Rommi 5:5 - BAIBEL (BSI)

⁵ Lajupu hipauye nilo kumtshuve chemoe, kughengu Alhou no pawu kupukini nimlolo sutsue,tiye pano Aghungu Kimthe nilau puwutsu keu vechewono ke.

Sümi Tiqhelimi Bible

⁵ Eno lajupu hipau ye ningu pelo kujove pe chemo, kughengu Aghungu Kimthe ningu tsüpüa keu vechewo Alhou’w kikimiye ningu mlo lo lesüve tsüae.

Sumi Naga CL (Re-edited) Bible (BSI)

⁵ eno lajupu hipau ye ni lokümthsüve tsü chemoe, kughengu Aghungu Kimthe ningu lau puwutsü keu huno Alhouw kikimiye pesü ni lolo sütsüke.

Rommi 5:5 ပူးပေါင်းရင်းမြစ်များ

JOB 27:8

Alhou kumthami ye Alhou no pano kuxu ikhisuwuve ke ghulokilo lajupu kiu ani kya?

LESHELE 119:116

Nono piqhiveke toi akumto itsulo, O AMPEU eno niye xulu nani; ino laju akeu adou shivepe kevilo!

ISAIAH 49:23

Kukamiqoye olau apuh lakhi toive nani; kukaliuye olau aza lakhi toi shive nani. Panonguno ogizulo itsaqino pishi qhope agigihu otsu nani; panonguno aqhokigheu shiveno osumsakeu piye nani. Tileno nonguno niye AMPEU kepi ithi nani; ikukuphu lunishiye khea chekemi milakhimu amlo shipusa vetsumo nani.”

EZEKEL 36:25

Ino nongu shou azu kutsughu kuzutepuku nani eno nowu asu-atu julhoqo launo eno thwokha jelino nongu kitiqevekeqo launo nongu shikimthetsu nani.

Apostolmi 10:45

Eno Jopa lono Judami kupulumi Pitor gholo ighikeqoye akichiqhive, kughengu Judakumomi shou ghi Aghungu Kimthe lepukutsu kehu.

Apostolmi 2:17

‘Ashekhalau tsalalo hitoi shi nanie pi Alhou no pie: Ino timi kumtsu shou iGhungu lepukuni. Nongu nu ngo nongu ngaqono tungkuptsa pi nani; nongu pumiqono kungu nhetsu ithulu nani, eno nongu wu muchomiqono asamo pumo nani.

Apostolmi 2:33

Pa xuputhu pesu Alhou-u ajeu qhieno ajepipi tsue. Apu launo tushoqhi puakeu hutoi Aghungu Kimthe ithulu puzu khikhi nonguno ithulu eno chilu anikeno hiye pano ningu shou lepukutsukeu ke.

Rommi 1:7

Ike Rom lo Alhou no kimiyechekeqo eno pawu timi shi kuluvekeqo kumtsu lau, ningu papuh Alhou eno Ampeu Jisu Khristo wu kupukini eno aloino lukeu nongu lau alu peniu.

Rommi 8:28

Nino ithi akeuno Alhou kimiji kiqi lono pa kimiye chekemi khunoqo kuluvea keno tipaqo lau thwokha kumtsulo akivipu ghenguno mla kuqha acheni.

Rommi 9:33

ti kuchoyesu lo pikehutoi: “Julo, Zion lo timi pelo pusupukulu penike atuqu lakhi ino qhipuani, tiye panongu pelo kupuxalu kepu tuqu lakhike. Ikemu khunono pa shou akupulu benikeno shikukujomo nani.”

1 Kor. 8:3

Ikemu khuuno Alhou kimiye cheni keno pano ithi auvae.

2 Kor. 1:22

eno pawke pikeu michipu ningu shou amchi shivetsu eno ningu ghenguno pano kiu puani keno tipau tsutha puaghi keu shi ningu mlolo Aghungu Kimthe tsuvae.

2 Kor. 13:14

Ampeu Jisu Khristo wu kupukini, Alhou kimiyekini eno Aghungu Kimthe kuposhukulu nongu kumtsu gholo apeniu. Amen.

2 Kor. 3:18

Ningu kumtsuno agi kuzupumono Ampeu kimthe jukuvu yebide achenipe, eno tipau kimthe jukuvu huno pa kimihi kuchoulo akimthe jukuvu alau lono ningu pesu miviu tsu acheni; kughengu hiye Ampeu khuu Aghungu keno pa launo ighikeuke.

2 Kor. 4:6

Ike, “Akuvuno akuzu lono vuipeghi pelo!” ipikeu Lhou no ni mlolo pa kuvu yepuvutsu puzu Alhou kimthe jukuvu kighithi kuvu Khristo gilo yevuqayi akeu ningu lau saghitsuniyeke.

Galatiami 4:6

Nonguye anuliqo shiveapi piye nikehu Alhou no pa Nu Ghungu ningu mlolo tsu, pano ishi igha cheni, “Apuo, iPuh.”

Galatiami 5:22

Ikemu Aghungu xathiye Alhou launo ighikeu kikimiye, alokiqi, alokivi, kheakulu, alokeu, akivi, pichebekulu,

Ephesiami 1:13

Khristo gholono nongu ghi titoi shike, kughou nonguno kuchou tsape ti nongu xakulupu tsakiviu chilukeno nonguno Khristo shou pululuveke, ikehu nonguye pawuke pikeu michipu shi pano piqhivekeu toi Aghungu Kimthe pesu nongu tsuke.

Ephesiami 4:30

Alhou Ghungu Kimthe Shikulosu kevilo, kughengu xakulu Tsalalo nonguye pawu kepi aghungu nongu shou amichishipe qhivae.

FILIPIAMI 1:20

Kughengu ino khekulhoshi kumsupu eno laju achekeu ye ino shikepushi akeu tomoveno kujovemo niyeke, ikemu pulhapuju shicheketoi, eno akhotoshi itehighi niye amlo kumtono chhitoi shino, thikepu shina xukepu shinamu iphimpi hipau lono Khristo jekipipu shitsu nani.

1 Thes. 4:8

Tighenguno khunono akukutsutsa hipau ikhilumoni keno paye timi milive anike kumoe ikemu Alhou, pa Ghungu Kimthe nongu tsukeu hu milive anike.

2 Thes. 2:16

NiMpeu Jisu Khristo ampino, eno niPuh Alhou, khuuno ningu kimiye acheni eno kupukini vechewo lhokta lokughunopu ngo lajupu kivi pesu ningu tsukeno,

2 Tim. 1:12

eno highenguno hishi aghime shianie. Ikemu niye kujo-mza chemoe, kughengu ino khuu pulube chenikeno ino ithi ani, eno ino pulu akeuno Atsala hu tomoke kutolo pano ilau kiu pichebe puanikeno tipau paye khe kulupu shi ananike.

1 John 4:19

Ninguno kimiye cheni, kughengu Alhou paghino ningu kimiyeke.