Rommi 7:25 - BAIBEL (BSI)

²⁵ Ni Mpeu Jisu khristo vechewo Alhou shikimthi ani! Tishiaye, ilikhi imloloye Alhou yezah qecheni, ikemu iwu timi lhoaye ye axine yezah qe cheni.

Sümi Tiqhelimi Bible

²⁵ Jisü Khristo ningu Mpeu vechewo I xalu keu Lhou shikimthi! Tishiaye, I kükümsü lo I likhi ni ye Alhou yeza qüaxemi lakhi kepi kümsülu ani, ikemu I xiné lhoaye lo ni ye axiné yeza qüaxemi lakhi ke.

Sumi Naga CL (Re-edited) Bible (BSI)

²⁵ Alhou shikimthi, Ni Mpeu Jisü Khristo vecheo ke! Tishi aye, I mlo alouno ni ampi ye Alhou Yezah qüaxemi ipi acheni, ikemu ashi phimpi lou no ni ye axine yezah qe acheni.

Rommi 7:25 ပူးပေါင်းရင်းမြစ်များ

Kolosiami 3:17

Tishiaye atsa lona akumlalo namu nonguno kiukiu shini keno, Ampeu Jisu vechewo Apu Alhou shikimthi ghi thwokha shilo.

1 Peter 2:5

Akuxupu tuqu shi-ghi pa lau ighilo eno aghungulo ki shikeulo nongu peithapelo. Tilehi nonguye akimthe chinemiqo shighi Jisu Khristo vechewo aghungu lono aghashikeu Alhou lau ikhikulupushi mllalo.

ISAIAH 49:13

Kungughaqo alephelo! Ayeghi, alokivi launo ighamukulo! Naghutoqo pelo vekipighi ale phepelo! AMPEU no pawu timiqo lokughuno tsu nani; pawu timi aghimeshi akeqo jupe amlo ighiqhiyi nani.

1 Kor. 15:57

Ikemu Alhou shikimthi ani, kughengu ningu Mipeu Jisu Khristo vechewo pano tokulupu ningu tsuke!

Rommi 6:17

Alhou shikimthi akeuno nonguye ghuthu lakhiye axine quaxemi kemu itehiye nongu lau apasushi akukutsu tsukeulo nongu mlo kuchopu tsuno agholue.

Rommi 6:14

Nonguye Ayezah qholo kumono Alhou wu kupukini qholo xuani kehu axineye nongu qhasuve pekevilo.

1 Peter 2:9

Ikemu nonguye kishekiphe lagha, Akukau chinemi, akimthe shiayeh, Alhou timike, tiye akuzu lono pawu akichiqhipu kuvu kudau nongu kulukeu Alhou kumzapu kumlaqo pesu asheshupe niyeke.

FILIPIAMI 3:3

Kughengu kuchouno ninguye aphighu yiko ghakemiqoke, kughengu ninguye Aghungu Kimthe lono Alhou mlla cheni, Khristo Jisu lono nikijivilo acheni eno timi lhoaye pesu shikulu pukhupe achemoe.

2 Kor. 9:15

Alhou no paw pikhakumlapu gho tsukeu ghenguno pa shikimthi ani nolo!

MATTHEW 1:21

Lino anu lakhi punu nani eno noye paje Jisu kutsulo, kughengu pano paw timiqo xine lono xalu nani.”

ISAIAH 49:9

Ino akughumiqo vilo, ‘khaqhiphe veake wolo!’ ipi nani; eno khuno qono akuzulo ani keno, ‘ akuvulo ipeghivelo!’ ipi nani. Panonguye bheriqono aluzalo achumuza akeutoi nani;

ISAIAH 12:1

Timiqono ishi shipilini keu tsala lakhi ighi nani, “ino osheqhe ani O AMPEU! noye ilau aloghu ide ake ikemu itehiye nono ilokughunotsu eno ologhuye ilauno chevae.

FILIPIAMI 4:6

Kiu lonomu amlokutakihi kevilo, ikemu nongu kighini kumtsulo nonguno kiu avehupu shinikeno Alhou vilo khulo, pulhapuju shikimthikeu mlo pu puzu nonguno khuinilo.

Ephesiami 5:20

Thwokha thime ghenguno ningu Mipeu Jisu Khristo jelono Apu Alhou lau pulhapuju shikimthi tsulo.

Rommi 8:2

Kughengu Jisu Khristo gholo akuxupi Ghungu yezah huno axine ngo akithi kuma yezah lono ikuqhophevae.