehope akeu julho kumtsu tile ake. Phuphuyikeu kuvu huno AMPEU tile akeu jumichi shi ake. Ino tipau ithulukeulo niye agi pishiqho pesu ayeghilo ikiqive. Tileno milakhino iputsakeu sutsa lakhi hitoi chilu,

HOSIYA 11:1

AMPEU no pi, “Kughou Israil no itimi lakhi shiakeno ino pa kimiyeche, Ijip lono ino inu kulue.

AKIKIHI 7:89

Kughou Muse no AMPEU sasu kuptsaniye Aphiki lo ilokeno AMPEU no Puloshoqhi Bohu kunha shou kerubim kini akeu dolo ngono pa putsa keu Muse no chilu.

MATTHEW 21:33

“Kimighipiyekeu kutau lakhi inijulo, Aki-alu pighimi lakhino atsayilu lakhi chipeqhi eno tipau vehomxa aghutu shi, aji tsughuphekeu tughuko lakhi chhupe qhi, eno tipau khekepu khache lakhi mlape qhi; ishi puzu mishi-chichekemi pichiveno aghakhu kutau izuwuve.

John 1:17

Alhou no Muse vechewo Ayezah tsuke, ikemu kimiye kini eno amikuchouye Jisu Khristo vechewo ighi.

John 1:47

Nathana-el no pa lau cheghikeu Jisu no ithulu puzu, pano Nathana- el ghili ishipi, “Israilmi kuchou lakhi hichenike julo. Pa lolo pishikiqhi kuhae.”

Apostolmi 2:39

Kughengu Alhou shoqhiye nongu ngo nongu tianuli eno khunoqomi putou anikeno khukhumu Ampeu ningu Lhou no kulukemi ghenguno ke.”

Rommi 3:2

Ala thwokha lono heshekulu ani. Atughiu no, Alhou no pa sutsa pesu Judamiqo lau pichetsue.

Rommi 8:15

Kughengu Alhou no Aghungu nongu tsukeu huye nongu pelo aquaxemi lakhi shivepe eno nongu pelo msakitheve peniyeke kumoe, ikemu Aghungu no nongu pesu Alhou no saputhuluve keu nuliqo shitsu, eno Aghungu kuka lono ninguno “Apuo! Ipuo!” ipi igha cheni.

Rommi 9:6

Alhou no Israilmi lau piqhikeu adou shive akepi pianike kumoe. Kughengu Israil polo kughukomi kumtsu Alhou no kisheluvekemi ke kumoe.

2 Kor. 11:22

Panonguye Ibrimi kesha? Nighi kethono. Panonguye Israilmi kesha? Nighi kethono; panonguye Abraham polo kughukomi kesha? Nighi kethono.

Galatiami 3:16

Ikelo, Alhou no Abraham lau eno pa polo kughuko lau ashoqhi shike. Tipaulo, “pa polo kughukomiqo” ipi puamoe, tishikeaye timi kutomo lau shinicheke, ikemu tipaulo. “apolo kughuko” ipi puani, tipau kiqiye timi lakhi pi anike, tiye Khristo ke.

Ephesiami 2:12

Tipa ghulokilo nonguye Khristo launo kututashipe acheke. Nonguye inami shi ache, Alhou no kishelukeu Israilmi laumi kumoke, eno Alhou no pawu timi lau piqhikeu puloshoqhi shikeu launo tusumi shiache, eno hipa yeghiqhalo lajupu kuha eno Alhou kuhano acheke.

ZAKINIU 14:1

“Nonguye AMPEU Alhou wu timiqoke. Tighenguno thivekemi ghenguno nonguno mloqa kevilo, kutamino shicheke toi noshi ghale momu nokutsulo asa agizuu akeu miyele kevilo.

ZAKINIU 29:1

Muab yeghilo akelo AMPEU no Muse vilo ahza tsupuzu Israilmi sasu puloshoqhi tsa kiqi hipaqo shipenikeu shie; hipaqo kumtsu AMPEU no panoqo sasu Sinai Toghi lono puloshoqhi shikeu gholo kuphatsu keu ke.

ZAKINIU 29:14

AMPEU no puloshoqhi hipau shi akeu eno tipau gholo amakho akeqo huye nongu lau likhi sasu shiani ke kumoe.

ZAKINIU 31:16

AMPEU no Muse vilo pi, “Noye itheno thiniae eno nono thive kethiu timiqoye ilau amikucho shimove nani eno ino panoqo sasu puloshoqhi shikeu kuboleve nanike. Panonguye iqhiveno panonguno iloniye akeu yeghilo achine kutau lhouqo mllauve nanike.

ZAKINIU 4:13

Pano nongu vilo kiu shilopi keno pivae, nongu sasu puloshoqhi shivekeu pechelo pike, nonguye Ahza Chighi khikhi pano atupha kini shou yepukuve tsukeno tipau pelu masake.

ZAKINIU 7:6

Nonguye AMPEU Alhou timiqoke ghenguno hipau shilo. Ayeghilo timi kumtsu akeqo gholono Pano nongu pelo pawu pakutakemi shipenike kisheluke.

IBRIMI 9:1

Puloshoqhi atughiu ghi Alhou mllakepu yeh eno mllakepua shipuacheke.

IBRIMI 9:10

Tipaqoye kuchu kusho eno qhukimthe anikeu yeh likhike. Hipaqoye Alhou no shikithekeu sughikumo dolo aphimpi ghenguno bekutha yehqoke.

IBRIMI 9:3

Nhaqhiphi akiniu veche ilokelo Akimthe nguno Akimthe-A ipi keu phiki ache.

IBRIMI 9:5

Abohu shou mulapuyikeu lhoxu Kerubim no Alhou jukuvu shi-ghi ae, eno achishibo sukhopesu axine pevetsuchekeua khonhape ache. Hipaqo ghili itehiye kishekulu shi piakhamlake.

IBRIMI 9:6

Hipaqo kutopesu qhipuzu, achinemino tsalakipetsu shichekeu kumlapu shiniaye khalau phikibolo iloche;