Rommi 3:4 - BAIBEL (BSI)

⁴ Khilemu tishimo nani! Timi kumtsuno kimkimi shive namu Alhou ye kuchou shi ani putsae. Kuchoyesulo ishi pipuakeu toi: “Kughou nono atsa pini keno noye achipie pi piye masae, Kughou oshou kughathabeni keno noye tipaulo tolu masae.”

Sümi Tiqhelimi Bible

⁴ Khilemu tishimo thono! Timi jeli kümtsü no kimkimi shive namu Alhou ye kuchou shi anani. Kughengu ishi yèpüani: “Tishianguno kughou nono atsa pìní keno no ye achipi kepi kimchilu peniye ke eno kughou nono küghathabeni keno tokulu shilu peniye ke.”

Sumi Naga CL (Re-edited) Bible (BSI)

⁴ Kiu gholau nomu kumoe! Ishi yepüake ketoi, kümtsü no kimkimi shivemu Alhou ye kuchou shi nani, “O shou küghathabe kelo nono tolu, eno o tsapi lono o pesü achipiu shilu peniye ke.”

Rommi 3:4 ပူးပေါင်းရင်းမြစ်များ

JOB 36:3

Ikighithiye aqha kutauno phusa ghinike eno ilhokeu Alhou ye amikucho kepi piyenike.

JOB 40:8

Noye ikughape achipikumoe pi ani kesha? Eno ikughape lhoksa kughalo suve puzu nono amikuchou shiveniye kesha?

LESHELE 100:5

AMPEU ye aloke; pa kikimiye lhokta kutoloke eno pa pukhukuluye alhokupuju ache nani.

LESHELE 116:11

Ino musave puzu, “Khumu pukhu mla kena!” ipi pipuaghi namu.

LESHELE 119:160

Oyezah lothiye kuchouke, eno owu achipiu kughakuthaye lhokta kutoke!

LESHELE 138:2

Iqemokeu kikimiye eno pukhukulu ghenguno niye okimthe chineki kudau jupuzu, itsaiqino oje sheqhe cheni, nono otsa eno oje pesu kutau kumtsu nguno akiqheushi ikhiqhekeu ghengunoke.

LESHELE 51:4

Kutami kumono oshou likhi ino axine shivae eno ozulo alhoksa ipichekeu ino shivae. ike noye ishou kughatha nikeulo achipi shianike; ikughape akumou kepi pinikeu noye achipike.

LESHELE 62:9

Timiye kumtsu atuthu kishedo lakhi toike; kijemi kitilami kumtsu aphiphike, amkuhake. Ahu lono hu julo; Panonguye atuthu nguno aku mthuu ke.

MICAH 7:20

Nono amikucho ngo owu iqemokeu kikimiye pesu owu timiqo, Abraham ngo Jakob polo kughukomi lau piye nani, tiye kha-ghino nono nipuasu vilo piqhipuakeu toi shi nani.

MATTHEW 11:19

Timi Nu huno ighi puzu chukeghi chu eno shokeghi shoe, ikelo timiqono ishi pi, ‘Julepi, paye akimihemi eno ajikumxomi lakhi, eno paye asuqha kuqhami ngo haphevekeqo kusaue!’ Ikemu Alhou lokutsuye kuchou kepi tipau kumlano piyeke.”

Luke 20:16

“Pano ighi puzu timi tipaqo pithive nani eno atsayilu pesu mishi chichekemi kutami tsuve nani.” Timiqono ti inia puzu pi, “Khilemu kumoe! Tishi pemoniu.”

John 3:33

Pano atsape shikeu ikhilukemiye Alhou ye kuchou kepi mutsuqheyi shiluvae.

Rommi 11:1

Tishiaye ino hi inijuni, Alhou ye pawu timiqo peve akesha? Khilemu tishimoe! Ni ampino Israilmi lakhi ke, Abraham polo kughukomi eno Benjamin laghami lakhie.

Rommi 11:11

Ikehu ino iniju ani, Judami no shokukholukeuye veqhiauve peniye kesha? Khilemu tishi moe! Ikemu panonguno axine shivekeu lono Judakumomi lau xakulupu ighi, ti Judami pelo panoqo jupe anheshupeniyeke.

Rommi 3:31

Tishiaye hipau kupulu pesu Ayezah hapuhaveni kesha? Khilemu tishimoe! Tishinike zuqhu ningu pelo Ayezah mutotoilu peniyeke.

Rommi 6:15

Tishi aye ninguye kiu pini kya? Ayezah qholo kumono Alhou wu kupukini qholo anike ghenguno axine shiani kesha? Tishimo thono!

Rommi 6:2

Tiye khilemu kumoe! Ningu axine launo thivekemiqoye kishi puzu itaghi tipaulo xuani kya?

Rommi 7:13

Tishiaye, kiuno akivipu keno tipauye kishi puzu akithipu ilau sughi cheni kya? Tikumo thono! Hiye axineno akivi peitha puzu ilolo akithipu mla ani, tishianguno axine lhoayeh ye kuchouno axine kepi tipau ithulupe niyeke eno ahza kutsu vechewono axineye ihulo axine shivepeke.

Rommi 7:7

Tishiaye ninguye kiu pini kya? Ayezah ye axine kesha? Tiye khilemu kumoe! Ikemu Ayezah ghenguno kethono niye axine kiu keno ithini chemoe. Ayezah lo “Jumine kevilo” ipi puaghimo keaye niye juminekeu ye kiu keno ithini chemoke.

Rommi 9:14

Tishiaye, ninguye kiu kya? Alhou ye amikucho kumove kesha? Tiye khilemu kumoe!

1 Kor. 6:15

Nongu phimpiye Khristo phi-au kepi mtha kesha? Tishiaye, niye Khristo phi a-u pesu kusalhami phi a-u shive peni kesha? Khilemu tishipemlae!

2 Kor. 1:18

Alhou ye pukhubekulu kehu ninguye nongu vilo “Iye” “Moe” ipikeu tsa piqhimoe.

Galatiami 2:17

Khristo gholo kuqhape akelono ninguno Alhou lau achipikalu nikeu pukaputsa keulo Judakumomi toi ningu ghi axinemi shiaghikepu shi aye tishiaye Khristo ye axine peithatsu chekeu kesha? Tiye khilemu kumoe!

Galatiami 2:21

Niye Alhou wu kupukini pevemoe. Kughengu Ayezah vechewo Alhou lau achipikalu kepu shi aye Khristo no thivekeuye adouke.

Galatiami 6:14

Ikemu ilikhi imishiloye niye niMpeu Jisu Khristo kros nguno kutauye kiulomu qhezamo nani, kughengu pawu kros pesu ayeghiqha hu ilauno yeda pithivae eno ayeghiqha launo iyeda pithivae.

ZAKINIU 32:4

‘AMPEU ye nongu sushokuluu akughushuu, pano shike kumtsulo kupukulu eno kuchou; Nongu Lhou ye amikucho eno kuchoue; achipiu eno akivipu pano shi cheni.

1 Tim. 3:16

Ningu chineyeh tuqhouye kiutoi kije keno khunomu moe pimlakeu ke! Pano timi phi-ashi shi ighike, Achipi kepi Aghungu no piyeve. Paye kungumino ithulupuani, Judakumomi gholo pa pesu pikulhave. Ayeghiqha kumtsulo pa puluwove, Akimthejukuvu lono pa sasu ikuve.

Titus 1:2

Alhou ye mikichemoke, hiye aghuloki huthumphi lono pano piqhivae,

IBRIMI 6:18

Tishiaye thime hikumaye kilivemlake eno hipaulo Alhou ye khilemu akimiki shiaghivemla nanike. Ikehu ningu khunoqono susholu peniye poluve akeno ninguye nizulo lajupu qhitsu keu mutotoi tsuqulu peniye shishe shikumtovae.

1 John 5:10

Ikemu khuno Alhou Nu shou pulubeni keno pa mlolo hipau shepe acheni; ikemu khunono Alhou shou pulubemo nikeno pa pesu akimkiu shivetsu cheni, kughengu Alhou no pa Nu ghili pikeulo pulubemo kehue.

1 John 5:20

Nino ithi akeuno Alhou Nuno ighi puzu ithikututa shilukeu ningu tsupe puani, tishikeuno ninguye pa Nu Jisu Khristo gholo xukimepe akeu lono kuchou Lhou gholo ghi xukimepe ani. Hiye kuchou Lhou eno lhokta kuxuke.

Piyeküsü 3:7

“Filadelfia akukuhoulo kungumi akeu lau yelu ani: “Hiye akimtheu eno amikuchou tsapeke. Paye David khadu peani, pano khaqhi aye khunomu tipau khavemlae, pano khavekeu khunomu khaqhimlae.