Rommi 5:18 - BAIBEL (BSI)

¹⁸ Ikehu, hebidekeu xine lakhino timi kumtsu kileqhive ketoi timi lakhino achipikalukeu ghushoghili no timi kumtsu akipimi tsumokeu eno akuxupi ani.

Sümi Tiqhelimi Bible

¹⁸ Tighenguno, timi lakhi’w hekibide vechewo timi kümtsü kiléqhive keu toi, achipiu kümlà lakhi vechewo timi kümtsü pelo achipikalu pe eno aküxü aluve pe ke.

Sumi Naga CL (Re-edited) Bible (BSI)

¹⁸ Tighenguno, akipimi lakhi huno timi kümtsü sawo aghimepu lo ikhiphetsü ketoi amikucho kümla lakhi no timi kümtsü khaqhi pheve no aküxüpu tsü cheni.

Rommi 5:18 ပူးပေါင်းရင်းမြစ်များ

ISAIAH 53:11

Ghichhe ghime kuxu thikhauno, paye itaghi alovilu nani, paye adou lono imepuamo kepi ithilu nani. Iqeu amlo tsuchekeu, khuu shou ilokiqipu acheni keno timi kutomo ghimepu pano pepuluve nani eno pa ghenguno ino pano xine pevetsu nani.

John 1:7

Pano timiqo vilo akuvu ghili pesu pinike ghenguno atsapeu lakhi shi ighi tishianguno kumtsuno pa vechewo pulu lupeniyeke.

John 12:32

Kughono ayeghi lono ni ikhiqheni keno, ino timi kumtsu sunheluve nani.”

John 3:26

Ike panonguno Johan lau wupuzu pa vilo pi, “Rabi, Jordan tuxau akelo milakhi ogholo akeuhu eno nono timi tipau shepe shitsu akeu hu, paye itehiye timi baptiz shitsu ani eno timi kumtsuno pa lau wuve anie!”

Apostolmi 13:39

Muse yezah qholo khikhi nongu phepuwuve mlakeu thime kumtsu ani keno, pululukemiye kumtsu pa launo phepuwuve kulupu shilue.

Rommi 3:25

Alhou no Jisu Khristo ikhiphepe tsukeuno pa kithino axine pevekulupu shipeniyeke, tiye timino pa lau akupulu bekeu vechewono hitoi shikeuye pano kishi timi pelo pa lau achipikalu kepu keno piyekeu ke. Kughengu wovekeu loye Alhou no kheakulushi timi xine juzuve tsucheke,

Rommi 4:25

Ningu xineqo ghenguno pa pithivepe eno Alhou lau ningu achipikaluve keulo qhiniaye pa xuputhuveke.

Rommi 5:12

Hi ithilo. Timi lakhi vechewo ayeghiqhalo axine iloghi, pa xineno akithi sasu ighi. Ikehu timi kumtsu shou akithi ikughive, kughengu timi kumtsu axine shiveke.

Rommi 5:15

Ikemu hipama aphiphi kumoe: Alhou no kumsagho tsukeuye Adam hekibide xine toimoe. Kughengu timi lakhi hekibide xine vechewono timi kutomo thiveke, ikemu tinguno alaushi Alhouw kupukini eno pawu kumsaghoye timi lakhi hi Jisu Khristo wu kupukini vechewo timi kutomo ghenguno kupukunoshi ighi.

Rommi 5:19

Kughengu timi lakhi aghokulu kumo lono timi kutomo axinemi shive peke toi, timi lakhi ghokulu lono timi kutomo Alhou lau achipikalupe nani.

Rommi 6:14

Nonguye Ayezah qholo kumono Alhou wu kupukini qholo xuani kehu axineye nongu qhasuve pekevilo.

1 Kor. 15:22

Kughengu Adam gholo kimepe akeu lono timi kumtsu thiveke toi, Khristo gholo kimepe akeu lono kumtsu puxuve nani.

IBRIMI 2:9

Ikemu ninguno Jisu ithikeuno paye ado kitila ghenguno kungumi nguno aqhokigheu shi lhoke, tishianguno Alhou wu kupukini vechewo pano timi kumtsu ghenguno thikepu shive. Ikemu pano akithilo aghimeshikeu ghenguno itehiye akimthejekipi ngo agigihupu pesu pa sheqhe ikhilu keu ninguno ithulue.

2 Peter 1:1

Jisu Khristo qeu eno apostol Simon Pitor launo niLhou eno niXakuluu Jisu Khristo mikucho vechewo nigholo akupulu aqhemishi ithuluvekemi lau yelu ani.

1 John 2:20

Ikemu nonguye Aghungu Kimthe pesu nongu shou lepukutsue eno nongu kumtsuno kuchou ithi ani.