Rommi 11:1 - BAIBEL (BSI)

¹ Tishiaye ino hi inijuni, Alhou ye pawu timiqo peve akesha? Khilemu tishimoe! Ni ampino Israilmi lakhi ke, Abraham polo kughukomi eno Benjamin laghami lakhie.

Sümi Tiqhelimi Bible

¹ Tipathiu I no ishi iniju: Alhou ye paw timiqo milive keshea? Khilemu tishimoe! Ni ampi ghí Israelmi lakhi ke. Ni ye Abraham tikughukomi eno Benjamin lagha lono ighi kemi ke.

Sumi Naga CL (Re-edited) Bible (BSI)

¹ Tishi aye, I no hi ighiju ani, Alhou ye Paw timi kileqhive akea? Kiu gholau nomu kumoe! Kughengu ni ampi ghi Israelmi, Abraham polo kughuko, Benjamin laghami ke.

Rommi 11:1 ပူးပေါင်းရင်းမြစ်များ

KUKAMI AKINIU 23:27

AMPEU no pi, “Ino Israil lo kiu mlakeno titoi Juda shou ghi mla nani, Ino inhekithe lono Judami hapupove nani eno ino kishephe lukeu Jerusalem phughi milive nani. Achineki khipa-a lono imllakepu shi ino pitsukeno ti kumtsu milive nani.”

LESHELE 77:7

“AMPEU ye pulhapuju ningu pevenia kesha? Paye khilemu ningu lau amlo qimoa kesha?

LESHELE 94:14

AMPEU ye pawu timiqo qhivemo nani; paye pa laumi qhiveno wuvemo nani.

HOSIYA 9:17

Ino qechekeu Lhou no timi hipaqo peve nani kughengu panonguno pa tsa lumoke. Panonguye ashiayeh kutami gholo iqho iqiju puha cheuve nani.

Luke 20:16

“Pano ighi puzu timi tipaqo pithive nani eno atsayilu pesu mishi chichekemi kutami tsuve nani.” Timiqono ti inia puzu pi, “Khilemu kumoe! Tishi pemoniu.”

Apostolmi 22:3

“Niye Judami lakhi, Kilikia ghakhulo Tarsus phu lono punu kemi, ikemu Gamaliel qholono kiphimi lakhi shi-ghi Jerusalem phughi hipau lono saputhue. Nipu asuqo yezah ghola akuthou lono ishika puthu, eno nongu ishi hile akemiqo kumtsu hutoi Alhou ghenguno azukini shi ache.

Apostolmi 26:4

Judami kumtsuno ino apumi shi aphi lono kishi xu acheni keno ithi ani. Inahuu nomu panonguno ithi anike, niye niyeghilo eno Jerusalem lono ikuxu kuchopu xuighivae.

Rommi 11:11

Ikehu ino iniju ani, Judami no shokukholukeuye veqhiauve peniye kesha? Khilemu tishi moe! Ikemu panonguno axine shivekeu lono Judakumomi lau xakulupu ighi, ti Judami pelo panoqo jupe anheshupeniyeke.

Rommi 3:4

Khilemu tishimo nani! Timi kumtsuno kimkimi shive namu Alhou ye kuchou shi ani putsae. Kuchoyesulo ishi pipuakeu toi: “Kughou nono atsa pini keno noye achipie pi piye masae, Kughou oshou kughathabeni keno noye tipaulo tolu masae.”

Rommi 9:3

Shikulupu keaye ithikuzumi, nishiayeh ghenguno ilikhi niuno Alhou ngusu shiveno Khristo launo kughuxave nishike.

2 Kor. 11:22

Panonguye Ibrimi kesha? Nighi kethono. Panonguye Israilmi kesha? Nighi kethono; panonguye Abraham polo kughukomi kesha? Nighi kethono.

FILIPIAMI 3:5

Niye punuwo akutachenino aphighu yiko ghaveke. Israilmi lakhi shighi ipunuke, Benjamin lagha ke, Ibrimino punukemi Ibrimi lakhike. Judami yezah pepukeu ghola lono piniaye niye Farisimi lakhike,

SAMUEL ATUGHIU 12:22

AMPEU no tsaquino tushoqhivae eno paye khilemu nongu phevemo nani, kughengu nongu pesu pawu timi shini keu pano kughakutha shiluvae.