Rommi 3:2 - BAIBEL (BSI)

² Ala thwokha lono heshekulu ani. Atughiu no, Alhou no pa sutsa pesu Judamiqo lau pichetsue.

Sümi Tiqhelimi Bible

² Alaghi jeli thowkha lo ameküapu kutomo ani! Kümtsü nguno atüghiu shi, Alhou no akükütsü sütsa pesü Jewmiqo pelo qhipüalu penike pichebetsü ke.

Sumi Naga CL (Re-edited) Bible (BSI)

² Kuchou no pithuni keloye ala kümtsü lono thono, Alhou tsape ye Jewmi lau tsü paghie.

Rommi 3:2 ပူးပေါင်းရင်းမြစ်များ

LESHELE 119:140

Nono piqhivekeuye mutsumisheyi keu! niye tipau kupu cheni!

ISAIAH 8:20

Nonguye panoqo vilo ishi khochilelo, “AMPEU no kiu pesu nongu shikapiye keno inilo! Tumumi tsa ini kevilo, panonguno nongu vilo kiu pinikeno tiye akivipu shimlake.”

DANIEL 10:21

Tipashelo, Grikmi kheu kungumi aghahwu ipeghi nani. Israilmi kheu Mikhel nguno alauye khunomu ikuphuni kemi kuhake.”

John 5:39

Nonguno kuchoyesu phukide kudaju cheni, kughengu nonguno tipaqo lono lhokta kuxu phulu nani kepi kumsu cheni. Eno tipaqono thopi shi ani,

Apostolmi 7:38

Asayeqhalo Israilmi kuhokumqo kelo panongu sasu akeuhu pake. Pano kungumi sasu Sinai naghutolo nongu putsa eno nisunoqo ghi sasu ngono kuptsake. Ningu tsuniye akuxupi sutsa peighi keuhu panoke.

Rommi 1:2

Atsakiviuye Alhou no tungkupmi vechewo kha-ghino piqhipuache eno Akimthe yesulo yepua.

Rommi 2:18

Alhou pulou kiu keno noye ithi ani eno ayezah lono kiuno achipi keno kishelukepu shikalue.

Rommi 3:1

Tishiaye, Judamiye kutami nguno heshekulu kiu ani kya? Momu aphighu yiko ghave keuno kiu vehupu ani kya?

Rommi 3:3

Ike panongu khamino pukhubemla kepu shive aye kishini kya? Panongu pukhubemlakeu huno Alhou pukhubekulu puhaveni kesha?

Rommi 9:4

Panonguye Alhou no kisheluvekemi Israilmi ke. Pano panoqo pelo pa nuliqo shilupe, panoqo pelo pa jukuvu kusajepe, panoqo sasu pawu puloshoqhi shi eno Ayezah panoqo tsue. Panongu gholo kuchou shi Alhou mllakeu ani, panonguno Alhou no piqhikeu ithulu.

1 Kor. 9:17

Ino igho ipulou lono ikumlla mla aye, tile ijume itsupenike khe anicheke, ikemu ipulou kumono shimasakeu lono mla aghi aye tiye Alhou no ivilo mlalo pikeu kumlapu sajeke.

2 Kor. 5:19

Ike tiye, Alhou no Khristo gholono ayeghilomi sasu kulashilu ake; Alhou ye timi xine kichekumqo pe panongu shou qhitsumo puzu kulashilu keu tsape pesu ningu pichebetsuke.

Galatiami 2:7

Tikekumo puzu, Alhou no Pitor pelo Judami lau atsakiviu pikulhape nikeu makho tsuke toi, pano ipelo Judakumomi lau atsakiviu pikulhape nikeu makho tsukeu panonguno ithulue.

1 Tim. 6:20

Timothio, opelo jukutopeniye kiu otsupuani keno khelo Alhou sumokeu tsapi eno timino mtha puzu “Akighithi” kighekile chekeu hu phevelo.

IBRIMI 5:12

Itehi nonguye akukutsumi shiluve aghikepu kelauye kutami pelo itaghi Alhou tsape pepimhetughiuqo pesu nongu vilo pikepu avehupu shiaphike. Nonguye mukamughayi keu chuqupu chunike zuqhulo akichhizu yekepu shiaphie.

1 Peter 4:11

Khunono asheshu cheni keno paye Alhou tsa pesu asheshulo, khunono kutami qe cheni keno paye Alhou no tsukeu kumto pesu qelo, tishianguno thwokhalo Jisu Khristo vechewo Alhou kimthe jekipipu shilupenike. Alhokupuju lono alhokupuju kutolo akimthe jukuvu eno ayehkipeqhaye pawuke. Amen.

Piyeküsü 19:10

Tileno ino pa pukhu phivilo mllaniye iluiqive, ikemu pano ivilo ishipi, “Tishikevilo! niye no eno othikuzumi khunoqono Jisu no kuchou shepe shikeu ikhilu cheni keno tipaqo kumtsu gholo akusami aqemi lakhike. Alhou mllalo!” Kughengu Jisu no kuchou shepe shikeuno tungkuptsa pinikeu nguaghapuke.

Piyeküsü 22:6

Tileno kungumi huno ivilo pi, “Atsa hipaqoye kuchou eno pukhukulupuke. Ampeu Alhou, khuno pa Ghungu pesu tungkupumi tsu cheni keno pano pawu kungumi puwu puzu itheno kiushive nani keno pa qemiqo lau piyeniyeke.”