Rommi 2:5 - BAIBEL (BSI)

⁵ Ikemu noye amlo kumka likhi thono amlo-ighikeu kuhae.Ike Alhou ghakighide eno Pano achipi lono kughatsukeu pephepiye nike tsalalo noye olikhi oghengu aghime kitikhi ithulu kepu pekike auvae.

Sümi Tiqhelimi Bible

⁵ Ikemu nongu no kuthovi keu eno nongu mlo pebidemo keu ghenguno nongu ye Alhou loghu tsalà ghenguno nongu likhi nongu sala aghime pekike auvae, tiye Alhou no pa chipiumikucho küghakütha pephe-piye niye akeu tsalà ke.

Sumi Naga CL (Re-edited) Bible (BSI)

⁵ Ikemu o mlo kümka eno kuthovi keu lono no ye aloghu tsala ghenguno, ti ye kughou Alhouw achipiu küghakütha pepheni keno, o sala aloghu pekike ayae.

Rommi 2:5 ပူးပေါင်းရင်းမြစ်များ

YEKIKITHI AKINIU 30:8

Panoqo toi nonguye kuthovi akevilo ikemu AMPEU gholulo. Jerusalem lo Achineki khipau AMPEU nongu Lhou no alhokupuju ghenguno akimthe shive tsu keno tilehi ighilo eno pa mllalo tishianguno paye nongu lau aloghu ide kithe pemo nike.

YEKIKITHI AKINIU 36:13

Akukau Nebukadnezar no tsuyikhomo Zedekiya pelo Alhou je lono paye aghokulu shini kepu tushoqhive pekemu paye hebideve. Pano xaideveni keulo kuthovi auve no AMPEU Israil Lhou lau ideighimo nikeu shive.

JOB 21:30

Ike ti Alhou no pukhupile puwu ke tsalalo kusakughami ye kughu tshuve cheni. Alhou loghu tsalalo pano ye sunhephe sasu wuve cheni.

LESHELE 110:5

AMPEU ye o-u ajeu kudau ani; kughou pano aloghu idenikeno kukami haleluve nani.

LESHELE 95:8

“Nongu mlo mukamghayi kevilo ti nongu puasuqono Meriba lo shiketoikeu, Asayeqha Masa alo panonguno shiketoi keu hu.

IPEKULU 14:17

Ino Ijipmiqo mlo hekike vetsu nani ikehu panonguno timiqo papesu wunani eno akukau ngo pawu ghushimi, pawu aghushi khurkulu eno tipau kusami qo shou toluve keu lono ije kipi shilunike.

IPEKULU 32:34

Itehiye wulo, ino ovilo pipuakeu alo timiqo sawulo.Iwu kungumino osawu peni kepi kumsululo ikemu timi hipaqono axine shivekeu ghenguno ino panoqo ghimeqhini keu do ghuloki cheni.”

IPEKULU 8:15

Achuyiqo thikhave keu akukauno ithulu puzu pamlo hekike pesu auve, AMPEU no puzuu no akukau ye Muse ngo Aron pama tsa initsumo nani kepi pivekeu toi shive.

AHOLE 1:18

ikemu timi hikithipuqoye alikhi aghenguno alichhe shipe qhi anike, pano lichhe lono pano kitimeluve nani.

AHOLE 11:4

Okithi tsalalo kinikuluye okivipu shimla nani ikemu amikuchono okuxu xaluve nani.

AHOLE 28:14

Pulhapujulo AMPEU gholulo eno noye alokivi shi nani, ikemu khunono amlo hekighike auveni keno kusakushopu sholu nani.

AHOLE 29:1

Oshikumzu tsukeu kumtsulo nono alaushi omlo hekighike auve aye ghulo lakhilo noye mukhumuno shive nani eno khilemu idethughi mlave nani.

YETSAPIU 12:14

Ninguno thwokha shikeu ti akivi na alhoksa namu Alhou no kughathani cheni, tuqho-tughouno mla puakeu thime shou ghi kughatha be nani.

ISAIAH 48:4

Nonguye shio shighai nani kepi ino ithi ake, ayi toi tsatsayi eno alazayi kumka toike.

JEREMIYA 40:3

eno itehiye pano shiniepi kiu pikeno tipau shivae. Hipaqo kumtsu shivekeuye kutau ghenguno kumono nowu timino AMPEU shou axine shive eno pa gholumoke.

EZEKEL 11:19

Ino amlo kithe eno akukumsu kithe panoqo tsu nani. Ino panoqo mlo atuqu toi kuthovi chekeu ikhisuwuve tsu nani eno aghokulupu mlo panoqo tsu nani.

EZEKEL 3:7

Ikemu Israilmi milakhimu otsa ininishimo nanike; kughengu panoqoye itsa pinamu initsu chemoke. Panoqo kumtsu kuthovi acheni eno mukamghai kemiqoke.

DANIEL 5:20

Ikemu pano qhezave, agholumo eno ayikusa shive keghenguno akukau lakhu lono pa hapheveke eno alokughuno agigihua puhave.

HOSIYA 13:12

“Israil xine ngo kuqupuakeqoye yekutsupe qhivae eno yekikithi kakuqoye akivishi hekutsupe puavae.

AMUS 3:10

AMPEU no pi, “Timi hipaqoye heqhi buqhikeu eno suxaluvetsu keu nhemgha pesu panoqo ki kuloghi chhitoi ani. Panonguye amikucho shinikeu ghi mthake.

Rommi 1:18

Kughengu Alhou kumthami eno alhoksa kumlami khunoqono pano mikucho kumo pesu kuchou qhasupe acheni keno tipaqo shou atsutsu lono Alhou loghu pephepiyevae.

Rommi 11:25

Ithikuzumiqo Alhou wu tuqhou kukughu lakhi anike ino nongu pelo ithipenishi ani, nonguno nongu lokutsu alotsuh shipeuve nosake. Tiye hi kene; Israilmi shou amlo hekikekeu ikughi akeuye Judakumomi khije Alhou lau ighikepushi ani keno tipaqo ighikupu mphi kutolo likhike.

Rommi 9:22

Tihutoi, Alhou no pa loghu pephepiye nishi kehu eno pa kuka kumto ithipeniye ali khipaqo shou pa loghu pepheno kutsaveniye kutopuani keno tipaqo lau kutuo kutuu ghi kheakulu shi cheni.

2 Kor. 5:10

Kughengu ningu kumtsu athono Khristo kughakutha zulo puthugho masa nani eno pututano kiu mla puani keno kivi kusa kiqi lono ithulupe nani.

ZAKINIU 2:30

“Ikemu Akukau Sihon ye ningu pelo pa ghakhu kathasu wupemoke. AMPEU nongu Lhou no pa pelo kuthovivepe eno hebidevepe ikehu ninguno pa leluve eno pa ghakhu lukepu shiveke, tipauye itehi kutolo ninguno qhasupe anike.

ZAKINIU 32:34

“Panoqo ghumino kiu shivetsu keno AMPEU no kumsupusu ani; pano ghimenike pano ado achipiu khe ani.

2 Thes. 1:5

Hiye Alhou no achipi lono kughathakeu pikiphe lakhike, tishianguno nonguye Alhou yehkipe qholo ilo kuzupu shitsu nike ghenguno nonguye ime anike.

IBRIMI 3:13

Ikemu kuchoyesulo “Ishi tsala” ipiake kutolo nonguye tsalakipetsulo lakhino lakhi shikumtolo, tishianguno axineno nongu lakhimu pishiqhive pemonike eno amlo mukamughaive pemonike.

IBRIMI 3:15

Kuchoyesulo ishi pipuani: “Ishi tsalalo nonguno Alhou sutsa chilukeulo, Nonguno pahebideve kelo toi, Nongu mlo shikumka kevilo.”

IBRIMI 4:7

Hiye tishiputsa kepi mutsuqheyi shilu akeuye Alhou no atsala kutau “Ishi tsala” qhipuani. Kuchoyesu tsa tipivekeu huye ampe kutomo thiuno David vechewo Alhou no pike. “Ishi tsalalo nonguno Alhou sutsa chilukeulo, Nongu mlo shikumka kevilo.”

James 5:3

Nongu wu shunayi ngo tsandiyiye ayisano chuvae eno ayisa tipauno nongu shou piqabe nani eno ami toi nongu phiashi chupuha nani. Nonguye kishekhake tsala hipaqolo akini pekutsu ani.

JOSHUA 11:20

AMPEU no panongu pelo Israilmi sasu tsaqui aghu shinike kutope, tishianguno kimiyekini panongu shou kuhano pithi khaveni keu shive. Tiye AMPEU no Muse lau ahza tsuve keuke.

2 Peter 2:9

Tishiaye Ampeu no pa lau amlo tsukemi shilukusa sasu kupughu akeu lono xaphe lunikeu ithi ani eno amikucho kumomiqo pesu Kughakuthapu Tsala ghenguno aghimeshi pu anikeu ithi ani,

2 Peter 3:7

Ikemu Alhou tsano atsutsu ayeghi itehi akeu huye ami pesu kutsapiniyiveni keushi ghupe puani, tiye Alhou phimokemi shou kughathabeni keu eno kutsapiniyiveni keu tsala ghenguno qhipuani.

Jude 1:6

Kungumi khipaqono panono akepualo ngomoveno tipa-a kacheve nikeno , panonguye aqhou zumoikeulo lhokta yikichhe pesu tshuve cheni, eno kughakutha Tsala akijeu ighimoke kutolo qhipua cheni.

Piyeküsü 2:21

Li pelo axine lono xaideghipe nike ino ado tsuke ikemu lino salhashupu chekeu lono xaideghi nishimoe.

Piyeküsü 6:17

kughengu panongu loghu tsala ighivae eno khuno tipaulo puthugho kulupu kya?”

SAMUEL ATUGHIU 6:6

Nonguye kushiye Ijipmi eno Ijip kukau toi ighono amlo kuthovi ghi ngo ani kya? Alhou no panoqo shikimighi akethiuno Israilmi Ijip yeghi lono phepuwotsu keu ghili hu kumsumave kepu kumoe.