Rommi 8:34 - BAIBEL (BSI)

³⁴ Khualano panoqo ghushokulupu kesha? Jisu Khristo thivekeu huno keo? Tikekumono, paye akithi lono xaputhuve puzu Alhou u-ajeu ngono ningu ghenguno qhuinijutsu ani.

Sümi Tiqhelimi Bible

³⁴ Tishiaye khuu no ningu kiléqhive kulupu kea? Khuu nomu kumoe. Khristo Jisü khuu thive keno—eno tilikhi kumo no khuu akithí lono xüputhuve keno—pa ye Alhou u ajeu küdau iqa no ningu ghenguno alakipiu shi ghi inikhu tsü acheni.

Sumi Naga CL (Re-edited) Bible (BSI)

³⁴ Khuu no aghimepu lo ikhiphe tsüluni kea? Khumu kühae, Khristo Jisü khuu thive—tinguno alau xüputhuve—eno Alhou u ajeu ngo püzü ningu ghenguno qhüiniju tsü ani keno, Pa ghenguno ke.

Rommi 8:34 ပူးပေါင်းရင်းမြစ်များ

JOB 33:24

Eno pano kimiye kehu: “Kithimi yeghilo iqiniye akeu lono pa kuqhophevelo pa ghenguno thave lovekepu ino pechenike,” ishi pi aye;

JOB 34:29

Ashiayeh lakhi shou na timi lakhi shou shiaghi namu, Alhou no tshuyimu shimove aye eno pa gi kusuluve aye khuuno pa pipusa momu pa ithulu kepu kya?

LESHELE 109:31

Kughengu pano kumlhomi sushope ngoke eno tipau pithivepeniye kughathave kemiqo launo pa xaluveke.

LESHELE 37:33

Ikemu AMPEU ye pa ghumi kukalo pa phesuvemo nani, momu pa shou atsa kugha akelo pa pevekeu shivepemo nani.

ISAIAH 50:8

Ino ithiani, niye kujo mzavemo nani, kughengu Alhou ye ikupunukhoi ani, eno pano niye pimi puamo kepi xathavetsu. Khuuno ighumo puzu ishou ngukubelu nani kesha? ningu kughakutha alo kumtsa wunie! Pa pelo nguku kepu sughiju pelo!

ISAIAH 53:12

Ikehu ino agigihupu-a lakhi pesu pa tsuni, kijemi ngo kushumi gholo a-a lakhi tsunike. Pano puloniqhiyi pa kuxu tsuve eno alhoksami kishi akuxu shekha shivecheni keno tipau kusajeke. Pano axinemi kutomo alo ngoluvetsu eno panoqo xine pevetsu penikeu shi inikhuke.”

JEREMIYA 50:20

Kughono tipa ghuloki ighini keno Israil lo kiu xinemu phumla nani eno Juda lo kiu lhoksa kugha mu kuha nani, kughengu timi khunoqo kuxu ino ghupe qhitsuni keno ino tipaqo xine pevetsu nani. Ni, AMPEU no piveake.”

MATTHEW 20:28

Timi Nu thotsu kutami pelono pa qepeniye ighike kumoe, ikemu kutami qeniye ighike eno timi kutomo xaphelu nike pa kuxu tsuniye ighie.”

Mark 16:19

Ike Ampeu Jisu no panoqo putsatave kethiu, paye kungugha lo sakuve, eno Alhou-u ajeu iqave.

John 14:19

Ado kitila apuzu ayeghilomino ijuthumlave nani ikemu nonguno ijuthulu nani; ino xu anike ghenguno nongu ghi xu nani.

John 16:23

Tipa tsala ighi kelo nonguye ivilo kiumu khumo nani. Kuchouno ino nongu vilo pini, “nonguno ije lono Apu vilo kiu-kiu khuni keno pano tipau nongu tsu nani.

Apostolmi 2:24

Ikemu Alhou no akithi lono pa xuputhuve eno akithino ghimeqhikeu lono pa kuqhopheve, kughengu akithino pa kughape akughu shipe puamlave.

Rommi 14:13

Ikehu ningu lakhino lakhi shou kughathabekeu hu qhiveni nolo. Tipa zuqhulo, othikuzuu pelo shokukho kepu kiumu qhitsumoni momu axinelo ikiqipemoni.

Rommi 14:9

Kughengu Khristo no thiveno xukithethu shikeuye kuxumi ngo kithimi Mpeu shini kehuke.

Rommi 4:25

Ningu xineqo ghenguno pa pithivepe eno Alhou lau ningu achipikaluve keulo qhiniaye pa xuputhuveke.

Rommi 8:1

Tighenguno khunoqono Jisu Khristo gholo xuani keno itehi panonguye Alhou no levemoe.

Rommi 8:27

Timi mlo lhejuchekeu, Alhou huno Aghungu kukumsu ithi ani, kughengu Aghungu no Alhou pulou kiqi lono kupulumiqo she-pe-ghi Alhou vilo qhuyiniju acheni.

Kolosiami 3:1

Nonguye Khristo gholono xuputhu puaghi aye, khilehi Khristo no Alhou u-ajeu akuka lakhulo iqa anikeno, ti kungughalo akeqo thime shou nongu mlo belo.

IBRIMI 1:3

Paye Alhou kimthejukuvu wu mulapuyi yebidekeuke, paye Alhou lhoaye sasu aphiphishi kimihi anike eno tsutsu yeghi thwokha kumtsu pa tsalo akuka akeu huno sukimepe anie. Timiqoye axine lono shikimthe kulupushi pano shivetsu kethiuye, paye kungughalo Akughushu Lhou uajeu iqae.

IBRIMI 7:25

Ikehu, khunono pa vechesu Alhou lau ighini keno, paye tipaqo itehi ghi eno pulhapujulo xakulupu shilu anie, kughengu panoqo ghenguno Alhou vilo qhuiniju tsunike paye alhokupuju xu acheni.

IBRIMI 9:24

Kughengu Khristo ye timino shipeqhikeu Kimthe-alo iloke kumoe, Akimthe-A tiye kuchou kimihi shianamu, ikemu paye kungugha-alo iloke, itehi paye tilehi Alhou zulo ningu zuqhushi ngotsuani.

1 Peter 3:18

Kughengu Khristo ghi axine ghenguno ghuthu khavilo kumtsu ghenguno thiveke, amikuchouno amikuchokumomi ghenguno thive, tishianguno Alhou lau ningu saghiniyeke, eno aphimpi lono pa pithive ikemu angu-aghapu kuxulo pa xuputhuve;

1 Peter 3:22

Paye kungughalo wuvae eno Alhou u-ajeu ani eno kungumi kumtsu eno kungughalo ayehkipe jeli eno akuka jeli kumtsu pa qholo anike.

Piyeküsü 1:18

eno niye xu achekeuke; niye thive ikemu itehiye alhokupujulo xu acheni. Ino Akithi ngo Kithimi-yeghi khadu peani.