Rommi 10:9 - BAIBEL (BSI)

⁹ Kughengu Jisu ye Ampeu ke ipi okichino piphevelu aye, eno Alhou no akithi lono pa xaputhuve kepi omlolo puluaye, oxalu nani.

Sümi Tiqhelimi Bible

⁹ Nono O kichí lono, “Jisü ye Ampeu,” ipi shupheve eno Alhou no akithí lono pa xüputhuve kepi O mlo lono pülüluve aye, no ye xaluve nani.

Sumi Naga CL (Re-edited) Bible (BSI)

⁹ kughengu nono Jisü ye Ampeu kepi o kichi lono piphelu eno Alhou no akithi lono Pa xüputhu kepi o mlo lono pülülu aye, no ye xaluve nani.

Rommi 10:9 ပူးပေါင်းရင်းမြစ်များ

Luke 12:8

“Ino nongu vilo pini, khunono paye iw kepi kutami zulo pipheni keno, Timi Nu ghi Alhou kungumi zulo pa je pesu piphetsu nani.

John 9:22

Pa puazano hipatsa pikeuye kutau kumono panonguye Judami musaveke, kughengu Judamino xatha pe puakeuno timi khuno Jisu ye Khristo kepi pipheni keno Sinagog lono timi tipau haphevenikeu shiae.

Apostolmi 16:31

Pamano ishi pi, “Ampeu Jisu shou pulubelo tishi aye no eno okibolomi xaluve nani.”

Apostolmi 2:24

Ikemu Alhou no akithi lono pa xuputhuve eno akithino ghimeqhikeu lono pa kuqhopheve, kughengu akithino pa kughape akughu shipe puamlave.

Apostolmi 2:32

“Alhou no Jisu hipau hu xuputhuve eno ninguno tipaulo thopi miqoe.

Apostolmi 8:36

Panonguno chesusu iqichekelo azu akeu-alo ighi, ike khashishivekemi huno pi, “Julo, azu hi ani. Baptiz shiluve nikeulo kiualano ilakha kepu ani kesha?” [

Rommi 10:10

Kughengu timino amlo lono pulukeulo huno Alhou lau achipikalupe cheni, eno nikichino pipheveno xalu chenipeke.

Rommi 14:11

Kuchoyesulo ishi yepuani: “Ampeu no ishi pi, ino xuanikeke timi kumtsu izulo qhoqhunhe nani, eno niye Alhou kepi timi kumtsuno akishe tsu nani.”

Rommi 14:9

Kughengu Khristo no thiveno xukithethu shikeuye kuxumi ngo kithimi Mpeu shini kehuke.

Rommi 4:24

ikemu ni ghengu ghi ke. Ningu khunoqono ni Mipeu Jisu akithi lono xuputhuvekeu Lhou puluni keno, achipikaluve keu hu ningu lau ghi kihipukutsu nani.

Rommi 8:34

Khualano panoqo ghushokulupu kesha? Jisu Khristo thivekeu huno keo? Tikekumono, paye akithi lono xaputhuve puzu Alhou u-ajeu ngono ningu ghenguno qhuinijutsu ani.

1 Kor. 12:3

Tighenguno ino nongu pelo hi ithipenishi akeuno timi khumu Alhou Ghungu no sache puzu, “Jisu ye musuiniveake!” ipi khilemu pimo nani eno khunomu Aghungu Kimthe no sachemo aye, “Jisu ye Ampeu ke,” ipi piphetsumo nani.

FILIPIAMI 2:11

Apu Alhou jekipipu shighi timi lhoxu jeli kumtsuno Jisu ye Ampeu ke ipi asheshu nani.

1 Peter 1:21

Pa vechewo nonguno Alhou shou pulubekeu ani, pano akithi lono Khristo xuputhuve eno akimthe jekipi pa tsue, tishianguno nongu kupulu eno lajupuye Alhou shou apeniyeke.

1 John 4:15

Khuno Jisu ye Alhou Nu kepi piphetsu nikeno paye Alhou sasu xukimepe ani.

2 John 1:7

Ayeghiqha kumtsulo pishikiqhimi kutomo ipeghivae, timi tipaqono Jisu Khristo ye timi shiajih pepuno ighikepi ikhiluchemoe; titoikemiye pishikiqhimi eno Khristo Kimthiu ke.