Rommi 7:6 - BAIBEL (BSI)

⁶ Ikemu itehi ninguye ayezah lono kuqhophevae eno ningu kughape akughu shipepuakeu lono khaqhiphevae. Tishikehu ninguye yepuakeu yezah ghola aqau qholono Alhou qemae, ikemu Aghungu wu akuxu kithe lono qeniae.

Sümi Tiqhelimi Bible

⁶ Ikemu itehi ye ayeza lono ningu kuqhophevae, kughengu ningu ye tipau lo thivae eno tipau küká kütsügha lono ipeghivae. Itehi ningu ye aqau küxü lo yèpüa keu yeza gholu keu vechewo kumo no Aghungu lono aküxü kithé xü keu lono Alhou qeluni ake.

Sumi Naga CL (Re-edited) Bible (BSI)

⁶ Ikemu Ayezah khikhi ghuthu lakhi lo ningu tsügha püache keno, ti küdau ye thive keu lono itehi ningu ye Ayezah lono kuqhovae, tishi kehu ningu ye aqau laghi, ti ye yepüakeu Yezah, lono kumo püzü aghola kithe, ti ye Aghungu laghi, lono huthu niye ke.

Rommi 7:6 ပူးပေါင်းရင်းမြစ်များ

EZEKEL 11:19

Ino amlo kithe eno akukumsu kithe panoqo tsu nani. Ino panoqo mlo atuqu toi kuthovi chekeu ikhisuwuve tsu nani eno aghokulupu mlo panoqo tsu nani.

EZEKEL 36:26

Ino amlo kithe eno akukumsu kithe nongu tsu nani.

Rommi 1:9

Kughengu ino pi akeuye Alhou no thopiu ke, ino inguagha pesu paNu tsakiviu pikulhatsu acheni, ike ino akighini shikelo tamono nongu kumsulu acheni.

Rommi 12:2

Hipa yeghilomi ghola hakevilo ikemu nongu kukumsu shikithelukeu vechewo nongu lolo pekililulo. Tishiluaye Alhou pulouye kiuno akivipu, kiuno pano ikhilu kuzupu eno kupukulu keno nonguno ithi kututa shilu nani.

Rommi 6:11

Ike tihutoi nonguye axine kudauye akithi shivea ikemu Jisu Khristo gholono Alhou kudauye xuanie pi kumsuluve kepue.

Rommi 6:19

Timi lhoaye lono nonguno tomo-chhimokeu akeu ghenguno niye inapugha tsa peitha-ghi piani. Ghuthu lakhilo nongu phi-mpi ikhipe tsupuzu mithekumo jeli eno kusakugha qeu shichepeke toi itehiye akimthe vehupu shipenike nongu phi-mpi achipikalu kepushi ikhipe tsulo.

Rommi 6:2

Tiye khilemu kumoe! Ningu axine launo thivekemiqoye kishi puzu itaghi tipaulo xuani kya?

Rommi 6:22

Itehi nonguye axine launo kuqhopheveno Alhou quaxemi shiluva, eno nonguye shikimtheve keu ithuluno tipau ashekhaloye lhokta kuxu ithulu nani.

Rommi 6:4

Ningu ye baptiz lukeu lono akithilo pa gholo qhovae, tishikehu Apu kimthe jukuvu kuka huno akithi lono Khristo xuputhuve, tishikeuno ningu pelo akuxu kithelo xuchepeniyeke.

Rommi 7:1

Ithikuzumiqo, ino nongu vilo piniye akeuye nonguno ithi ani, kughengu niye ayezah ithiakemi vilo piniye anie, ike ayezah ye timi lakhino xuake thaqhulo likhi pa shou qhasupe achenike kumo kesha?

Rommi 7:2

Tishikehu kulakupu shivekemi totimi lakhiye li kimino xuake thaqhulo ayezah no li tsughape qhipuanie, ikemu li kimi thive aye liye li kimi lau tsugha pua keu yezah lono phepuwuvae.

Rommi 7:4

Ithikuzumiqo, nongu ghi tihutoike. Nongu ghi Khristo philo lakhi shive akehu ayezah kudauye nonguye thivae, tishikeu lono nonguye itehiye akithi lono xuputhuvekeu wu shivae, tishianguno Alhou ghenguno ningu pelo athi pithilupeniyeke.

2 Kor. 3:6

kughengu pano ningu pelo puloshoqhi akitheu huthukemi shilupeke, tiye yepuakeu-yeh lakhi ke kumoe ikemu Aghungu lonoke. Yepe puakeu yezah no akithi sughi cheni ikemu Aghungu no akuxupu tsu cheni.

2 Kor. 5:17

Tighenguno timi khuu khumu Khristo gholo xukimeluve aye paye lhoxu kithe lakhi shivae, aqau woveno akitheu ighivae.

Galatiami 3:13

Khristo no ningu zuqhushi angusuu shive puzu Ayezah lo musuini puakeu launo ningu xapheluve, kughengu kuchoyesulo ishi pipuani, “Timi khuuno asubolono tshuqhi thiveni keno paye musuiniva.”

Galatiami 6:15

Kughengu aphighu yiko ghana ghamo namu kiumu akhoto kumoe, ikemu lhoxu kithe lakhi shiluvekeuno akhotouke.

Ephesiami 4:24

nonguye alhoaye akitheu pepuve masae, hiye Alhou kimihi lono lhokeu kuchou kudauno ighikeu, amikucho eno akimthe lono shipepiye cheni.

FILIPIAMI 3:3

Kughengu kuchouno ninguye aphighu yiko ghakemiqoke, kughengu ninguye Aghungu Kimthe lono Alhou mlla cheni, Khristo Jisu lono nikijivilo acheni eno timi lhoaye pesu shikulu pukhupe achemoe.

Kolosiami 3:10

Hiye pa lhokusuu Alhou no pa ghili ithiluve peniye tamono pa ngulho kimihi lono shikithetsu acheni.