Rommi 2:1 - BAIBEL (BSI)

¹ Tighenguno o timi, no-khuu keno kutami shou kughatha be kulupu kya? noye jekujeli kiumu pikulupu kuhae. Kughengu nono kutami shou kughakutha be aye olikhi okileqhive ani.

Sümi Tiqhelimi Bible

¹ Tighenguno nongu khunoqo no kütami shou küghathabe cheni keno nongu ye ajekukivi kiumu kühae, kughengu nongu no kiu-kiu kiqi ghenguno kütami shou küghathabe aghí namu, tiye nongu likhi nongu kiléqhive ani, kughengu khuno no kütami shou küghathabe cheni keno pano ghí kütami toi küsakügha kümlà shi cheni ke.

Sumi Naga CL (Re-edited) Bible (BSI)

¹ Tighenguno O timio, no khuu kütami shou küghathabe cheni keno, no ye ajeku kiumu kühavae. Kughengu no küghaküthau huno panoqo toi shicheni püzü itaghi küghathabe aye, o likhi o peve auvae.

Rommi 2:1 ပူးပေါင်းရင်းမြစ်များ

Luke 12:14

Jisu no pa vilo pi, “Timio, khuno ipelo okujo dolo amheghi kikijeu eno kughakuthau shipe kya?”

Luke 19:22

Pano pa vilo pi: ‘No aqeu lhoksau ino otsa pesu okileveni! Nono ithikeuno niye tsatsaikemi, khikhi iwu kumo keno tipau luve cheni, eno khikhi ino shosumo keno tipau xolu cheni.

Luke 6:37

Kutami shou kughathabe kevilo, eno Alhou no oshou kughatha bemo nani; kutami thave kevilo eno Alhou no othavemo nani; kutami xine pevetsulo eno Alhou no oxine pevetsu nani.

Rommi 14:22

Hipau vehulo nono kiu pulu cheni keno tipau Alhou ngo okujo dolo qhilo. Khunono pa pulou kiukeno pano shikeulo pa likhi pa shou kughathabe kepu shimokemi kumghae!

Rommi 2:2

Timi hikithipu shikichemi shou kughathabe aye Alhou ye achipishi anie pi ninguno ithi acheni.

Rommi 2:3

Ikemu o timi, no-ampi ghi hikithipu shiche keghi noye kutami shou tipau ghenguno kughatha keu becheni kya? Noye Alhou wu kughakutha lono polu nani kughashi ani kesha?

Rommi 3:9

Tishi aye ningu Judamiye Judakumomi nguno akiviu kesha? Moe, khilemu kumoe! Ino piveano Judami na Judakumomi namu, kumtsu axine qholo ani.

Rommi 9:20

Ikemu no khuu keno, timi lakhi kenoku-u Alhou ghechile ani kya? Ayeghino shikeu li lakhiye ti koghekughu shiphekeu vilo, “Noye kushiye hitoi ikughuphe kya?” ipi iniju chemoe.

1 Kor. 4:5

Tighenguno kophepuakeu-do ighimphi loye eno Ampeu no ighimphi kutolo khuu shoumu kughathabe kevilo. Itehiye thime khijehi kusupuani keno Ampeu no akuvulo ikhiphe saghi nani eno amlolo tuqhouno kumsupu akeu kumtsu pano lhaphe piye nani. Tileno timi kumtsu pututa shelo pa sheqhe kepu aghikeu Alhou launo ithulu nani.

1 Kor. 7:16

Nono kupulumi anipu lakhi shiaghi aye noye okimi xamla nani kepi kishieno piluni kya? Momu nono kupulumi akimi lakhi shiaghi aye noye onipu xamla nani kepi kishieno piluni kya?

James 2:20

Noye mbomuzumi kena! Akumla sumokelo akupuluye abokumsa kepi opiyepe nishi ani kesha?

James 4:11

Athikuzumiqo, lakhino lakhi shou alhoksa pikevilo. Khunono pa thikuzumi shou alhoksa picheni momu pa thikuzumi shou kughathabe cheni keno paye Ayezah shou alhoksa pianike eno tipau shou kughathabe anie. Nono Ayezah shou kughathabe aye noye Ayezah papelukemi kumovae ikemu tipau shou kughathabekemi shiauvae.