Rommi 8:9 - BAIBEL (BSI)

⁹ Kuchouno Alhou Ghungu nongu lolo ani aye, nonguye timi lhoaye nongu lolo akeuno pikeu toi xuamoe, nonguye Aghungu no pikeu toi xuanie. Khuu khumu Khristo Ghungu aghimo aye tipaqoye pawu kumoe.

Sümi Tiqhelimi Bible

⁹ Ikemu Alhou Ghungu no nongu lolo aghí aye, nongu ye timi lhoaye kükaqha lo kumo no Aghungu kükaqha lo anike. Eno timi khukhumu Khristo Ghungu küha aye, pa ye Khristo laumi kumoe.

Sumi Naga CL (Re-edited) Bible (BSI)

⁹ Tishimu Alhou Ghungu no nongu lolo aghi aye, nonguu ye ashi lono kumono Aghungu lono xücheni. Khukhumu Khristo Ghungu küha keu ye Pa laumi kumoe.

Rommi 8:9 ပူးပေါင်းရင်းမြစ်များ

EZEKEL 11:19

Ino amlo kithe eno akukumsu kithe panoqo tsu nani. Ino panoqo mlo atuqu toi kuthovi chekeu ikhisuwuve tsu nani eno aghokulupu mlo panoqo tsu nani.

Luke 11:13

Nongu lhoksa kughami thotsu thime kivi pesu anuli tsuke yeh ithi ani aye, kungughalo Apuh akeuye pa vilo khukemi shishe alau shi Aghungu Kimthe tsu nani!”

John 14:17

Ayeghilomiye pa ikhilumla, kughengu panonguno pa ithuluni chemoe momu pa ithini chemoe; ikemu nonguye pa ithi ani, kughengu paye nongu sasu acheni eno nongu lolo acheni.

John 14:23

Jisu no pa khochile, “Khunono ikimiye keno ino kutsu keu gholu cheni eno iPuno pa kimiye nani eno iPuh ngo ni ngo ishi pa lau ighi puzu pa sasu nani.

John 3:34

Alhou no khuu puwukeno pano Alhou tsa pesu pitsu, kughengu Alhou no pa Ghungu kupukunoshi pesu pa tsuke.

John 3:6

Ashi lono kiu punu keno tiye ashie, eno Aghungu lono kiu punu keno tino Aghungue.

Apostolmi 16:7

Kughou pamano Musia lughi ghungulo ighi keno Bithinia ghakhulo wunike pamano pukaputsa, ikemu Jisu Ghungu no pama pelo wupemoe.

Rommi 7:5

Ninguno ningu timi lhoayelo xuache kelo Ayezah no axine gho apulou haputhu puzu niphi-mpi pepimheno akithipu mlaphe cheke.

Rommi 8:1

Tighenguno khunoqono Jisu Khristo gholo xuani keno itehi panonguye Alhou no levemoe.

Rommi 8:11

Akithi lono Jisu xuputhuvekeu Ghungu no nongu lolo acheni aye, khuno akithi lono Khristo xuputhuve keno, pa Ghungu nongu lolo achepe keu vechewo nongu thive nikuau phimpi loghi akuxupu tsu nani.

Rommi 8:2

Kughengu Jisu Khristo gholo akuxupi Ghungu yezah huno axine ngo akithi kuma yezah lono ikuqhophevae.

1 Kor. 15:23

Khristo no axathi amsuu hutoi kumtsu nguno atughiu shi ideghike lo pa kupulumi qono pa shelo kithikiyi kupasu ighi nani;

1 Kor. 3:16

Nonguye Alhou chineki ke eno Alhou Ghungu no nongu lolo acheni kepi nonguye mtha kesha?

1 Kor. 6:17

Ikemu timi khuuno Ampeu sasu kimepe ani keno paye Ampeu sasu amlo lakhi shi anike.

1 Kor. 6:19

Nongu phimpiye Aghungu Kimthe chineki ke, Alhou no nongu tsukeu, paye nongu lolo akeu kepi nonguye mtha kesha? Nonguye nolikhi nongu wuke kumoe ikemu Alhou wuke.

2 Kor. 10:7

Nongu zulo kiu ani keno julo. Nongu gholo khualano paye Khristo timi kepi mutsuqheyi shilu aghi aye pa likhi pano highi kumsukutojulo: pano Khristo timi kehutoi ningu ghike.

2 Kor. 6:16

Alhou chineki ngo asu-atu ajulho pama kiu lono pulokile kepu ani kya? Kughengu ninguye xuakeu Lhou chineki ke, Alhou no ishi piveke toi: “Ino panoqo lolo xuni eno panoqo gholo acheuveni; Ino panoqo Lhou shini eno panonguye iwu timi shiveni.”

Galatiami 4:6

Nonguye anuliqo shiveapi piye nikehu Alhou no pa Nu Ghungu ningu mlolo tsu, pano ishi igha cheni, “Apuo, iPuh.”

Galatiami 5:24

Khunoqono Khristo Jisu wu shiveakeno panonguye timi lhoayelo ngosukumla ngo minechekeu jeli kumtsu kros lono pithivae.

Ephesiami 1:13

Khristo gholono nongu ghi titoi shike, kughou nonguno kuchou tsape ti nongu xakulupu tsakiviu chilukeno nonguno Khristo shou pululuveke, ikehu nonguye pawuke pikeu michipu shi pano piqhivekeu toi Aghungu Kimthe pesu nongu tsuke.

Ephesiami 2:22

Pa gholo xukimepe akeu vechewo nongu ghi kutami kumtsu gholono Alhou no ngokepuki Aghungu no shiqhepuku ani.

Ephesiami 3:17

akupulu vechewo Khristo pelo nongu mlolo pa kungoa shilupeni. Nonguye kimiyekinino nongu boqha shilu eno kimiyekini kuhu qusulu penike,

FILIPIAMI 1:19

kughengu nonguno ighenguno inikhutsu keu eno Jisu Khristo Ghungu kukuphu vechewo niye khaqhiphevepe nani kepi ino ithi ani.

2 Tim. 1:14

Aghungu Kimthe nilolo achekeu huno aghokivi opichebe puatsukeu hu jukutolo.

1 Peter 1:11

Khristo Ghungu panoqo lolo akeuno Khristo no aghimeshi ime nikeu eno tipa shelo akimthejukuvupu shinikeu puzuuno asheazushi pikeu huye kiutoi kemi eno kiu tuqhu dolo kichesutsu ani keno panonguno pukaputsa phuphejuke.

1 John 3:24

Khunono Alhou zahkutsu pelu nikeno panonguye pa sasu xukimepe acheni. Alhou no pa Ghungu ningu tsukeu lono paye ni sasu xukimepe anikepi ninguno ithi ani.

1 John 4:13

Ninguye Alhou sasu xukimepe ani eno pano ningu sasu xukimepe ani kepi nino ithitoi ani, kughengu pano pa Ghungu pesu nitsuvae.

1 John 4:4

Ikemu itianuliqo, nonguye Alhou laumike eno kichile tungkupmi shou theqhiluvae, kughengu Aghungu khipau nongu lolo anikeno paye ayeghi laumi gholo akeu nguno akijeuke.

Piyeküsü 13:8

Ghiqhivekeu Bheriti wu akuxupu kakulo aje yepuku puaghi kemi nguno alauye ayeghi lhophe kelono acheghi kemi kumtsu tughashi hu mlla nani.

Piyeküsü 20:15

Kuxumi kakulo khunoqo je yepuku puaghimo keno tipaqoye amiyizulo vesuve.