Rommi 2:14 - BAIBEL (BSI)

¹⁴ Judakumomi ye Ayezah pecheghimoe, ikemu kughou panonguno aghoapulou lono Ayezah lo kiu ahza tsukeno shiaye, Ayezah pighi aghimo namu, panoqo ghenguno tino ayezah lakhi shivae.

Sümi Tiqhelimi Bible

¹⁴ (Kuchou lo ye, kughou Jewkumomi khunoqo ayeza küha kemu alhoaye lono ayeza lono shilo pikeu shini cheni keno panongu ye ayeza küha namu tino pano likhi pano ghenguno ayeza lakhi shive cheni.

Sumi Naga CL (Re-edited) Bible (BSI)

¹⁴ Jewkumomi khunono Moses Yezah pechemo keghi pano lotsü no hakite keu lono Ayezah lo akeu shini keno, Ayezah huno panow kumo aghi namu pano ghengu ghi ake.

Rommi 2:14 ပူးပေါင်းရင်းမြစ်များ

Apostolmi 10:35

Khunokhuno shiayeh shi aghimu khuno Alhou sumsa eno achipiu shicheghi nikeno Alhou ye tipano ikhilunikeuke.

Apostolmi 14:16

Wovekeu tiqheli loye pano ashiayeh jeli pelo pututa lah pula chepeke,

Apostolmi 17:30

Timino mthakeu ghuloki loye Alhou no jukumghale vetsuche, ikemu itehiye pano aqha kuchopulo timi kumtsu vilo xukithelu lopi ahza tsu ani.

Rommi 1:32

Panonguye Alhou yezahlo timi khunono hikithipu shini keno pithive kuzupuepi ithi ikeghi panonguno hipau shikeu likhi kumono kutamino hipaqo shichekeulo ghi panongu mlo kiqishi acheni.

Rommi 2:12

Judakumomi ye Muse yezah pecheghimomu axine shicheke eno Ayezah kuha pulaghi panongu ghi puhave, Judamino Ayezah peche pulaghi axine shikehu Ayezah no panongu shou kughathabevae.

Rommi 2:15

Panongu kughutha jukelo Ayezah lo kiu zah tsupuani keno tiye panongu mlolo yepe puanie. Panongu lokutsu ghi kuchou kepi ashepe shiani eno panongu kukumsu thotsu kutsalano nguku kile eno hataloye panoqo sushokile cheni.

Rommi 2:27

Tishiaye, nonguno aphighu yiko ghave aghi namu Ayezah hephoveaye, khunoqono aphighu yiko ghamo namu Ayezah peluni keno tipaqono nongu kileqhivae.

1 Kor. 11:14

Alhoaye lonomu nongu shikakeuno kiptimino asa kushuwa pukeuye pa shipunha anike kumokesha?

1 Kor. 9:21

Muse yezah kuhakemi Judakumomi gholo niye panongu lakhi toi xucheni, tishianguno Khristo lau panoqo saghiluni kehu. Tishiepimu niye Khristo yezah bocholo anike ghenguno Alhou wu ayezah pemokeu shimoe.

Ephesiami 2:12

Tipa ghulokilo nonguye Khristo launo kututashipe acheke. Nonguye inami shi ache, Alhou no kishelukeu Israilmi laumi kumoke, eno Alhou no pawu timi lau piqhikeu puloshoqhi shikeu launo tusumi shiache, eno hipa yeghiqhalo lajupu kuha eno Alhou kuhano acheke.

Ephesiami 2:3

Ghuthu lakhiye ningu kumtsu timi tipaqo toi ningu shi-aji pulouno minheqhikeu xapusu xucheke eno ningu phimpi akukumsuno minechekeu papecheke, ikehu timi kutamiqo toi ninguye alhoaye lono Alhou loghu sholukemi shicheke.

ZAKINIU 4:7

“Ashiayeh kutamino pinamu AMPEU niLhou no nino avehupu shikelo kupunukhoi akeu toi khuno lhou mu kuhake. Paye ningu kuphu lepi kukelo nikhochile chenike.

FILIPIAMI 4:8

Athikuzumiqo, ashekhashi kiuno kuchou, kiuno gihukuzupu, kiuno achipiu, kiuno mutsumisheyi, kiuno alokepu, kiuno kupukinipu keno akivipu eno shekepushi aghiaye tipaqo thime shou kumsupuku alo.