Rommi 10:3 - BAIBEL (BSI)

³ Alhou no timi pelo pa lau achipikalu pekeu lah panonguno jukumghaleyive puzu pano likhi pano chipiu shipe qhinikeu phuauve ikehu Alhou no timi pelo pa lau achipikalukeu lahlo panoqono chemove.

Sümi Tiqhelimi Bible

³ Panongu no Alhou chipiumikucho mtha no pano likhi pano ghola lono achipiu shini keu phu ke ghenguno panongu ye Alhou chipiumikucho lau ikhiphe pesü tsümo ke.

Sumi Naga CL (Re-edited) Bible (BSI)

³ Alhou no timi pelo achipikalupe chekeu kighithi ye kühano pano lotsü lou no shiniye kelono panongu ye Alhou chipiu zülo qhoqhü mlave.

Rommi 10:3 ပူးပေါင်းရင်းမြစ်များ

NEHEMIA 9:33

Noye nighimeqhi keu achipike, ninguno axine shivekemu noye pukhukulushike.

JOB 33:27

Pano aqo gholo ishi pi nani; “Niye axine shiveke, eno akumzu pesu akughuho shivetsu ake, tiye ila heshekepu shimlae.

LESHELE 71:19

Omikuchoye atsutsu kutolo to ani, Alhou; nono thime kije shivetsuke, khumu otoikemi kuhae.

ISAIAH 51:1

AMPEU no pi, “Nongu xaluve penishikemiqo, itsa inilo, kuphupe nike ilau ighi kemiqo. Atuqu khipau launo nongu ighi keno kumsujulo, khipau tu kuchhuki lono nongu chhuphelu keno kumsujulo.

ISAIAH 51:6

Atsutsulo jupukulo, ayeghilo jupi qilo! atsutsuye amichhi toi hailove nani; ayeghiye aphimini toi aqashive nani, eno tile timi akeqoye amiyi toi thikhave nani. Ikemu xaphekulu ino pechekeuye alhokupujulo ache nani; ino tolukeu no ashekhauke.

ISAIAH 51:8

Panonguye apilano chuvekeu phi mini toive nanike! Ikemu xaphekulu ino pechekeuye alhokupujulo ache nanike; ino toluvekeuye ado kumtsu acheuve nani.’

ISAIAH 56:1

AMPEU no pawu timiqo vilo pi, “Kiuno amikucho eno achipiu keno tipau shilo, kughengu ino payi nongu xalu nani.

ISAIAH 57:12

Nonguno kiu shikeno tiye achipi kepi nonguye kumsu aghiluvi, ikemu ino nongu ghusho ghili lhevetsu nani eno nonguno ajulho mllachekeqoye nongu kuphumla nani.

ISAIAH 64:6

Ningu kumtsuno axine toiva eno ni mikucho kumla kumtsu niqhunilai keu phinhe toike. Nixine ghenguno ninguye asunipa thizumyive puzu amlhuno fupewuvekeu toike.

AKUMLO 3:22

AMPEU wu ikiqivemo keu kikimiye ngo kupuqhiyikeuye achephi.

DANIEL 9:24

“Ampe tsunino ghuthu lhotsuniye Alhou no timiqo eno owu akimthe phughi axine lono khaqhiphe nikeu kihitha tsukeudo ke. Axine qhivetsu nani eno lhokta mikucho khaqhive tsu nani, tipau lono kungunhetsu ithulu keu eno tungkuptsa kuchou shikupu nani eno akimthe chineki shikimthe kithe tsu nani.”

ACHINE 26:41

eno ipelo panoqo shou akumou shipeke eno panoqo ghumi ghakhulo panoqo halepupove peke. Ashekhalo, kughou nongu polo kughukomino mtshaivuni keno eno pano xine eno hebidekeu jume lochileveni keno,

Luke 10:29

Ikemu Ayezah kukutsumi huno pa likhi paye achipie pinishive kehu pano Jisu vilo iniju, “Khuuno ikisughumi kya?”

Luke 16:15

Jisu no panongu vilo pi: “Timi zulo nongu likhi nonguno achipiu kepi acheni, ikemu Alhou no nongu mlo ithi anie. Kughengu timino kiu pesu amekuapu kije kepi kumsu cheni keno Alhou zuloye kiumu ame kuhae.

Rommi 1:17

Kughengu Alhou no kishi timi pesu pa lau achipiulo qhicheni keno tiye atsakiviu vechewo pephepiye puani: hiye abothu lono ashekha kutolo akupulu likhi vechewonoke. Kuchoyesulo ishi yepuani, “Amikuchomiye akupulu lono xulu nani.”

Rommi 10:2

Ino panoqo ghenguno ashepe shilu nanike panonguye aghuiloqhiyi Alhou lau azukini achenie, ikemu panonguno azukini shi achekeu huye kuchou kighithi sumo puzu shi acheni.

Rommi 10:20

Isaya no akumto shi pipuani: “Khunoqono iphujumono achekeno tipaqono iphuluvae, Khunoqono ivehu inijumono achekeno ino tipaqo lau pephe piyevae.”

Rommi 11:7

Ike kishive kya? Israilmiye kiu phuchekeno phumlave; Alhou no amqo aghulo kishelukeqono ti phuluveno kutamiqoye Alhou no kukeu ini kikeve.

Rommi 3:22

pulukemi kumtsu ghenguno Jisu Khristo lau akupulu akeu vechewo Alhou no timi pelo pa lau achipikalupe keuke. Kughengu kiumu kutuqukeu kuhae:

Rommi 3:26

ikemu itodoloye pano timi xine ikhivetsu akeuye, paye achipie pinikehu eno Jisu lau khukhumu akupulu bekemiye pano achipikalu pecheniepi piyeni kehuke.

Rommi 5:19

Kughengu timi lakhi aghokulu kumo lono timi kutomo axinemi shive peke toi, timi lakhi ghokulu lono timi kutomo Alhou lau achipikalupe nani.

2 Kor. 5:21

Khristo ye axine kuhae, ikemu Alhou no pa pesu axine kughulhovetsu, tishianguno pa gholo kuqhape akeu lono ninguye Alhou mikucho kusajelupeniye ke.

ZAKINIU 6:25

Alhou no ahza ningu tsukeu thwokha ninguno amikucho shi pelu aye paye ningu lau amlo kiqi anani.’ ”

FILIPIAMI 3:9

eno pa gholo kuqhaluve niyeke. Ayezah papelukeu lono ilikhi iwu shilukeu mikucho pumono Khristo shou akupulu bekeu vechewo amikucho shilukeu anike, tiye Alhou launo ighikeu mikucho akupulu shou bepe akeuke.

2 Peter 1:1

Jisu Khristo qeu eno apostol Simon Pitor launo niLhou eno niXakuluu Jisu Khristo mikucho vechewo nigholo akupulu aqhemishi ithuluvekemi lau yelu ani.