Rommi 2:3 - BAIBEL (BSI)

³ Ikemu o timi, no-ampi ghi hikithipu shiche keghi noye kutami shou tipau ghenguno kughatha keu becheni kya? Noye Alhou wu kughakutha lono polu nani kughashi ani kesha?

Sümi Tiqhelimi Bible

³ Tishiaye O nongu timiqo! Nongu küsakügha kümlà shi chekemi thotsü küsakügha kümlà shi chekemi kütami shou küghathabe cheni aye, nongu ye Alhou’w küghakütha lono pokajoluve nani küghashi kümsü ani keshea?

Sumi Naga CL (Re-edited) Bible (BSI)

³ Imaye, no khuu hikithipu shiche pülaghi kütami shou küghathabe acheni keno, no ye Alhouw küghakütha lono pokalu nani küghashi anio?

Rommi 2:3 ပူးပေါင်းရင်းမြစ်များ

SAMUEL AKINIU 10:3

Amunmi sakiphemino akukau vilo pi, “Noye David no opu gihu keu michipu lono pa ghinimi hipaqo hapesu kimiyekeu sutsa sughitsu anipi kumsukevilo. Khilemu tipau kiqi lono ighi amoe. Ikemu paye timi hipaqo hapesu aphughi hipau puju ighi ani, tishino ningu leveniyeke!”

LESHELE 50:21

Nonguno hi kumtsu shicheni ikemu niye inaqhoi acheni; ikehu nonguno kumsukeuno niye nongu toi kughashi achenike. Ikemu itehi niye nongu sakiyi ani, eno avehu mutsumishei xathape nongu qhitsu ani.

LESHELE 56:7

Ikehu, panoqo lhoksa ghenguno ghimeqhilo, O Alhou; Ologhu lono panoqo hekuluvelo!

AHOLE 11:21

Alhoksamiye ghimeqhi nani kepi mutsuqhei ithilo ikemu amikuchomiye poluve nani.

AHOLE 16:5

Qhezalaki ghi xuchekemi kumtsu AMPEU no mithi acheni; paye panoqo pelo aghime shipenikeu lono povepemo nani.

EZEKEL 17:15

Ikemu Juda kukauno hebideve eno khurshi ngo aghushimi saghinike alachemi Ijip lo puwuke. Paye tolu nani kesha? Paye tikithipu shipuzu pokulupu kesha? Paye visho kuboleve puzu aghime sholumove nani kesha?”

EZEKEL 17:18

Paye pa shoqhi ngo visho pano shipuakeu kuboleve. Pano hipaqo thime kumtsu shiveake eno itehi paye povemla nanike.”

DANIEL 10:19

Pano pi, “Alhou ye okimiye acheni, tighenguno kiu nomu omulo ghime pekevi momu oshi kumsape kevilo.” Pano kughono hi pikeno, niye muto kithe ighi eno ino pi, “Akijeu, kiu ivilo pikepu anikeno pilo. Nono ishikumto kitheve tsuake.”

MATTHEW 23:33

Nongu apighiqo, eno apighitiqo! Amino aghime tsukeu lono nonguye khileno pokulupu kya?

MATTHEW 26:53

Ino iPuh vilo kuphu lepiaye pano paikhavino kungumi aqo chighikini nguno alau puwutsulu nani kepi nonguye kumsumla kesha?

Luke 12:14

Jisu no pa vilo pi, “Timio, khuno ipelo okujo dolo amheghi kikijeu eno kughakuthau shipe kya?”

Luke 22:58

Ado kitila thiu timi lakhino pa ithuluno pi, “Noghi panongu gholo lakhike lae!” Ikemu Pitor no khochile: “Timi ghi, niye khilemu kumoe.”

Luke 22:60

Ikemu Pitor no khochile pi, “Timi ghi lae,nono kiu piqhi ani keno niye tsamu ithi amoe!” Tipa mtsa, pano atsapi aphi lono awudu ighauve.

Rommi 1:32

Panonguye Alhou yezahlo timi khunono hikithipu shini keno pithive kuzupuepi ithi ikeghi panonguno hipau shikeu likhi kumono kutamino hipaqo shichekeulo ghi panongu mlo kiqishi acheni.

Rommi 2:1

Tighenguno o timi, no-khuu keno kutami shou kughatha be kulupu kya? noye jekujeli kiumu pikulupu kuhae. Kughengu nono kutami shou kughakutha be aye olikhi okileqhive ani.

Rommi 2:2

Timi hikithipu shikichemi shou kughathabe aye Alhou ye achipishi anie pi ninguno ithi acheni.

Rommi 9:20

Ikemu no khuu keno, timi lakhi kenoku-u Alhou ghechile ani kya? Ayeghino shikeu li lakhiye ti koghekughu shiphekeu vilo, “Noye kushiye hitoi ikughuphe kya?” ipi iniju chemoe.

1 Thes. 5:3

Kughou timi no, “Thwokha iquneyi eno achipishi akhanie,” ipi akelono zuleno shiluksa puluksano totimino anga pununiye suakeshi timiqo shou ighi nani eno panonguye povemla nani.

IBRIMI 12:25

Tighenguno, khuno pi ani keno tipau tsa inimovekeu shikevilo, kughengu ayeghi lono Alhou tsape shipesu panongu kutughukeu inimovekelo panonguye pomlave aye, tishiaye kungugha lono atsape shipesu kutughukeu ninguno initsumoaye ninguye kitilamu pokulupu kuhae.

IBRIMI 2:3

Tishiaye, ninguno xakulupu kije hikithipu kughuchove aye ninguye kishipuzu polu nani kya? Ampeu pa ampino atughushi xakulupu hipau pesu asheshuke eno tipashelo khunoqono pa launo chilukeno tipaqono nivilo tipau huye kuchou kepi mutsu qheyi shive tsuae.