Rommi 3:30 - BAIBEL (BSI)

³⁰ Alhou ye lakhi kehu pano aphighu yiko ghave kemi pelo panongu kupulu qhemi lono pa lau achipikalupe nani, eno Judakumomi pelo ghi panongu kupulu vechewo shilupe nani.

Sümi Tiqhelimi Bible

³⁰ kughengu Alhou lakhi likhi ani, pa no aküpülü vechewo aphighüyiko ghave kemi pelo achipikalu pe nani, eno aphighüyiko ghamo kemi pelo ghí tipau tho lono aküpülü vechewo achipikalu pe nani.

Sumi Naga CL (Re-edited) Bible (BSI)

³⁰ kughengu Alhou ye lakhi likhi keke—Pa no aphighüyiko ghave kemi lau pano küpülü pesü achipiu shitsü nani, eno aphighüyiko ghamo kemi no aküpülü vecheo achipiu shitsü nani.

Rommi 3:30 ပူးပေါင်းရင်းမြစ်များ

Rommi 2:26

Ikehu aphighu yiko ghamokemi lakhino Ayezah lo ahza tsukeu papelu aye paye aphighu yiko ghavekeu toi Alhou ye pa kihisumo nikesha?

Rommi 2:27

Tishiaye, nonguno aphighu yiko ghave aghi namu Ayezah hephoveaye, khunoqono aphighu yiko ghamo namu Ayezah peluni keno tipaqono nongu kileqhivae.

Rommi 3:22

pulukemi kumtsu ghenguno Jisu Khristo lau akupulu akeu vechewo Alhou no timi pelo pa lau achipikalupe keuke. Kughengu kiumu kutuqukeu kuhae:

Rommi 3:28

Kughengu ninguno kishekhalu keuno timi lakhino Alhou lau achipikalu pekeuye akupulu likhi vechewo noke, eno Ayezahlo pipuakeu shilukeu lono kumoe.

Rommi 4:16

Highenguno Alhou no piqhipuakeu huye akupulu shou bepe anie, hipa ghola lono piqhipuakeu huye Alhou wu kupukini shikeu shou bepeniyeke eno pa laghami kumtsu lau mutsuqhei tishini putsa ipi niyeke. Tiye Ayezah papelukemiqo likhi kumono Abraham toi pulukemiqo lau ghike. Kughengu Abraham ye akupulu lalo ningu kumtsu papuhke.

Rommi 4:9

Alokivipu hi David no piakeuye aphighu yiko ghavekeqo sala likhi kesha? Ikeo, aphighu yiko ghamokeqo sala ghi kya? Ninguno pivekeu toi “Abraham no Alhou lau akupulu akeu huno paye Alhou lau achipikaluve akepi kihiluveke.”

Galatiami 3:20

Ikemu khileno ampino shini keno lachemi avehupu kuhae, kughengu Alhou ye lakhie.

Galatiami 3:28

Ikehu Judami ngo Judakumomi dolo mu aquaxemi ngo kuqhopheve kemi dolo kiptimi ngo totimi dolo pinamu kutuqukeu kuhae, Khristo gholo kimepe akeu lono nongu kumtsu lakhie.

Galatiami 3:8

Ike Alhou no Judakumomi pelo akupulu vechewo pa lau achipikalupe nani kepi kuchoyesuno azunatha ghi ithuluveke. Tighenguno kuchoyesuno azunatha ghi Abraham lau lokivipu sutsa ishi pikulhake: “Ovechewo Alhou no ayeghilo ashiayeh kumtsu kumghatsu nani.”

Galatiami 5:6

Kughengu ninguno Khristo Jisu sasu kimepe ani aye aphighu yiko ghana ghamonamu aphiphi ke, ikemu Alhou wu kimiyekini vechewo mla keu kupulu huno akhotoke.

Galatiami 6:15

Kughengu aphighu yiko ghana ghamo namu kiumu akhoto kumoe, ikemu lhoxu kithe lakhi shiluvekeuno akhotouke.

ZAKINIU 6:4

“Israil, hipau kumsululo! AMPEU ningu Lhou likhino Alhou ke!

FILIPIAMI 3:3

Kughengu kuchouno ninguye aphighu yiko ghakemiqoke, kughengu ninguye Aghungu Kimthe lono Alhou mlla cheni, Khristo Jisu lono nikijivilo acheni eno timi lhoaye pesu shikulu pukhupe achemoe.

1 Tim. 2:5

Kughengu Alhou ye lakhike eno Alhou ngo timi dolo alashikutsuuye lakhi, tiye timi Khristo Jisu ke.