Rommi 2:6 - BAIBEL (BSI)

⁶ Kughengu pututano kiu mla puaghini keno tipa kiqi lono Alhou no asaxu tsuwo nani.

Sümi Tiqhelimi Bible

⁶ Alhou no, “timi lakhi-khi no kiu mülà püani keno tipau kiqi lono tsüchile nani.”

Sumi Naga CL (Re-edited) Bible (BSI)

⁶ Pütüta no mla püaghi keu kiqi lono Alhou no ajume tsü nani;

Rommi 2:6 ပူးပေါင်းရင်းမြစ်များ

JOB 34:11

Kughengu timi lakhi kumla qhemi Alhou no tsuchile cheni, eno pututa shelo pututano ithulu chenipe.

LESHELE 62:12

iqemokeu kikimiye huye olau achenike, O AMPEU, Kughengu pututano mlavekeu kiqi lono nono asaxu tsuchile cheni.

IPEKULU 32:34

Itehiye wulo, ino ovilo pipuakeu alo timiqo sawulo.Iwu kungumino osawu peni kepi kumsululo ikemu timi hipaqono axine shivekeu ghenguno ino panoqo ghimeqhini keu do ghuloki cheni.”

AHOLE 24:12

Tiye okumla kumokepi nono piaghiluvi ikemu omlolo puakeu Alhou no ithi eno tipau shou kughatha nani. Pano okheju acheni, pano ithi anike, eno nono kiu shikeno tipau qhemi asaxu otsu nani.

AHOLE 24:2

Panonguno kumsu chekeuye akupuna huthunishi acheni; panoqo tsa pi kumtsulo timi khami ghuzave cheni.

AHOLE 26:10

Aqe kipiqemi lakhino kughuzumi kusawo piqesu aye apiji kapuwukemi kutamiqo ghuza akeu hutoi shianike.

YETSAPIU 3:17

Ilikhi ivilo ishi pi, “Alhou ye amikuchomi eno alhoksami aphiphi lono kughathaveni cheni kughengu thime kumtsu, mla ithakeu kumtsu pututa do qhipua tsukeu lono shi ipeghi nani.”

JEREMIYA 17:10

Ni, AMPEU no timi kukumsu lheju eno timi mulo ijoju cheni. Pututano mlachekeu kiqi lono ino milakhikhi peithaju cheni.’

JEREMIYA 32:19

Nono alokutsushi kughu cheni eno akumzapu kumla shi cheni; timino shikeu jeli thwokha nono ithuluke eno panongu kumla kiqi lono nono asaxu tsu cheni.

EZEKEL 18:20

Timi khuuno axine shikeno paye thi nani. Anu lakhiye papu xineqo ghenguno aghimepu shimo nani momu anu xineqo ghenguno papu ghimekepu shimo nanike. Amikuchomiye pano achipiu shikeu saxu ithulu nani eno alhoksamiye pano alhoksa shikeu ghimepu sholu nanike.

EZEKEL 18:30

“Itehiye ni, Akughushu MPEU no nongu Israilmi vilo pianike ino nongu milakhi khino kiu mlapuani keno tipau lono kughatha nani. Nonguno alhoksa kumtsu shiakeu lono tsughusu ighivelo eno nongu xine pelo nongu kutsavepe kevilo.

EZEKEL 36:19

Panonguno xuchekeu eno mla ithachekeu jupesu ino panoqo kideqhiveke eno ashiayeh kutami gholo eno pano ghumi ghakhulo hale puwuveke.

MATTHEW 16:27

Kughengu Timi Nu ye paPuh wu akimthe jukuvu lono pawu kungumi sasu ighini cheni, eno tileno timi lakhi khino kiu mlapuaghi nikeno tipau lochile nani.

Rommi 14:22

Hipau vehulo nono kiu pulu cheni keno tipau Alhou ngo okujo dolo qhilo. Khunono pa pulou kiukeno pano shikeulo pa likhi pa shou kughathabe kepu shimokemi kumghae!

1 Kor. 3:8

Abo shosukeu timi ngo azu pusukeu timi pama dolo kutuqukeu kiumu kuhae, pututano mla-sukeu qhemi pututa jume Alhou launo ithulu nani.

1 Kor. 4:5

Tighenguno kophepuakeu-do ighimphi loye eno Ampeu no ighimphi kutolo khuu shoumu kughathabe kevilo. Itehiye thime khijehi kusupuani keno Ampeu no akuvulo ikhiphe saghi nani eno amlolo tuqhouno kumsupu akeu kumtsu pano lhaphe piye nani. Tileno timi kumtsu pututa shelo pa sheqhe kepu aghikeu Alhou launo ithulu nani.

2 Kor. 11:15

Tishiaye Satan qemi ghi amikucho akeu qemi kena ipi peniye muqumugha shikelo akichiqhi akepu kuhae. Ashekha lono panongu kumla qhemi ajume ithulu nani.

2 Kor. 5:10

Kughengu ningu kumtsu athono Khristo kughakutha zulo puthugho masa nani eno pututano kiu mla puani keno kivi kusa kiqi lono ithulupe nani.

2 Tim. 4:14

Ayikiyiqiu Aleksander no ighono ikijipusake; Ampeu no pano mlakeu qhemi pa tsuchile nani.

Piyeküsü 2:23

Li pape chekemiqo ghi pithive nani, tileno akukuhou kumtsuno niye timi kukumsu eno timi mlo lhejuchekeu kenapi ithi nani. Nongu kumla qhemi lono milakhikhi lau ino ajume tsu nani.

Piyeküsü 20:12

Eno kithimi kijemi kitilami kumtsu akuka lakhu zulo puthugho akeu ino ithulu. Kakuqo lhaphe eno kuxumi kaku kutau lakhi ghi lhape pua. Kithimiye pututano kiu mlapua keno kakuqolo yepe puaghikeu kiqi lono panoqo shou kughathabetsu.

Piyeküsü 22:12

Jisu no piani, “Niye itheno cheae! Pututano kiu mlape puani keno tipau qhemi asaxu tsunike ghenguno ino isaxu pesu cheni.