Rommi 7:4 - BAIBEL (BSI)

⁴ Ithikuzumiqo, nongu ghi tihutoike. Nongu ghi Khristo philo lakhi shive akehu ayezah kudauye nonguye thivae, tishikeu lono nonguye itehiye akithi lono xuputhuvekeu wu shivae, tishianguno Alhou ghenguno ningu pelo athi pithilupeniyeke.

Sümi Tiqhelimi Bible

⁴ Ikehu, I thiküzümi eno I chelimiqo, nongu ghí Khristo phimpi vechewo ayeza küdau ye thivea ke, tishi keu vechewo nongu ye khuu akithí lono xüputhuvea keno pa laumi shilu peniye ke, tishianguno ningu pelo Alhou ghenguno athi pithílu peniye ke.

Sumi Naga CL (Re-edited) Bible (BSI)

⁴ Tihutoi I thiküzümiqo, nonguu ghi Khristo phimpi vecheo Ayezah küdau ye thivae, tishianguno nongu ye Alhou no Khuu akithi lono xüputhu keno, Pa laumi shino Alhou ghenguno axathi pithilu peniye ke.

Rommi 7:4 ပူးပေါင်းရင်းမြစ်များ

ISAIAH 54:5

OLhophekeuye oghenguno akimi lakhi toive nani, pa jeye Aqokitikhi MPEU ke. Israil Lhou akimtheuno oxalu nani paye ayeghiqha shou ayehkipeuke.

ISAIAH 62:5

Apulhothe lakhino ililhothe lakhi pelo pawu kulaliu shiape keshi, Khuno olhophekeno pano osasu kulauve nani. Kulapuuno pawu kulaliu lau alokivi akeshi oLhou no oshou alokivi anani.

MATTHEW 26:26

Panonguno kuchukusho shi akelo, Jisu no asho ikhilu eno shikimthi kighini shi puzu ti supho pesu pa khopemi tsu eno ishipi, “Hi ikhipe chulo, hiye iphimpi ke.”

Mark 4:20

Ikemu kutau hamiye ayeghi shicho kivi shou vesulukeu toi ke, panoqoye Atsa hu chilu puzu ti ikhiluno hamino alothi shighi, hamino lhotsugho eno hamino aqhe ishi pithilu.”

John 15:8

Nonguno axathi kutomo pithikeuno iPu jukuvupu shitsulu acheni; eno tishikeuno nonguye ino kutsuluvekemi shilu nani.

John 3:29

Kulapuuno kulaliu sa-anikeu ke; ikemu kulapuu kusau huye puthugho puzu ini acheni eno kughou kulapuu sutsa chilu nikeno paye alokivi shi cheni. Tihutoi ilokivi hipau shikupuvetsuae.

John 6:51

Niye timi puxulukepu sho kungugha lono iqighie. Timi khunono hipa sho chuni keno paye alhokupuju xu nani, eno ino asho tsuniye akeuye ishi ajike, hi ayeghiqha puxunike ino tsu anie.”

Rommi 6:11

Ike tihutoi nonguye axine kudauye akithi shivea ikemu Jisu Khristo gholono Alhou kudauye xuanie pi kumsuluve kepue.

Rommi 6:14

Nonguye Ayezah qholo kumono Alhou wu kupukini qholo xuani kehu axineye nongu qhasuve pekevilo.

Rommi 6:2

Tiye khilemu kumoe! Ningu axine launo thivekemiqoye kishi puzu itaghi tipaulo xuani kya?

Rommi 6:22

Itehi nonguye axine launo kuqhopheveno Alhou quaxemi shiluva, eno nonguye shikimtheve keu ithuluno tipau ashekhaloye lhokta kuxu ithulu nani.

Rommi 7:3

Tighenguno li kimi xuaphi lono lino kutami sasu kughunawuve aye liye kutuqhalimi ipi kuniae. Ikemu li kimi thive aye liye ayezah launo phepuwuva, eno lino timi kutami sasu kulakupu shinamu liye kuquamoe.

Rommi 7:6

Ikemu itehi ninguye ayezah lono kuqhophevae eno ningu kughape akughu shipepuakeu lono khaqhiphevae. Tishikehu ninguye yepuakeu yezah ghola aqau qholono Alhou qemae, ikemu Aghungu wu akuxu kithe lono qeniae.

Rommi 8:2

Kughengu Jisu Khristo gholo akuxupi Ghungu yezah huno axine ngo akithi kuma yezah lono ikuqhophevae.

1 Kor. 10:16

Kumghakeu jukhu khikhi ninguno kumghakeu khukeno, Jisu Khristo ji gholo kuposhu anike kumokesha? Asho khikhi ninguno supho ani keno, Khristo phimpi gholo kuposhu anike kumo kesha?

2 Kor. 11:2

Nongu ghenguno niye Alhou no anheshu akeshi nongu jupe inheshu ani; kughengu ilimi amikuchomi lakhi timi lakhino luniye inipe puakeshi niye nongu sawo Khristo tsuniye shiake.

Galatiami 3:13

Khristo no ningu zuqhushi angusuu shive puzu Ayezah lo musuini puakeu launo ningu xapheluve, kughengu kuchoyesulo ishi pipuani, “Timi khuuno asubolono tshuqhi thiveni keno paye musuiniva.”

Galatiami 5:18

Ikemu Aghungu no osakicheu shipeaye noye Ayezah qholo ngoamoe.

Ephesiami 2:15

Pano Judami yezahlo shilo pikeu yeh eno kithikiyi yeh jeli kumtsu lakhavetsuke, tishikeu lono pa gholo kimepe akeu vechewo ashiayeh muqo kini pesu timi akithe muqo lakhi lhotsuniyeke, tishi puzu alashitsuke.

FILIPIAMI 1:11

Alhou jekipipu eno shekiqhepu ghenguno Jisu Khristo lau likhino ighichekeu mikucho xathino nongu shepichhiluve nani.

FILIPIAMI 4:17

Niye agho ichhepe nikeu phuche nike kumoe; ikemu nonguno Alhou lau kike achekeulo alaushi thuwulu penishi chenike.

Kolosiami 1:10

Tishino nonguye Ampeu pulou lono ame kua kuxu xulu, pa lokiqipu shilu, akumla kivi kumtsulo athi pithilu eno Alhou kighithi alau shilu ishi nanike.

Kolosiami 1:22

Ikemu itehiye, pa Nu no timi shiahji puakeu pithivekeu lono Alhou no nongu pesu pa shounoqo shivetsuke, tishi anguno nongu pelo akimthe, mutsumisheyi eno tukutiye kuhano pa zulo saghiniyeke.

Kolosiami 1:6

Nonguno Alhou wu kupukini hu kuchou kepi chilu eno ithi kuthuluke tsala lono nongu gholo athi pithilu eno thuwulu akehutoi, ayeghiqha kumtsu atsakiviuye athi pithilu eno thuwulu ani.

Kolosiami 2:14

Ninguno kukhakulo kepushi akeu yezah pano ikhi vetsuae, kros lo pa yedavekeu lono qhivetsuke.

Kolosiami 2:20

Nonguye Khristo gholo thive puzu tsutsu yeghiqha ghahwuqo yehkipe launo kuqhopeve aye, nonguye kushiye hipa yeghi laumi hutoi xucheni kya? Nonguye kushiye,

IBRIMI 10:10

Pano Alhou pulou shike eno pano ghuthu khavino pulhapuju ghenguno pa phimpi pesu mllavekeuno axine launo ningu shikimthe pesu pa huthupe nikeu shitsue.

1 Peter 2:24

Khristo ampino kros lo pa phimpi lono ningu xine xapuluveke, tishianguno ninguye axine launo thive puzu Alhou lau amikucho kuxu xupeniyeke. Pa zakuqo pesu nongu shipiviluvae.

Piyeküsü 19:7

Ningu alokiqishi alovini nolo; paye shishe kije kehu ninguno pa sheqheni nolo! Kughengu Bheriti wu kulakupu ghuloki ighivae, pawu kulaliuye tipau ghenguno kutopesu ngoluvae.

Piyeküsü 21:9

Kungumi tsuni pusa bohu tsuni peakeqo gholo lakhino ilau ighino pi, “Ighilo, Kulaliu, Bheriti nipu opiyenike.”